PASSERBI TA BETHEL I bawtisadu ira nga publisher nga magedad tu 35 pagukag nga interesadu nga masserbi ta Bethel ay mawag tu mapplano nga magatende para ta aplikante ta Bethel ta umma na Biernes. Meyanunsio i eksakto nga lokasion anna oras naw nga miting.

SCHOOL FOR KINGDOM EVANGELIZERS Membita i papayunir nga magedad tu 23 adde ta 65 nga interesadu nga palawan i ministerioda nga magatende ta miting para ta aplikante ira na School for Kingdom Evangelizers sonu umma na Liggu. Meyanunsio i eksakto nga lokasion anna oras naw nga miting.

ATTENDANT Natunno i attendant ira tapenu manguffun nikamu. Fabor bi laman nga makikoopera kamu nira tu mapia gukaban na panuttul ta direksion meyannung ta papparking, paddalanan na totolay, parreserba tu itubang, anna ta tanakuan paga nga gannug.

BAWTISMO Egga ta arubang na stage i nakareserba ira nga itubang para ta kandidato na bawtismo fuera laman nu egga paga tanakuan nga unnug. Naka-itubang ngana nakuan ta nakareserba nga seksion i kandidato ira nige nga mamegafu i palappa na bawtismo ta umma na Sabadu. Mawag tu mangivulun i kada kandidato tu tuwalya anna mepangngo nga sinnun ta pazzigu.

KONTRIBUSION Dakal nga kuartu i kawagan tapenu mapeggan tu makalanno nga itubang, sound system, video equipment, anna aru paga nga tanakuan nga serbisio tapenu makapagayaya i magatende ta kombension anna makoffun nittam tapenu mas maddukko kani Jehova. Makoffun i boluntario nga kontribusionnu tapenu masuportan yaw ira nga gastus anna i interu-mundo nga trabahu. Para kombiniente nikamu, egga ira i namarkan nga kahon para ta kontribusion ta pallevu na pasilidad. Kuruga maappresia i ngamin nga kontribusion. Mappabalo i Manangngal nga Baggi ta vuka nga palagnu nga passuporta ta interes ira na Pappatulan.

FIRST AID Daddamman nga para ta EMERGENCY LAMAN ira yaw.

LOST AND FOUND Mawag tu meyangay ta Lost and Found Department i ngamin nga nadammonu nga gamit. Nu egga nawawannu, umay taw nga departamento. Meyangay gapa taw nga departamento i abbing ira nga nesinna ta maganada onu nawawan. Ngem, ari mawag tu imammatan yaw nga lugar nga paddianan na abbing. Tangngallannu tu mapia i ánanu, anna pattalupaddianannu ira ta bikonu.

PAGITUBANGNGAN Mangipasingan tu konsiderasion ta tanakuan ira. Daddamman nga mangireserba laman tu itubang ira nga para ta kafamilianu, danuri nakitakay nikamu, ta kavulunu ta balay onu ta Bible study-nu. Ariannu nakuan mangipay tu gamit ira ta pagitubangngan nga ariannu nireserba.

PABBOLUNTARIO Nu kayànu i manguffun ta trabahu para ta kombension, mar-report kamu ta Information and Volunteer Service Department.