PÜTCHI SÜNAINKA SÜTA TÜ REWIISÜTAKAT | ¿JARALII NA AKÜJÜLIIKANA PÜTCHI NÜCHIKI JEʼWAA?
¿Jamüsü waneejatka nakuwaʼipa na aküjüliikana pütchi nüchiki Jeʼwaa?
Nnojoishii waya sünainpünaain waneeirua iküleesia, suluʼushii waya mmakat süpüshuaʼa. Na oʼunirakana sukuwaʼipa tü waʼyataainkat chashii naya Estados Unidos. Eeshii maʼaka oocho miyoone wawalayuu sainküin mmakat süpüshuaʼa. Ekirajüshii waya wayuu sünain tü Wiwüliakat suluʼu mmakat süpüshuaʼa, alatüsü suulia 230 mma wekirajakalü aluʼu wayuu. Makaʼa waainjain tia, shia süka nuluwanaajalain waya Jesuu (Mateo 24:14).
Jüüjüüshii waya sümüin tü naluwataakalü anain na sülaülashiikana mma, nnojoliipejeʼe waya sünainpünaain poliitika. Mayaa waainjain tü nümakat Jesuu namüin na nikirajüinkana sünain nnojoliinjanain wanaawain naya namaa na manoujainsaliikana, müshiijeseʼe nnojoliin waya sünainpünaain poliitika jee atkawaa (Juan 15:19; 17:16). Suʼunnaa tü Segunda Guerra Mundial münakat, watta naalii na aküjülii pütchi apüreesajinnakana, müliakana aaʼin atumawaa otta eeshii na oʼutünakana aaʼinyaasa. Naashin wanee exobispo chejeʼewai Alemania, nayaʼala neʼe na aküjüliikana pütchi nnojoliika sünainpünaain poliitika, atkawaa, aʼwaajaa wanteera suʼunnaa nuluwataapuʼuin Hitler.
«Matüjüinsalii sünainpünawaa kasa yarüttüsü na aküjüliikana pütchi nüchiki Jeʼwaa. Anashii poliitikole naya, akatsaʼa nayouktüin tia, süka jamüin, natüjaain saaʼu shiain neʼe Nuluwataaya Maleiwa ajaʼlajeʼerüinjatka tü kasa mojusükat.» (Periódico Nová Svoboda, República Checa)
Kamaneepajaʼa waya sümüin wayuu süpüshuaʼa. Anuu nünüiki Jesuu nümüin Maleiwakai: «Nnojoishi taya achuntüin pümüin süpüla püsaajüinjanain naya saʼakajee tü wayuukolüirua eekai manoujain» (Juan 17:15). Nnojotpejeʼe naatain maʼin wakuwaʼipa suulia wayuu. Jamüshiijaʼa waya, aʼyataashii jee koleejiashii waya.
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Kasa wayu tü Nuluwataayakat Maleiwa?
Pikirajaa sünain jamüin anaʼleekalia nuluwataaya Maleiwa suulia suluwataaya wayuu.
