Dlulela kokuphakathi

Dlulela kuyi-menu yesibili

Dlulela ohlwini lokuphathi

OFakazi BakaJehova

IsiZulu

ISITESHI SOKUSAKAZA SE-JW

Bukela Ama-Video Adlalayo Nge-Roku

Bukela Ama-Video Adlalayo Nge-Roku

Ingxenye ethi Ezidlalayo yeSiteshi Sokusakaza Se-JW iyefana nethelevishini ngoba ineziteshi eziningi ezinezinto ezihleliwe kakade. Uma ufuna ukuyilawula (okuwukuthi, uma ufuna ukubukela i-video kusukela ekuqaleni futhi ukwazi ukuyimisa kancane, uyibuyisele emuva noma uyise phambili), yiya engxenyeni ethi Ama-video Athandwayo.

(Phawula: Imidwebo ye-remote ye-Roku 3 ikhona kulesi sifundo. I-remote yakho ingase ihluke kancane.)

Landela lezi ziqonsiso ukuze uthole okuningi ngangokunokwenzeka Esiteshini Sokusakaza Se-JW esidlala nge-Roku:

 Bukela Uhlelo Oludlala Ngokuqhubekayo

Khetha ingxenye ethi Ezidlalayo ekhasini lokuqala leSitesi Sokusakaza Se-JW ukuze uthole uhlu lwazo zonke iziteshi.

Usebenzisa umcibisholo Ongakwesobunxele noma Ongakwesokudla, kuyi-remote yakho ye-Roku, bheka zonke iziteshi ezizovela. Isiteshi esigqamile sivela maphakathi ne-screen futhi sinesithombe, isihloko noma incazelo emfushane. Cindezela u-OK ukuze ukhethe leso siteshi esigqamile.

Njengoba i-video ingena, i-menu izoveza igama lesiteshi nezihloko ze-video edlalayo nezama-video amathathu azolandela.

Icebiso: Uma i-video isingenile futhi ufuna ukuphuma kuyi-menu yesiteshi, ungachofoza umcibisholo Ongakwesobunxele kuyi-remote ye-Roku yakho.

 Khetha Esinye Isiteshi

Lapho ubukela isiteshi esidlala ngokuqhubekayo, kunezindlela ezimbili zokushintsha isiteshi:

  • Buyela emuva lapho uzofike ukwazi ukukhetha khona isiteshi osifunayo

    Cindezela umcibisholo Ongakwesobunxele noma inkinobho ekhombe Emuva ukuze ubuyele emuva. Sebenzisa umcibisholo Ongakwesobunxele noma Ongakwesokudla ukuze ubone zonke iziteshi ezizovela. Cindezela u-OK ukuze ukhethe osifunayo.

  • Bheka kwesinye isiteshi

    Njengoba ubukela isiteshi esidlala ngokuqhubekayo, cindezela umcibisholo okhombe Phezulu noma Phansi ukuze uye esiteshini esilandelayo noma esisemuva. Njengoba i-video izodlala, kuzovela igama lesiteshi nesihloko se-video. Cindezela umcibisholo okhombe Phezulu noma Phansi ukuze udlulele kwesinye isiteshi noma ulinde ukuba i-video idlale.

 Sebenzisa I-Menu Yesiteshi

Njengoba usabukele isiteshi esidlala ngokuqhubekayo, ungacindezela umcibisholo Ongakwesokudla ukuze uthole i-menu yesiteshi.

Ngaphandle kwegama lesiteshi nezihloko zama-video akhona nasazovela, le menu iqukethe izinto ezimbili, ethi: Idlale Kusukela Ekuqaleni nethi Idlale Iveze Amagama. Sebenzisa umcibisholo okhombe Phezulu noma Phansi ukuze ukhethe okufunayo. Yibe usucindezela u-OK.

  • Idlale Kusukela Ekuqaleni: Khetha le ngxenye uma ufuna ukubukela i-video engxenyeni ethi Ama-video Athandwayo. Lapho, ungakwazi ukudlala i-video kusukela ekuqaleni, uyimise kancane, uyibuyisele emuva noma uyise phambili.

  • Idlale Iveze Amagama: Khetha le ngxenye uma ufuna ukuqala ukudlala i-video ekhona futhi ibhale amagama (uma ekhona) kuwo wonke ama-video asengxenyeni ethi Ezidlalayo noma kwethi Ama-video Athandwayo. Uma ungasathandi kuvele amagama, yiya kuyi-menu futhi bese ucindezela ingxenye ethi Idlale Ingavezi Amagama. (Phawula: Le ngxenye ivela kuphela uma i-video edlalayo inawo amagama.)

Ukuze uphume kuyi-menu yesiteshi, cindezela umcibisholo Ongakwesobunxele, Ongakwesokudla noma inkinobho yokubuyela Emuva.