(Taim 39:40)

Jisas i skulim Nikodemus, wanpela meri Samaria, na ol manmeri bilong Nasaret. Sampela bilong ol i bilip long em na sampela nogat. Dispela episod bai kamapim ol dispela stori:

• Jisas i stori long Nikodemus long mining bilong baptais long wara na holi spirit (Jon 3:1-13)

• Long ples nating ol i bin hangamapim snek na long wankain pasin ol bai hangamapim Pikinini bilong man (Jon 3:14, 15)

• God i salim dispela Pikinini tru bilong em i kam long graun, i no bilong stap olsem jas, nogat, God i salim em i go bilong kisim bek ol manmeri (Jon 3:16-21)

• Laspela taim Jon i tokaut long Jisas (Jon 3:22-30)

• Man i bilip long dispela Pikinini, em i kam long heven, em bai kisim laip i stap oltaim (Jon 3:31-36)

• Ol i kalabusim Jon (Mak 6:17-20; Matyu 4:12; 14:3-5; Luk 3:19, 20)

• Jisas i wokabaut i kam kamap long Sikar long Samaria na skin bilong em i les na em i sindaun klostu long hulwara bilong Jekop (Jon 4:1-6)

• Jisas i kirap toktok wantaim wanpela meri Samaria (Jon 4:7-15)

• Jisas i skulim meri Samaria long lotu i tru (Jon 4:16-24)

• Jisas i tokim meri Samaria olsem em i dispela Mesaia (Jon 4:25, 26)

• Meri Samaria i tokim ol narapela long Jisas (Jon 4:27-30)

• Jisas i tok kaikai bilong em, em long mekim laik bilong God; Jisas i stori long wok bilong bungim ol man i wankain long wok bilong bungim kaikai (Jon 4:31-38)

• Planti Samaria i bilip olsem Jisas em i “man bilong kisim bek ol manmeri bilong graun” (Jon 4:39-42)

• Jisas i kirap autim tok long Galili (Jon 4:43-45; Mak 1:14, 15; Matyu 4:17; Luk 4:14, 15)

• Jisas i oraitim pikinini man bilong wokman bilong king long Kana bilong Galili (Jon 4:46-54)

• Ol manmeri long Nasaret i sakim Jisas (Luk 4:16-30)

• Jisas i go long Kaperneam (Matyu 4:13-16)

• Jisas i wokim mirakel na ol i kisim planti pis; Jisas i singautim ol fes disaipel (Luk 5:1-11; Matyu 4:18-22; Mak 1:16-20)