AKÈY Rèsponsab-ya annan sèrvis akèy la pou idé ou. Byen kolaboré ké yé, é swiv sa yé ka di lò ou ka garé ou loto, lò ou ka alévini annan sal asanblé-a, lò ou ka rézèrvé plas pou asiz, ké ròt bagaj ankò.

BAGAJ KI PÉDI Mennen tout bagaj roun moun bliyé annan sèrvis bagaj ki pédi. Si ou pédi roun kichoz, alé wè sa sèrvis-a pou trapé sa ou pédi-a. A la osi ou pouvé mennen timoun ki pédi. Mé, pou pyès moun pa enkyété initilman, véyé ou timoun épi gardé yé òbò zòt.

BATENM Si i pa gen ròt enfòrmasyon, chèz-ya ki douvan lèstrad-a rézèrvé pou sa-ya ki ké batizé. A la yé divèt asiz, anvan diskour batenm-an koumansé sanmdi bonmanten. Yé chak ké mennen roun mayoben korèk ké roun sèrvyèt.

CHÈZ Sonjé ròt-ya. Rézèrvé chèz pou ou fanmi, pou moun ki ka vini annan menm loto ki ou, pou sa ki ka viv ké ou, ouben pou sa ki ka étidyé Labib-a ké ou. Pa mété anyen asou chèz zòt pa bézwen.

OFRANN Annan sa sal-a, yé mété chèz, matéryèl vidéyo ké sonorizasyon, ké bokou ròt bagaj ankò pou nou byen swiv program-an é pou nou vin pi pròch di Jéova. Tousa ka kouté chè. Ofrann zòt ka fè ka pèrmèt péyé tout sa bagaj-ya, ké soutni aktivité Rwayonm-an toupatou asou latè-a osi. Pou sa pi fasil, i gen bwèt pou fè ofrann toupatou annan sal-a. Mé, si sa posib, alé asou donate.jw.org pou fè ofrann asou Entèrnèt. Nou kontan tout ofrann zòt ka fè. Kolèj santral-a ka di zòt mèrsi paské zòt ka bay ké tout zòt tchò pou idé aktivité Rwayonm-an vansé.

PRÉMYÉ SÉKOUR Pa bliyé ki sa sèrvis-a la pou bay prémyé swen si i gen roun irjans rounso.

VOLONTÈR Si ou anvi idé annan travay i gen pou fè pou asanblé-a byen pasé, alé wè sèrvis enfòrmasyon ké sèrvis volontèr.

A Kolèj santral Témwen Jéova-ya ki òrganizé l’