UZakariya 13:1-9
13 “Ngalolo suku kuyombiwa umthombo wendlu kaDavide nabakhile eJerusalema ukuze kuhlanzwe isono nokungcola. +
2 “Ngalolo suku,” kusho uJehova wamabutho, “ngiyowasula amagama ezithixo ezweni, + ngeke esakhunjulwa; ngiyobaqeda nabaprofethi + nomoya wokungahlanzeki ezweni.
3 Uma umuntu ephinda eprofetha, uyise nonina abamzalayo bayothi kuye, ‘Ngeke uphile, ngoba ukhulume amanga egameni likaJehova.’ Uyise nonina abamzalayo bayomgwaza ngenxa yokuprofetha kwakhe. +
4 “Ngalolo suku ngamunye wabaprofethi uyoba namahloni ngombono wakhe lapho eprofetha; ngeke basigqoke isembatho soboya esikhethekile + ngenjongo yokukhohlisa.
5 Uyothi, ‘Angiyena umprofethi. Ngingumlimi,* ngoba umuntu wangithenga ngaba yisigqila ngisemncane.’
6 Uma othile embuza ethi, ‘Awani la manxeba asemhlane wakho?’* Uyophendula athi, ‘Lawa amanxeba engiwathole endlini yabangane bami.’ ”*
7 “O nkemba, vuka umelane nomalusi wami, +Umelane nendoda engumngane wami,” kusho uJehova wamabutho.
“Shaya umalusi, + umhlambi* uhlakazeke; +Ngizophakamisa isandla sami ngokumelene nabangelutho.”
8 “Ezweni lonke,” kusho uJehova,“Izingxenye ezimbili kwezintathu zabantu kulo ziyobulawa zishabalale;*Ingxenye yesithathu iyosala kulo.
9 Ingxenye yesithathu ngiyoyidlulisa emlilweni;Ngiyobacwenga njengoba kucwengwa isiliva,Ngibavivinye njengoba kuvivinywa igolide. +
Bayobiza igama lami,Mina ngibaphendule.
Ngiyothi, ‘Bangabantu bami,’ +
Bona bathi, ‘UJehova unguNkulunkulu wethu.’ ”
Imibhalo yaphansi
^ NgesiHebheru, “Ngingumuntu olima inhlabathi.”
^ NgesiHebheru, “aphakathi kwezandla zakho?” Okuwukuthi, esifubeni noma emhlane.
^ Noma, “yalabo abangithandayo.”
^ Noma, “izimvu.”
^ Noma, “zife.”
