E Matai. E Daucakamana. E Dauveivakabulai. E sega ni cakava ga qori o Jisu, e levu tale na ka a cakava. Ia era sega ni kacivi Jisu ena tolu na ka qori na lewenivanua. Era kacivi koya Qasenivuli. Io e nona cakacaka tudei me ‘veivakavulici qai vunautaka na itukutuku vinaka.’ (Maciu 4:23) Nida imuri i Jisu, qori tale ga na cakacaka meda cakava. Eda na vulica ena iwasewase qo na nona ivakaraitaki, meda cakava kina na cakacaka qo.