uJobe 38:1-41
38 Ngemva kwalokho uJehova waphendula uJobe esivunguvungwini wathi: +
2 “Ubani lo ositha iseluleko samiNokhuluma engenalwazi? +
3 Ngicela uzilungiselele* njengendoda;Mina ngizokubuza, wena ungichazele.
4 Wawukuphi lapho ngakha isisekelo somhlaba? +
Ngitshele uma ucabanga ukuthi uyaqonda.
5 Ubani owakala izilinganiso zawo, uma kuwukuthi uyazi,Noma, owelulela kuwo intambo yokukala?
6 Zambelwa kuphi izisekelo zawo,Ubani owabeka itshe lawo legumbi, *+
7 Lapho izinkanyezi zasekuseni + zikhamuluka kanyekanye ngenjabulo,Nawo wonke amadodana kaNkulunkulu *+ eqala ukumemeza ehalalisa?
8 Futhi ubani owavimba ulwandle ngezicabha +Lapho luphulukundlela njengokungathi luphuma esibelethweni,
9 Lapho ngilwembathisa amafuNgilusonga ngamafu amnyama,
10 Lapho ngilubekela umkhawuloNgibeka imigoqo nezicabha zalo endaweni efanele, +
11 Ngathi kulo, ‘Ungahamba ugcine lapha, ungadluleli phambili;Amagagasi akho agubhayo azogcina lapha’? +
12 Wake* wakuyala yini wena ukusaNoma wenza ukuntwela kokusa kwazi indawo yako, +
13 Uwena yini owatshela ukukhanya kwasekuseni ukuba kuye emaphethelweni omhlabaKuxoshe ababi? +
14 Umhlaba uyaguqulwa njengobumba ngaphansi kophawu,Nokubukeka kwawo kuyaphawuleka njengokwezingubo.
15 Kodwa ababi bagodlelwa ukukhanyaNengalo yabo ephakeme iphukile.
16 Ufikile yini phansi emithonjeni yolwandle,Noma wahlola amanzi ajulile? +
17 Embuliwe yini kuwe amasango okufa, +Noma uke wawabona yini amasango obumnyama obukhulu? *+
18 Ukuqondile yini ukuthi mkhulu kangakanani umhlaba? +
Ngitshele uma ukwazi konke lokhu.
19 Ukukhanya kuhlala kuyiphi indawo? +
Indawo yobumnyama yona ikuphi,
20 Ukuba ukuthathe ukuyise endaweni yakoNokuba uqonde izindlela eziya emzini wako?
21 Ingabe lokhu ukwazi ngoba wawusuzaliwe kakadeNangenxa yokuthi iminyaka* yakho miningi?
22 Ungenile yini ezinqolobaneni zeqhwa, +Noma uzibonile yini izinqolobane zesichotho, +
23 Engizigcinele isikhathi sosizi,Usuku lokulwa nolwempi? +
24 Ukukhanya* kusabalala kuvela kuluphi uhlangothi,Nomoya wasempumalanga uvunguza uvela kuphi? +
25 Ubani ovule umgudu wesikhukhulaWenza nendlela yefu lesiphepho esihambisana nokuduma, +
26 Ukuze imvula ine lapho kungahlali muntu khona,Ehlane lapho kungekho bantu khona, +
27 Ukuze anise imvula ezindaweni ezinesomisoAbangele nokuba utshani buhlume? +
28 Imvula inaye yini ubaba, +Ubani onguyise wamaconsi amazolo? +
29 Iqhwa laphuma esibelethweni sikabani,Isithwathwa sezulu sona sazalwa ubani +
30 Lapho amanzi embozwe njengokungathi ambozwe ngetshe,Namanzi ajulile eyiqhwa? +
31 Ungazibopha yini izibopho zeqoqo lezinkanyezi iKhimaNoma uthukulule izintambo zeqoqo lezinkanyezi iKhesili? +
32 Ungalihola yini iqoqo lezinkanyezi* ngesikhathi saloNoma uqondise iqoqo lezinkanyezi i-Ashi kanye namadodana alo?
33 Uyayazi yini imithetho ebusa amazulu, +Noma ungalibeka yini igunya lawo* emhlabeni?
34 Ungamemeza yini izwi lakho lifike amafwiniUkuze wenze isikhukhula samanzi sikumboze? +
35 Ungayithumela yini imibani?
Iyoza yini kuwe ithi, ‘Silapha!’
36 Ubani owafaka ukuhlakanipha emafwini *+Noma owanika izinto ezinhle ezisesibhakabhakeni* ukuqonda? +
37 Ubani ohlakaniphe kangangokuba angabala amafu,Noma ongatshekisa izimbiza zamanzi zezulu +
38 Lapho uthuli luphenduka isigaxaNamagabade omhlaba enamathelana?
39 Ungalizingelela yini ibhubesi inyamazaneNoma usuthise amabhubesi asemancane +
40 Lapho ecathama emigedeni yawo,Noma ecuthile ezindaweni ahlala kuzo?
41 Ubani olungiselela igwababa ukudla +Lapho amaphuphu alo ekhalela usizo kuNkulunkulu,Ezulazula ngoba kungekho lutho angaludla?
Imibhalo yaphansi
^ NgesiHebheru, “ubophe izinkalo zakho.”
^ Noma, “itshe elibekwa ekhoneni lesakhiwo.”
^ Lesi yisisho sesiHebheru esibhekisela emadodaneni kaNkulunkulu ayizingelosi.
^ NgesiHebheru, “Ezinsukwini zakho.”
^ Noma, “ethunzi lokufa.”
^ NgesiHebheru, “izinsuku.”
^ Noma kungaba, “Umbani.”
^ NgesiHebheru, “iMazarothi.”
^ Noma kungaba, “laKhe.”
^ Noma kungaba, “kumuntu.”
^ Noma kungaba, “ingqondo.”
