HELP AN SUPPORT Smaddy ago deh deh fi help yuh fi do di ting dem weh yuh fi do. Wuk wid dem an fala weh dem tell yuh wen yuh a park, wen yuh a move roun, wen yuh a save seat, an suh.

BAPTISM Fi di wan dem weh a get baptize, seat ago deh deh fi dem in front a di stage unless dem seh sitt’n different. Di wan dem weh a get baptize fi inna dem seat before di talk fi dem start pon Saturday mawnin. Carry yuh towel an proper tings fi wear fi get baptize inna.

DONATION It tek whole heap a money fi mek sure seh seat deh deh fi everybody suh wi can hear an si wah a gwaan good, an suh wi can enjoy wi convention an get closer to Jehovah. Any money yuh gi from yuh heart ago use a dah convention yah an fi di wuk weh di Jehovah Witness dem a do all ova di worl. Fi mek it easy fi yuh gi money, some box wid sign pon dem ago deh all bout in yah, or yuh can go pon donate.jw.org. Wi tank unuh fi any money weh unuh gi. Di Governing Body fi di Jehovah Witness dem tank unuh fi all weh unuh a gi fi help out wid di wuk weh God Kingdom a do.

HELP FI SMADDY WEH SICK Dis a fi ongle if smaddy get sick bad.

TINGS WEH WI LOST OR WEH WI FIND If yuh si sitt’n weh look like it nuh belong to nobody, carry it go a di area weh mark Tings Weh Wi Lost Or Weh Wi Find. If yuh lost sitt’n, go same place an tell dem wah yuh sitt’n look like. If yuh si wan pickney weh lost, carry dem go deh tuh. But memba seh, it better if wi look afta wi pickney suh dat wi always know weh dem deh.

SEAT Tink bout other people tuh. Memba seh yuh fi ongle save seat fi yuh an yuh close family, or fi smaddy weh come inna di same car wid yuh, or if dem liv inna di same house wid yuh, or yuh a study wid dem. Nuh put nuttn pon nuh seat if yuh nah keep it fi smaddy.

IF YUH WAAH FI HELP If yuh waah fi help out wid di wuk a dah convention yah, go a di place weh have wan sign weh seh If Yuh Have Question Or If Yuh Waah Fi Help.

A Di Governing Body Fi Di Jehovah Witness Dem Plan Dis