Kezimɔ ekenyia ozumalɛdɩyɛ eyimmɔ mɔɔ ɩwɔ Bayɩbʋlʋ nu nɩ zʋ mfasʋ
Má abiye ɩ nɩɩ wʋ zuma: Siã enii mɔɔ ɩvalɩ blohyʋɔ yɩ ɩmanlɩ wʋ nɩ ma ɩ nɩɩ wʋ yɛ Bayɩbʋlʋ dɩyɛzumanlɛ nwʋ nhyɩhyɛlɩyɛ, anzɛnyɩɩ duwa yɛ wɛbsayɩtɩ, jw.org zʋ siã Bayɩbʋlʋ dɩyɛzumanlɛ.
ƆFƲÃ ƆKƲ̃
Kɩnga nkyɩkyɛmi nɩ, na kɩnga ndwokɔɣizialɛ mɔɔ bɛhɛlɛ yɩ nɣezile nɩ ɩkɩnla nwʋmɔ (A) nɩɩ ɛhɛlɛlɛ ndwokɔ (B) mɔɔ ɩtwɩ̃ adwɩnɩ isiye ndwokɔ aditli yɩ zʋ nɩ. Yɛ́ yɩ ndwɩ kɛɛ ɛhɛlɛlɛ ndwokɔ mɔɔ bɛhɛlɛ nwʋmɔ kɛɛ “kɩnga” nɩ ɩsɛ kɛɛ bɛkɩnga wɔ mmɩlɩ mɔ bosumaa dɩyɛ nɩ.
ƆFƲÃ ANWƖ̃
Anyunumi ndwokɔ (D) mɔɔ ɩwɔ Sumá Sʋ̃maa yɩ tʋ ɛkɛnɩ nɩ ikilehile ndwokɔ mɔɔ bɛbazunzu nwʋmɔ nɩ nu. Ndwokɔ adile ngyɩkɩ̃ɩ̃ ngyɩkɩ̃ɩ̃ nɩ (E) ɩda mɔɔ bɛbazunzu nwʋmɔ nɩ ali. Kɩnga ɛhɛlɛlɛ ndwokɔ azʋlɔtʋ nɩ, ma ndwokɔɣizialɛ azʋlɔtʋ nɩ nwʋ munwalɩyɛ, na kilá vidiyo azʋlɔtʋ nɩ (Ɛ).
Sunzu mfonyini nɩɩ mɔɔ bɛhɛlɛ wɔ nwʋmɔ nɩ nwʋ bʋwɔ (F), na dwɩnɩndwɩnɩ kezimɔ okowuwa Abiyemmɔ Bɛkã Kɛɛ nɩ nwʋ (G).
ƆFƲÃ ASÃ
Ɔfʋã mɔɔ ise Yɩ Dɔkɔwɔlɛ nɩɩ Kɛ Okowuwa Ekeze a? nɩ (H), ɩbɔ dɩyɛzumanlɛ yɩ munwala dɔkɔ. Kɛlɛ́ eɣile mɔɔ bowieli dɩyɛzumanlɛ yɩ nɩ. Ɔfʋã mɔɔ ise Bʋtayɩ nɩ (I) ɩbʋwa wʋ ma osuma sʋ̃maa anzɛnyɩɩ ɛfa mɔɔ ozuma nɩ ɛyɛ egyima. Wɔ Pɩbɛ́ Sʋ̃maa ɔfʋã yɩ tʋ nɩ (K) ekenyia ndwokɔ mvʋlɔ mɔɔ ɛkɛɣɩnga anzɛnyɩɩ vidiyo mɔɔ ekehila.
Kezimɔ Ɛkɛbɩbɛ Bayɩbʋlʋ Nu Nkyɩkyɛmi Azʋlɔtʋ
Mɔɔ ɩma yɛnwʋ Ɛhɛlɛlɛ Odwokɔ be yɛ lɛ Bayɩbʋlʋ buuku yi dima (A), yi ti (B), nɩɩ nkyɩkyɛmi anzɛnyɩɩ nkyɩkyɛmi azʋlɔtʋ nɩ (D). Kɛ ndianwʋ nɩ, Dwɔɔnʋ 17:3 ikile Dwɔɔnʋ buuku yi, yi ti 17, nkyɩkyɛmi 3.
