AKPA Ọ-DA ỤBWỌ
Jaabwọ Á ka Bwu Kpịtịya nya Ẹla Ịla Ụpwụ Ịgọgọ
Ọ lang ujwo nyọka kpịtịya nya ọgba nya ịBayịbụụ ọlẹ kọọ kpụng ịpyọ ẹnẹhẹ lẹ? Ọ ka ri ọgba ọlẹ kọọ kpụ́ng ẹjẹ, dang ụbwọ kụrụ irya ịtịpyọ, lee ọlẹ ká tịtọ nyọka ya je ọngọhẹ myị́. (Eje. 119:11, 111) Kụ ẹhị yẹ agbẹyị ịhyẹ ịlẹ kị ka dang ụbwọ kpịtịya nya ẹla ịla ụpwụ ịgọgọ lẹẹ wẹẹ.
-
Kpa ang ọ-kpa ju ẹla ẹjẹẹ ọla JW Library® họ ụkụrwọ. Ụka ká ja wa ịBayịbụụ bwu JW Library® ká tị tịtọ nyọka kpịtịya nya ẹga ọọwa, à ka jẹ́-ẹ ya ang jwoo ẹjẹẹ chajị ká ka yọọ hyaa.
-
Da ụpwụ ịgọgọ ọlẹ ká tịtọ nyọka kpịtịya ju ẹ-ẹga ká ka jẹ́-ẹ yọọ hyaa-hyaa. Da ọgba nya ịBayịbụụ ọlẹ ká tịtọ nyọka kpịtịya ju ẹbẹ nya ụpwụ, ká ya nọ ẹ-ẹga ká ka jẹ́-ẹ yọọ hyaa-hyaa. Angịhyẹ kaa ya ba ẹ-ẹga nya ịnyọ ọ-kpa yọyị nyaa; angịkịla kaa ya ba ẹ-ẹga kịị ya enyi bala ang oriri nyaa rịrị. Angịkịla tị myị́myị́ kaa hu ifoto nya ọgba ọọwa, lẹ ị kaa ya ju họhẹ-họhẹ i-ifon lee ikomputa nyaa chajị kọ ka gba kpehe ụka myị́ ụka kị wụrụ ifon lee ikomputa nyaa lẹlẹ.
-
Da apwụ ichiche. Da ọgba lee egbeju nya ịBayịbụụ ẹ-ẹkpẹ ọhẹ ka da ẹla ọlẹ kọ ya ẹ-ẹkpẹ ọkịla. Kpa ẹga ọlẹ ká da ọgba lee egbeju nya ịBayịbụụ ju maga nyọka kpịtịya nya ẹla ọlẹ ká ụwa ya, lee kpa ẹla ọlẹ ká ụwa ya maga nyọka kpịtịya nya ẹga ká ẹla ọọwa ji ẹ-ẹpwụ nya ịBayịbụụ.
