¡EEJA WAAʼIN! Nuum. 2, 2021 | ¿Mojusüche sukuwaʼipa wayuu sutuma computador jee serulaat?
¿Anasüche pukuwaʼipa sutuma computador jee serulaat? ¿Mojutaapa shia? Eeshii na anakana akuwaʼipa saaʼin namüin sutuma tia, eepejeʼe süpüla sumojujaain nakuwaʼipa sutuma sümaa nnojoluin nayaawatüin saaʼu.
¿Jameerü pukuwaʼipa sutuma computador jee serulaat namaa paʼaleewainyuu?
Anasü maʼin computador jee serulaat süpüla yootiraain waya namaa waʼaleewainyuu, müshii pejekai waya nanain sutuma.
¿Jameerü pukuwaʼipa sutuma computador jee serulaat namaa püchonnii?
Mayaainjeʼe natüjain na tepichikana süpüleerua computador jee serulaat, jülüjüinjana naya waaʼin.
¿Jameerü pukuwaʼipa sutuma computador jee serulaat sümaa puʼwayuuse?
Eeshi süpüla aijiraain wanee wayuu sümaa nuʼwayuuse anale sukuwaʼipa computador jee serulaat natuma.
¿Jameerü pukuwaʼipa sutuma computador jee serulaat pikirajaapa?
Waneepiale waya sünain computador jee serulaat, eesü süpüla akulajaain waaʼin sünain aashajeʼeraa, nnojoleerü jülüjain waaʼin tü waashajeʼerakat otta kulajeerü waaʼin wamüiwaʼapa. Pütüjaweerü aaʼu apünüinsü kasa anaka süpüla paaʼinrüin.
Eesü sooʼomüin pütchi suluʼu jw.org
¿Jarat paashajeʼereeka amüin saʼakajee pütchikat tüü?
Pütchi suluʼuka
Paashajeʼera süchiki eein süpüla sumojujaain pukuwaʼipa namaa paʼaleewainyuu, namaa püpüshi jee nnojoleerüin jülüjain paaʼin tü pikirajaakalü anain sutuma computador jee serulaat.
