Jonas 3:1-10
3 Jonasak dusre pavtti Jehovacho ho sondex ailo:
2 “Utth, ani tea vhoddlea Nineve xarant voch, ani hanv tuka sangtam to sondex tika kolloi.”
3 Jonasan Jehovachi adnea pallʼlli ani to Nineve gelo. Nineve ek vhoddlem xar* aslem, itlem vhoddlem ki cholon tea xarachi bhonvddi korunk tin dis lagtale.
4 Jonas tea xarant bhitor sorlo, ani ek akʼkho dis cholon oxi kollounni korit ravlo: “Anik fokot 40 disamnim Ninevechem nisontton zatolem.”
5 Hem aikon Ninevechea lokamnim Devacher bhavarth dovorlo, ani tannim upasachi kollounni keli. Uprant sogleamnim, lhanamnim toxench vhoddleamnim sak ghatle.
6 Ho sondex Ninevechea razak pavlo tednam to aplea xinvasona thaun utthlo. Tannem aple razache kopdde kaddle ani sak ghalun gobrant boslo.
7 Itlench nhoi, tannem akʼkhea xarant oxi kollounni keli,“Raza ani tachea vhoddlea-vhoddlea odhikareamnim ho hukum dila: Zaum munis vo zonvar, hindd vo menddram, konnench kitench khaunchem nhoi. Tannim jevonn jevchem nhoi, toxench udokui pieunchem nhoi.
8 Sogleamnim sak ghalcho. Tannim kallzantlean Devak ulo marcho, aplim noxttim kamam soddun diunchim ani maramari korop soddun diunchem.
9 Konn zannam, khoro Dev ghoddie aplea nirnnoi-a vixim porot chintit* ani amcho nas zaina zaunk aplo krodh soddun di-it.”
10 Tannim jem kelem tem khorea Devan polloilem. Tannim aplim noxttim kamam koxim soddun dilim tem polloun, tannem aplea nirnnoi-a vixim porot chintlem* ani Ninevecher odruxtt haddunk na.
