Lídangiñetiwa ámuñegueinarügü néchani, iñeñein luma échuni, gama lumoun úaratiwa lidan ábanmeme isuuni. Le súdinitimabei woun, wíchugun uéiriguni lun Heowá, Bungiu le tabureme Bíbülia, le giñe adügübalin sun katei. Adüga wamuti sun wayaraati lun wáyeihani Hesukrístu ani gúndaatiwa lau laguarúniwa woun kristiánugu. Kada aban wádangiñe, sügütiwa dan íderaguaña gürigia afurendeira tuagu Bíbülia luma luagu Larúeihan Bungiu. Kei le ayanuha wabéi luagu Heowá Bungiu luma luagu Larúeihan, subudiwatiwa kei gefentiña luagu Heowá.

Belú humá lidoun wani páhina lidan Internet. Aliiha humóun Bíbülia ya. Furendei humá wawagu luma luagu wafiñen.