(Taim: 30:47)

Taim Jisas i oraitim pinis bikpela lain manmeri i sik, em i mekim Bikpela Tok Long Maunten em planti man i save long en. Dispela episod i kamapim ol dispela stori:

• Jisas i skulim ol manmeri na oraitim bikpela lain manmeri i gat sik (Luk 6:17-19; Matyu 5:1)

• Jisas i kirap mekim Bikpela Tok Long Maunten; na em i stori long pasin bilong i stap amamas na em i givim tok lukaut long ol manmeri (Matyu 5:2-12; Luk 6:20-26)

• “Sol bilong graun” na “lait bilong graun” (Matyu 5:13-16)

• Jisas bai inapim Lo (Matyu 5:17-20)

• Jisas i skulim ol manmeri long daunim pasin bilong belhat na stretim tok wantaim wanpela i gat hevi wantaim narapela (Matyu 5:21-26)

• Jisas i givim tok long sait bilong pasin adaltri na katim marit (Matyu 5:27-32)

• Jisas i givim tok long sait bilong mekim tok tru antap, pasin bilong bekim rong, na laikim ol birua (Matyu 5:33-48; Luk 6:27-30, 32-36)

• Jisas i skulim ol manmeri long sakim pasin bilong kamapim stretpela pasin bilong pulim ai bilong ol narapela (Matyu 6:1-4)

• Jisas i skulim ol manmeri long rot ol i ken bihainim bilong beten na em i skulim ol long beten bilong em (Matyu 6:5-15)

• Jisas i tokim ol manmeri long lusim pasin bilong luk sore taim ol i tambu long kaikai (Matyu 6:16-18)

• Jisas i tokim ol manmeri long lusim pasin bilong bungim ol gutpela samting bilong ol long graun tasol ol i mas bungim ol gutpela samting bilong ol long heven (Matyu 6:19-24)

• Jisas i tokim ol manmeri long lusim pasin bilong tingting planti na painim Kingdom pastaim (Matyu 6:25-34)

• Jisas i tokim ol manmeri long lusim pasin bilong skelim ol arapela na long bihainim pasin bilong givim ol samting long ol arapela (Matyu 7:1-6; Luk 6:37-42)

• Jisas i tokim ol manmeri long wok yet long askim, wok yet long painim, na wok yet long paitim dua (Matyu 7:7-11)

• Jisas i skulim ol manmeri long Gutpela Lo Tru (Matyu 7:12; Luk 6:31)

• Jisas i tokim ol manmeri long go insait long liklik geit (Matyu 7:13, 14)

• Jisas i tokim ol manmeri long lukaut long ol giaman profet; na em i stori long kaikai bilong diwai bai soim sapos diwai i gutpela o nogat (Matyu 7:15-23; Luk 6:43-46)

• Jisas i stori long haus man i wokim antap long bikpela ston na haus man i wokim antap long wesan (Matyu 7:24-27; Luk 6:47-49)

• Bikpela lain manmeri i kirap nogut long pasin bilong Jisas long skulim ol man (Matyu 7:28, 29)