Mo Yaloqaqa ni Lako Vata kei na Kalou
Ena vukei iko na ivola qo mo vaqaqacotaka nomu vakabauta qai yaloqaqa.
iVola Mai na iLawalawa Dauvakatulewa
E nuitaka na iLawalawa Dauvakatulewa ni na vukei iko na ivola qo, mo vakatotomuria nodra yaloqaqa na tagane kei na yalewa yalodina ena gauna vakaivolatabu.
IKAU NI IVOLA
Mo Yaloqaqa Tiko Ga!
E vakarautaki na ivola qo me vukei iko mo yaloqaqa tiko ga. Ni o dikeva na sala e vukei ira kina na tagane kei na yalewa vakabauta o Jiova mera yaloqaqa, ena vakanuideitaki iko ni na vukei iko tale ga o Jiova mo yaloqaqa me vakataki ira.
IWASEWASE 1
IWASEWASE 1
Nodra Gauna na Peteriaki ina Nodra Gauna na Dauveilewai
Ena dikevi ena iwasewase qo na nodra ivakaraitaki ni yaloqaqa kei na vakabauta eso na dauveiqaravi ni Kalou me tekivu mai vei Inoki me yacova nona gauna na parofita o Samuela.
Veitaravi ni Yabaki ena iWasewase 1
iYaloyalo ni gauna era bula kina na talanoataki ena iVolatabu kei na veika bibi e yaco ena iVolatabu.
1 INOKI
E Lako Vata kei na Kalou
E rua na sala e duidui kina o Inoki ena vuravura qo. E rawa vakacava? Na cava eda vulica kina me baleta na yaloqaqa?
2 NOA
E Vakamalumalumutaki Vuravura
E tautauvata vakacava noda gauna kei na gauna i Noa? Raica na sala o rawa ni vakatotomuria kina na yaloqaqa i Noa ena nomu bula.
4 EPARAMA
iMatai ni Tagane me Vala ena iValu i Jiova
Na cava eda vulica vei Eparama ni yalorawarawa me vakabulai vugona? Na cava e cakava o Jiova ena yaloqaqa kei na vakabauta i Eparama?
5 EPARAMA
Na ka Dredre Duadua me Bau Cakava
Eda na vakatotomuria vakacava na yaloqaqa i Eparama meda talairawarawa vua na Kalou? Na cava eda vulica ena italanoa qo me baleta na loloma i Jiova?
6 REPEKA
E Tu Vakarau ni Biuta Nona Vuvale
E vakasakiti na yaloqaqa kei na vakabauta e vakaraitaka o Repeka. Na cava eda vulica ena nona ivakaraitaki?
7 JEKOPE
E Yaloqaqa me Taqomaka Nona Vuvale
O na vakadeitaka vakacava ena ivakaraitaki i Jekope ni o na vakalougatataki ke o sasaga tiko ga?
8 JOSEFA
E Vorata na Veitemaki
Raica na sala ena vukei iko kina na ivakaraitaki i Josefa mo vorata na veitemaki qai vosota na ituvaki dredre.
9 SIFIRA, PUA, AMIRAMI, JOKAPETI, MIRIAMA
‘Ena Vakabauta Ratou Vunitaki Mosese’
E vakasakiti na yaloqaqa e ratou vakaraitaka na yalewa dauveivakasucumi, na itubutubu i Mosese kei na ganena. Eda na vakatotomuri ratou vakacava?
10 MOSESE
E Donu Nona Vakatulewa
Na vakatulewa cava a cakava o Mosese kei na vuna? Cava o vulica ena nona ivakaraitaki?
11 MOSESE
“Lako Vei Fero”
Ena vukei keda vakacava na ivakaraitaki i Mosese, meda nuidei ni na tokoni keda o Jiova ke da nanuma ni sega ni ganiti keda na ilesilesi?
12 KELEPI
Yalodina tu ga Vua Nona Kalou
Dikeva na sala e yaga kina vei keda na ivakaraitaki i Kelepi meda kua ni “muria na ilala levu.”
13 JOSUA
Duatani na Veidusimaki, Ia e Muria Ga
E duatani vakacava na ka e vakaroti Josua kina o Jiova? Cava eso na ituvaki eda rawa ni vakatotomuri Josua kina?
14 REAPI
E Tovaki Jiova, Sega ni o Ira na Lewe ni Nona Koro
Na cava eda rawa ni vulica ena ka e cakava o Reapi? E vakalougatataki vakacava ni vakaraitaka na vakabauta kei na yaloqaqa?
15 NEOMAI KEI RUCI
Rau Rarawa Vata
Rau vakaraitaka vakacava na yaloqaqa o Neomai kei Ruci? Na cava eda vulica ena nodrau ivakaraitaki?
16 PERAKI KEI TEPORA
“Au na Tomani Iko Sara Ga”
E kerea o Peraki me tomani koya o Tepora ena ivalu. E vakaraitaka ni malumalumu se qaqaco vinaka nona vakabauta?
17 JAILI
“Kalougata Vakalevu Vei Ira na Marama”
Se kilai tiko ga nikua na italanoa ni yaloqaqa i Jaili. Cava sa qai vinakati ga kina vakalevu meda yaloqaqa nikua?
19 JEFICA KEI LUVENA YALEWA
Rau Vakayacora e Dua na Bubului Dredre
E yaga vakacava vei keda nikua nodrau ivakaraitaki o Jefica kei luvena yalewa?
20 SAMISONI
E Vakayaloqaqataki ni Malumalumu
Na cava eda vulica ena ka e cakava o Samisoni ni cakacala?
21 SAMUELA
Na Gone a Doudou me Tukuna na Vosa i Jiova
Gauna cava ena vinakati kina vei ira na itabagone mera yaloqaqa ni tukuna na ka dodonu?
IWASEWASE 2
IWASEWASE 2
Mai Nodra Gauna na Tui ina Kena Tara Tale o Jerusalemi
Ena vulici ena iwasewase qo nodra vakabauta kei na yalodina eso ena gauna makawa. Eda na tekivu vei Jonacani na luvei Tui Saula qai tarava o Tui Tevita. Ena qai kena iotioti o ira na tamata ni Kalou era sereki mai Papiloni ra qai tara tale na bai kei Jerusalemi.
Veitaravi ni Yabaki ena iWasewase 2
iYaloyalo ena gauna era bula kina na talanoataki ena iVolatabu kei na veika e yaco ena nodra gauna na tui me yacova ni tara tale o Jerusalemi.
22 JONACANI
E Yaloqaqa Qai Yalodina
E vakatovolei na yalodina i Jonacani. E kila vacava se o cei me yalodina kina? Eda na vakatotomuri koya vakacava?
23 TEVITA
E Bolea na Tuwawa
E kilai o Tevita me gonetagane “yaloqaqa, dauvala.” E uqeti ira vakacava eso tale nona yaloqaqa? Ena uqeti ira vakacava eso tale na nomu yaloqaqa?
24 APIKALI
E Walia Nodrau Cudru e Rua na Tagane
Na cava era vulica na tagane kei na yalewa vakawati ena ivakaraitaki i Apikali?
25 TEVITA
Yaloqaqa me Cakava na ka Dodonu
A rawa ni sauma lesu o Tevita na ca e caka vua. Na cava e tarovi koya? Eda na vakatotomuria vakacava na nona ivakaraitaki?
26 NECANI
E Vakadodonutaka na Tui
Na cava eda vulica vei Necani ena sala meda vukea kina na itokani e cala bibi?
28 ESA
E Qaravi Jiova ena “Nona Bula Taucoko”
Na cava eda vulica vua na tagane e taucoko na lomana vei Jiova?
30 NA YADA NI SARIFACI
Yaloqaqa ena Gauna Dredre
E vukei keda vakacava nona italanoa meda yaloqaqa ni nuitaki Jiova?
31 NA GONEYALEWA LAILAI NI ISIRELI
Doudou me Vosa na Goneyalewa Bobula
Ena vakayaloqaqataki iko nona ivakaraitaki na goneyalewa lailai qo mo doudou ni vunau, ena gauna mada ga o rere kina.
32 ILAISA
“Kemuni Jiova, Moni Dolava na Matana”
Ena vakayaloqaqataki keda vakacava noda kila nira sega ni yawaki keda na agilosi?
33 JIOIATA
E Taqomaka na Tui
E vakaraitaka vakacava o Jioiata na yaloqaqa? O na vakatotomuria vakacava nona yaloqaqa?
34 ESEKAIA
“E Kabiti Jiova Tiko Ga”
E turaga vakabauta qai yaloqaqa o Esekaia. Eda na vakatotomuri koya vakacava nikua?
36 JOSAIA
E Vukei Ira Mera Lesu Vei Jiova
Dina ni dredre nona isususu, e yaloqaqa o Josaia me vakaliuca na sokalou savasava. Eda na vakatotomuri koya vakacava?
37 TANIELA
‘E Sega ni Vakadukadukalitaki Koya’
Era na vakatotomuria vakacava na itabagone na yalodina kei na yaloqaqa i Taniela? E yaga vakacava vei keda na nona ivakaraitaki?
38 NA TOLU NA IPERIU
Ratou “Tarova na Kaukaua ni Bukawaqa”
Ratou yaloqaqa tiko ga na tolu na Iperiu, ni leqataki mada ga nodratou bula. Na cava eda vulica ena nodratou ivakaraitaki me baleta na yalomalumalumu, veidokai kei na yalodina?
39 ESITERI
‘Keu Vakamatei, Meu sa Mate Ga’
E yalomatua qai talairawarawa o Esiteri. E vakarorogo mada ga vua na watina e sega ni qaravi Jiova. Cava eda vulica ena nona ivakaraitaki?
40 NIEMAIA
E Tara Tale na Bai
Na cava eda vulica vei Niemaia me baleta noda vakarabailevutaka noda veiqaravi vei Jiova? Era na vakatotomuri koya vakacava na qase ni ivavakoso?
IWASEWASE 3
IWASEWASE 3
Ni se Bula na Mesaia kei Ira Nona iMuri
Eda na dikeva ena iwasewase qo eso na tagane kei na yalewa yaloqaqa era bula ena imatai ni senitiuri, me vaka na goneyalewa Jiu o Meri kei na yapositolo o Joni.
Veitaravi ni Yabaki ena iWasewase 3
iYaloyalo ni gauna era bula kina na talanoataki ena iWasewase 3. E vakaraitaka tale ga eso na ka bibi e yaco ni se bula e vuravura na Mesaia me yacova ni sa itabaqase na yapositolo o Joni.
41 SAKARAIA KEI ILISAPECI
“Yalododonu ena Mata ni Kalou”
Na cava rau yalododonu kina ena mata i Jiova o Sakaraia kei Ilisapeci? Eda na vakatotomuri rau vakacava?
42 MERI
Yaloqaqa me Ciqoma na iTavi
Se qai vakadua me dua e lesi ena itavi bibi e tukuni vei Meri. Cava e vukei koya me yaloqaqa me rawa ni vakacavara vinaka?
43 JOSEFA
E tu Vakarau me Cola na iTavi
Na cava e ivakaraitaki vinaka kina o Josefa vei ira na tama nikua?
44 JONI NA DAUVEIPAPITAISOTAKI
‘E Sega ni Dua e Uasivi Koya’
E tagane yaloqaqa o Joni qai bula rawarawa ga. Dikeva na ka eda na vulica vua.
45 PITA
‘Au Tamata iValavala Ca’
Ke o saga tiko mo valuta nomu malumalumu, ena yaga vakacava na ivakaraitaki i Pita mo qaravi Jiova tiko ga?
46 MERI MAKITALA
“Au sa Raica na Turaga!”
E bibi duadua ena bula i Meri nona tokoni Jisu kei ratou na yapositolo. Sala cava eda na vakatotomuria kina nona yalololoma kei na yaloqaqa?
47 MERI, NA GANEI LASARUSA
‘E Cakava na ka e Rawata’
E vakacaucautaka o Jisu na yaloqaqa kei na vakabauta i Meri. Sala cava e vakaraitaka kina na yaloqaqa? Eda na vakatotomuri koya vakacava nikua?
48 SITIVENI
“Sinai ena Vakabauta kei na Yalo Tabu”
E veilewaitaki o Sitiveni, qai rawa ni vakamatei kina. E tutaka vakacava nona vakabauta? Ena vakayaloqaqataki keda vakacava nona ivakaraitaki meda yalodina tiko ga?
49 PITA
E Dei me Vaka na Vatu
Ena vukei keda vakacava na ivakaraitaki i Pita meda nuitaki Jiova qai valuta na rere?
50 SAULA MAI TARISU
E Vakavoutaka Nona Vakasama
E dau tusaqati ira vakaukaua na lotu vaKarisito o Saula. Na cava e veisautaka kina nona bula? Na cava eda vulica vua?
51 PANAPASA
“Luve ni Vakacegu”
E yaloqaqa o Panapasa me vukei Saula, me veikilaitaki koya kei ratou na yapositolo. Eda na vakatotomuria vakacava na nona yaloqaqa qai dau vakaliuliu me vukei ira eso tale?
52 MARIKA
“E Yaga Vakalevu Vei Au”
E sotava na ituvaki dredre o Marika, ia e yaloqaqa me kua ni soro qai vukei ira tiko ga na mataveitacini. Na cava eda vulica vua?
53 PAULA
“Au Uqeti Kemuni Moni Yaloqaqa”
E vakaraitaka vakacava na yaloqaqa na yapositolo o Paula ni leqataki na nodra bula na soko tiko? E uqeti ira vakacava eso tale nona yalodei?
54 YAPOSITOLO O JONI
Yaloqaqa ena Gauna Butobuto
E sega ni bau rere se yalolailai o Joni. Ena vukei keda vakacava na nona ivakaraitaki meda yaloqaqa ni lako vata kei na Kalou?
ITINITINI
ITINITINI
“Mo Yaloqaqa”
Era cavuti ena iVolatabu e levu na ivakaraitaki ni tagane kei na yalewa, qase kei na gone era yaloqaqa mera to ena yasa i Jiova. Ena uqeti keda na nodra ivakaraitaki meda yaloqaqa tiko ga.
Vosota e sega ni dua na vosa e tautauvata kei na ka o digia.
