Belen ai mefoé me ne tutué. É dzam ase o ne dzo da yeane toben ai Ébug Zamba. Mbeng o ne na o lang a Bibel émen nge nala a ne bòben. Nge wò tat é mam beyem mam be nga sòm, mefoé mezing, é mam bot be nga toben ai mò, ngeki dzam afe, dzeng na o yem nge foé té é ne tutué ai nge ya toben ai mindzengʼen beyem mam be ndem bò.

Yem belen ai mefoé. Éyòng wò timi éfus ya Bibel, lat dzò ai é bifus bia bomen dzò, ai nlo adzo nen ya Bibel, ai fe bekalara “olò o ne mewog ai fek.” wa kuli. (Matéus 24:45). Éyòng wò belen ai é foé ya sò ki a Bibel, o be tsendé ntsogen é mot a nga til dzò; nòng ngap ai bibug bia bomen foé té.

Vòligi bot na be fas mefoé wò kat bò. Éyòng o man yi lang éfus zing nge a ve foé fe, belen ai minsili ngeki mvulna asu yi na o vòli é bot ba vogolo wò na bòbeben be ke sòndi nwogen mam.