ATTENDANT Gin-asayn ro mga attendant agud buligan ka. Pangabay nga sunda gid ro andang instruksyon parti sa parking, kon siin maagi pasueod ag paguwa, pagreserba it bangko, ag iba pa.

BAUTISMO Ro mga bangko para sa mga kandidato it bautismo hay una sa prente sa atubang it stage euwas kon may iba pang kahimusan. Dapat nga magpungko eon iya ro mga kandidato sa bautismo bago pa mag-umpisa ro diskurso sa bautismo sa Sabado it agahon. Ro kada isaea hay dapat nga magdaea it andang tualya ag maugdang nga eambong pangpaligos.

DONASYON Abu gid ro gingasto agud mataw-an kita it komportable nga pueongkuan, sound system, video equipment, ag iba pang ueobrahon para mangin makasaeadya ro pag-attend sa rayang kunbensyon ag mabuligan kita nga mangin maeapit kay Jehova. Ro inyong boluntaryo nga donasyon hay makabulig agud mabayran rayang mga gaeastusan ag makasuporta man sa worldwide work. Agud mas madali para kinyo, ro mga kahon para sa kontribusyon hay ginbutang sa palibot it pasilidad. Pwede ka man maka-donate online sa donate.jw.org. Ginaapresyar gid ro tanan nga donasyon. Ro Nagadumaea nga Grupo hay nagapasaeamat gid sa inyong maalwan nga pagsuporta sa mga ueobrahon it Ginharian.

FIRST AID Pangabay tandai nga para eang ra sa mga emergency.

LOST AND FOUND Ro tanan nga nakitang gamit hay dapat daehon sa Lost and Found Department. Kon may gamit kang naduea, mag-agto sa rayang department. Ro mga unga nga nabueag sa andang mga ginikanan ag owa kasayod kon siin imaw maagto hay dapat daehon sa rayang department. Pero agud malikawan ro pagkabaeaka, pangabay bantayi it mayad ro inyong mga unga ag siguraduha nga kaibahan nyo sanda.

PUEONGKUAN Mangin makonsiderasyon sa iba. Tandai nga ro pwede mo eang reserbahan it bangko hay ro imong pamilya ag kaibahan sa saeakyan, kaibahan sa baeay, o ro ing Bible study. Pangabay nga indi magbutang it mga gamit sa bangko nga owa mo man ginreserba.

VOLUNTEER SERVICE Kon gusto mong magbulig sa mga ueobrahon sa kunbensyon, pangabay nga mag-agto sa Information and Volunteer Service Department.

Ginhanda it Nagadumaea nga Grupo it mga Saksi ni Jehova