SIN LANGCHYI—HKAJA LAIKA June 2019
Ndai laika buk hta 2019, August 5 kaw nna September 1 laman, hkaja na sumhpa ni lawm ai.
‘Kadai Mung Nanhte Hpe N Hkalem Lu U Ga Sadi Nga Mu’
Satan gaw masha hpe hkalem ai lam hta grai ningtawn ai. Yehowa kaw nna anhte bai kayin wa na matu hte anhte hpe shingkang ka-up na matu shi gara hku shakut nga ai kun?
Yehowa Sharin Ya Ai Lam Hte Nhtan Shai Ai Yawng Hpe Ninghkap U
Anhte a myit mang ai lam hpe shingdu labau, htung hking hte hpaji ni gaw shingkang ka-up da ai. Anhte a myit hta ‘ngang ngang ru jung’ nga ai lam ni hpe npawt kaw nna gara hku baw kau lu na kun?
Myit Ru Myit Tsang Ai Shaloi Yehowa Hpe Kamhpa U
Laja lana myit ru myit tsang ai (sh) myit tsang ai gaw aten na wa yang, hkum hkrang hte myit masin hpe hkra machyi chye ai. Lai wa sai aten na mayam ni myit ru myit tsang hkrum ai shaloi Yehowa gara hku karum ya wa ai lam ni hpe myit sawn sumru ai hku nna anhte sharin la lu ai.
Myit Ru Myit Tsang Hkrum Nga Ai Ni Hpe Karum Ya U
Lawt, Yoba hte Naomi ni gaw prat hta grai yakhkak nna myit ru myit tsang ai lam ni hkrum wa tim, Yehowa hpe sadi dung let nawku wa ai. Shanhte a mahkrum madup ni kaw nna hpa sharin la lu ai kun?
Satan A Mahkam Kaw Nna Makawp Maga Lu Ai Lam
Nse nsa sumla gaw Karai a masha law law hpe hkam nga ai. N san seng ai akyang lailen hpe gara hku koi yen lu na kun?
Moi Na Laika Katsu Hpe Lu Hti Hkra Hpyan Ai Lam
1970 hta labau htu sagawn hpaji du ni gaw, Israel mungdan Ein Gedi shara hta wan hkru da ai laika katsu langai hpe tam mu wa ai. Kabu hpa gaw 3-D scan ladat hpaji a majaw, laika katsu hpe hpyen da ai zawn lu hti wa ai. Dai hku scan hti ai majaw hpa hpe chye wa ai kun?
