SECCION 1

Principia con Enoc Hasta con Samuel

Hay discuti na este seccion con el cuanto maga persona quien ya dale mira fe y coraje, principia con Enoc hasta na tiempo de profeta Samuel.

Chart del Seccion 1

Un chart que ta dale mira con el largor del vida del maga individual y maga importante suceso na Biblia.

1 ENOC

Ya Camina Le Junto con Dios

Diferente si Enoc con el maga gente na de suyu tiempo na dos manera. Porque? Base na de suyu ejemplo, cosa kita puede aprende acerca na coraje?

2 NOE

Diferente Le na Otro Maga Gente

Na cosa manera semejante el diaton tiempo ahora na tiempo de Noe? Mira si paquemodo tu puede imita con el coraje de Noe na de tuyu vida.

3 SARA

Nuay Le Pensa Bira

Na cosa maga manera ya demonstra fe y coraje si Sara?

4 ABRAHAM

El Primer Hombre Quien Yan Guerra Para con Jehova

Cosa kita puede aprende con Abraham cay preparao le salva con el de suyu subrino que si Lot? Cosa ya hace si Jehova despues dale mira coraje y fe si Abraham?

5 ABRAHAM

Ya Obedece Le con Dios Maskin Dificil

Paquemodo kita puede imita con el coraje de Abraham para obedece con Dios? Cosa este istoria ta enseña kanaton acerca na amor de Jehova?

6 REBECA

Conforme Le Anda na Lugar que Gendeh Familiar

Bien grande el coraje y fe de Rebeca. Cosa kita puede aprende na de suyu ejemplo?

7 JACOB

Ya Dale Le Mira Coraje Para Protege con el De Suyu Familia

Paquemodo el ejemplo de Jacob puede convinci contigo que precioso el bendicion de Jehova maskin pa necesita tu hace grande esfuerzo para ricibi con ese?

8 JOSE

Ya Resisti Le con el Tentacion

Mira si paquemodo el ejemplo de Jose puede ayuda contigo para resisti maga tentacion y aguanta na maga probanza.

9 SIPRA, PUA, AMRAM, JOKEBED, MIRIAM

Ya Demonstra Sila Fe y Ya Protege con Moises

El maga paltera y el maga mayores y hermana de Moises ya dale mira grande fe y coraje. Paquemodo kita puede imita con el diila ejemplo?

10 MOISES

Ya Hace Le Justo Decision

Cosa decision ya hace si Moises y porque? Cosa tu puede aprende na de suyu ejemplo?

11 MOISES

“Anda Tu con el Faraon”

Paquemodo el maga experiencia de Moises puede ayuda kanaton para confia que ayuda kanaton si Jehova si ta sinti kita que gendeh kita cualificao na maga assignment que ya dale Le kanaton?

12 CALEB

Ya Esta Le Leal na De Suyu Dios

Mira si paquemodo el ejemplo de Caleb puede ayuda kanaton para gendeh “sigui con el mayoria.”

13 JOSUE

Ya Sigui Le con el Maga Instruccion del Dios

Cosa maga instruccion el ya ricibi si Josue estaba con Jehova que dol maka-estraña? Na cosa maga situacion puede kita imita con el ejemplo de Josue?

14 RAHAB

Ya Iscuji Le con el Lao de Jehova

Cosa kita puede aprende na cosa ya hace si Rahab? Cosa maga bendicion le ya ricibi por causa na de suyu fe y coraje?

15 NOEMI Y RUT

Ya Experiencia Le Manada Tragedia na De Suyu Vida

Paquemodo ya dale mira coraje si Noemi y si Rut? Cosa maga leccion kita puede aprende na diila ejemplo?

16 BARAK Y DEBORA

“Hay Sigui Gayot Yo Contigo”

Ya pidi si Barak con Debora que sigui con ele na guerra. Ya hace ba este ele cay falta le fe o cay grande el de suyu fe?

17 JAEL

“El De Con Todo Bendicido na Maga Mujer”

Hasta ahora, ta puede siempre acorda el maga siervo del Dios con el cosa ya hace si Jael na un enemigo de Jehova. Porque kita bien necesita ahora con el coraje que igual de Jael?

18 GIDEON

Animoso Pero con Cuidao

Na cosa maga situacion kita posible necesita queda animoso pero con cuidao?

19 JEFTE Y DE SUYU ANAK MUJER

Ya Cumpli Sila con el un Dificil Promesa

Porque puede ayuda kanaton el ejemplo de Jefte y del de suyu anak?

20 SAMSON

Ya Tene Le Coraje Maskin Maluya Le

Cosa kita puede aprende na cosa ya hace si Samson despues le hace un serioso kamali?

21 SAMUEL

Un Bata Quien Ya Declara con el Mensaje de Jehova

Cuando posible necesita coraje el maga jovenes para hace si cosa el justo?

SECCION 2

Principia con Jonatan Hasta con Nehemias

Hay discuti na este seccion con el cuanto maga persona quien ya dale mira fe y coraje. Principia kita con Jonatan, el anak de Rey Saul, y despues, con Rey David. Na uliji, hay considera kita si cosa ya sucede con el maga siervo del Dios despues sila queda destierro na Babilonia y ya bira para construi otravez con el maga pader del Jerusalem.

Chart del Seccion 2

Un chart que ta dale mira con el largor del vida del maga individual y maga importante suceso durante el tiempo de Jonatan hasta na tiempo de Nehemias.

22 JONATAN

Necesita Le Coraje Para Queda Leal

Necesita decidi si Jonatan si con quien le queda mas leal. Paquemodo le ya sabe si con quien iscuji? Y paquemodo kita puede imita con ele?

23 DAVID

Ya Imbisti Le con el un Gigante

Ya queda conocido si David como “animoso . . . y bueno na guerra.” Paquemodo el de suyu ejemplo ya anima con otro? Cosa posible el efecto con otro si dale tu mira coraje?

24 ABIGAIL

Ya Enfrenta Le Dos Rabiao Hombre

Cosa puede aprende el maga mujer y el maga marido na istoria de Abigail?

25 DAVID

Con Coraje Le Ya Sigui na De Suyu Conciencia

Tiene oportunidad si David para vengga. Pero porque le quel nuay hace? Paquemodo kita puede imita con el de suyu ejemplo?

26 NATAN

Ya Corecta Le con el Rey

Paquemodo el ejemplo de Natan puede ayuda kanaton si ya comete serioso culpa el diaton amigo?

27 MEFIBOSET

Nuay Le Queda Negativo

Cosa maga leccion kita aprende con Mefiboset que puede kanaton dale comforta?

28 ASA

Ya Sirvi Le con Jehova “na De Suyu Entero Vida”

Cosa maga leccion kita puede aprende na un hombre quien completo el corazon para con Jehova?

29 ELIAS

“Si Jehova el De Mio Dios”

Cosa ya puede ayuda con Elias para perde el de suyu maga miedo?

30 EL VIUDA DE SAREPTA

Ya Demonstra Le Fe Maskin na Bien Dificil Situacion

Paquemodo este istoria ta anima kanaton que confia con Jehova?

31 EL ISRAELITA BATA MUJER

El Cautivo Bata Ya Converza Acerca na De Suyu Dios

El ejemplo de este bata puede anima contigo para predica maskin ta tiene tu miedo.

32 ELISEO

“O Jehova, Pabor Abri con el De Suyu Ojos”

Na cosa maga situacion kita puede tene coraje cay sabe kita que gendeh lejos kanaton el maga angel?

33 JEHOIADA

Ya Protege Le con el Rey que Ya Iscuji si Jehova

Cosa ya hace si Jehoiada que ta dale mira que tiene le coraje? Paquemodo tu puede imita con el de suyu coraje?

34 EZEQUIAS

“Ya Esta Le na Lao de Jehova”

Ya dale mira si Ezequias que tiene le coraje y fe. Paquemodo kita puede imita con ele ahora?

35 MANASES

Tiene Le Coraje Para Arripinti y Hace Maga Cambio

Porque un buen ejemplo si Manases para kanaton quien ya dale mira coraje?

36 JOSIAS

Ya Ayuda Le con el Maga Gente que Bira con Jehova

Maskin pa gendeh bonito el experiencia de Josias cuando bata le, ya dale le mira coraje y ya suporta con el verdadero adoranza. Paquemodo kita puede imita con ele?

37 DANIEL

Nuay Le Man Compromiso

Na cosa maga manera el maga jovenes puede imita con el coraje y lealtad de Daniel? Paquemodo kita todo puede beneficia na de suyu ejemplo?

38 EL TRES HEBREO

Ya Salva Sila na un Bien Caliente Horno

Ya dale mira coraje el tres Hebreo maskin na peligro el diila vida. Paquemodo kita puede imita con el diila humildad, pagka-calmao y lealtad?

39 ESTER

“Si Necesita Yo Muri, Preparao Yo Muri”

Sabio y obediente si Ester. Cay bueno el de suyu custumbre, ya oi con ele el de suyu marido quien gendeh siervo de Jehova. Cosa kita puede aprende na de suyu ejemplo?

40 NEHEMIAS

Ya Compone Le con el Maga Pader

Ya hace esfuerzo si Nehemias para puede sirvi mas con Jehova. Cosa kita puede aprende con ele?

SECCION 3

Tiempo del Mesias y del De Suyu Maga Siguidores

Este seccion ta discuti maga ejemplo del maga fiel siervo del Dios del primer siglo quien ya dale mira fe y coraje. Incluido aqui kanda Maria y apostol Juan.

Chart del Seccion 3

Un chart que ta dale mira el largor del vida del maga individual que ya menciona na Seccion 3. Ta dale tambien este mira con el cuanto importante suceso principia na tiempo del Mesias hasta na ultimo parte del vida de apostol Juan.

41 ZACARIAS Y ELISABET

“Recto Adelante con Dios”

Porque recto kanda Zacarias y Elisabet para con Jehova? Paquemodo kita puede imita kanila?

42 MARIA

Ya Acepta Le un Bien Importante Assignment

Ya ricibi si Maria un especial y dificil assignment. Paquemodo le ya tene el coraje para cumpli con ese?

43 JOSE

Ya Acepta Le Pesao Responsibilidad

Porque buen ejemplo si Jose para na maga Cristiano tata ahora?

44 JUAN BAUTISTA

Nuay Quien Mas Importante Pa que con Ele

Un animoso hombre si Juan quien ya tiene un simple vida. Cosa kita puede aprende con ele?

45 PEDRO

‘Iyo un Pecador’

Ya continua sirvi si Pedro con Jehova maskin pa manada beses le yan kamali. Cosa kita puede aprende con ele?

46 MARIA MAGDALENA

“Ya Mira Le con el Señor”

Ya usa si Maria con el de suyu vida para ayuda con Jesus y con el de suyu maga siguidores. Paquemodo kita puede imita con el de suyu compasion y coraje?

47 MARIA, HERMANA DE LAZARO

Ya Hace Le el Cosa Le Puede Hace

Ya comenda si Jesus con el hermana de Lazaro, si Maria, por causa na de suyu fe y coraje. Paquemodo le ya dale mira coraje? Paquemodo kita puede imita con ele ahora?

48 ESTEBAN

‘Lleno Le de Fe y de Sagrao Espiritu’

Ya defende si Esteban con el de suyu fe adelante del corte. Paquemodo le se ya hace? Paquemodo el de suyu ejemplo puede ayuda kanaton esta fiel?

49 PEDRO

Ya Dale Le Mira Maga Calidad que Semejante na Piedra

Paquemodo el ejemplo de Pedro puede ayuda kanaton para confia con Jehova y ganá con el diaton miedo?

50 SAUL DE TARSO

Ya Cambia Le Completamente con el De Suyu Vida

Porque ya cambia el un persona quien ta persigui con el maga Cristiano de antes? Cosa maga leccion kita puede aprende na de suyu ejemplo?

51 BERNABE

Ya Dale Le Comforta con Otro

Ya ayuda si Bernabe con Saul y ya lleva con ele na maga apostoles. Tiene gayot le coraje y conforme sirvi con otro. Paquemodo kita puede imita con ele?

52 MARCOS

“Un Buen Ayudante Le”

Maskin pa ya enfrenta maga dificultad si Marcos, con coraje le siempre ya continua sirvi con Jehova y ya ayuda con el de suyu maga hermano y hermana. Cosa kita puede aprende con ele?

53 PABLO

Ya Ayuda Le con Otro Para Tene Coraje

Ya puede dale mira coraje si apostol Pablo maskin pa dol nuay mas esperanza el diila situacion. Porque le este ya puede hace? Paquemodo el de suyu coraje ya puede ayuda con otro?

54 APOSTOL JUAN

Ya Dale Le Mira Coraje Durante el Bien Dificil Tiempo

Manada dificultad ya enfrenta si apostol Juan pero nuay le man luya o perde coraje. Paquemodo kita puede sigui con el de suyu ejemplo y continua sirvi con Dios con coraje?

CONCLUSION

Puede Tu Dale Mira Coraje!

El Biblia ta habla kanaton acerca na manada maga hombre y mujer quien ya dale mira coraje. El cuanto kanila joven y el otro de edad. El diila ejemplo puede motiva kanaton para dale mira coraje.

Inside Cover