1. Man mek faalz gad we dem sorv,

Ton dem bak pan Gad abov.

Ja mos get aal gluori—

Dat wi Gad dizorv.

No faalz gad kyaahn tel a ting

Wa di fyuucha a-go bring.

Faalz gad no gi wi no elp at aal.

Dem naa go ier yu wen yu baal.

2. Luk pan ou Gad ana wi,

Yuuz wi so dat piipl si

Se wi av im niem, an

Glad fi taak bout im.

Nou wi waahn fi yuuz wi taim

Sorch fi aal uu wi kyan fain.

Tiich dem bout Gad an aal a im wiez,

So dem kyan gi Jeuova priez.

 3. Wen wi priich an tiich bout Gad,

Som lorn tingz we mek dem glad.

An wi waan di piipl

Uu a du wa bad.

Piipl niid fi andastan.

Som aks, ‘Wai Gad wiet so lang?’

So wen wi priich dem lorn ou Gad kain.

Dat gi dem uop an piis-a-main.