uJobe 14:1-22
14 “Umuntu ozalwa owesifazane,Uphila isikhashana + futhi ukuphila kwakhe kugcwele izinkathazo. *+
2 Uyavela njengembali bese eyabuna; *+Uyabaleka njengesithunzi bese enyamalala. +
3 Yebo, ugxilise iso lakho kuye,Futhi umletha* ekwahlulelweni. *+
4 Ubani ongaveza ohlanzekile kongcolile? +
Akekho noyedwa!
5 Uma izinsuku zakhe zinqunywa,Isibalo sezinyanga zakhe sikuwe;Umbekele umkhawulo ukuze angeqeli ngale. +
6 Susa amehlo akho kuye ukuze aphumule,Kuze kube yilapho eqeda usuku lwakhe njengesisebenzi esiqashiwe. +
7 Ngoba kukhona ithemba ngisho nangesihlahla.
Uma sigawulwa, siyohluma futhi,Amahlumela aso ayoqhubeka ekhula.
8 Uma impande yaso iguga emhlabathiniNesiphunzi saso sifa emhlabathini,
9 Ngephunga lamanzi siyohluma;Siyoveza amagatsha njengesitshalo esisha.
10 Kodwa umuntu uyafa adindilize engasenamandla;Lapho umuntu efa, usuke ekuphi? +
11 Amanzi ayanyamalala olwandle,Nomfula uyasha wome.
12 Umuntu naye uyalala angavuki. +
Ngeke baphaphame kuze kube yilapho izulu lingasekho,Futhi ngeke bavuswe ebuthongweni babo. +
13 O ukube ubungangithukusa eThuneni, *+Ukube ubungangifihla kuze kudlule intukuthelo yakho,Ukube ubungangikalela isikhathi bese uyangikhumbula! +
14 Uma umuntu efa, angabuye aphile futhi? +
Ngiyolinda zonke izinsuku zami zobugqila ezimisiwe,*Kuze kufike impumuzo yami. +
15 Uyobiza, mina ngiyokuphendula. +
Uyolangazelela umsebenzi wezandla zakho.
16 Kodwa okwamanje ulokhu ubala zonke izinyathelo zami;Ubheka isono sami nje kuphela.
17 Iseqo sami sivalelwe esikhwameni,Ufaka ingcina* phezu kwesiphambeko sami.
18 Njengoba nentaba idilika ipheleNedwala ligudluzwa endaweni yalo,
19 Njengoba amanzi egugula amatsheNezikhukhula zikhukhula inhlabathi,Ulishabalalise kanjalo ithemba lomuntu ofayo.
20 Ulokhu umhlula kuze kube yilapho eshabalala; +Ushintsha indlela abukeka ngayo, umhambise.
21 Amadodana akhe ayadunyiswa, kodwa yena akakwazi lokho;Aba angelutho, kodwa yena akakuqapheli lokho. +
22 Uzwa ubuhlungu kuphela lapho esaphila;Ulila kuphela lapho esaphila.”
Imibhalo yaphansi
^ Noma, “izinsizi.”
^ Noma kungaba, “eyanqunywa.”
^ NgesiHebheru, “ungiletha.”
^ Noma, “umletha enkantolo ukuze umahlulele.”
^ Noma, “eShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ Okuwukuthi, ethuneni.
^ Noma, “iglu.”
