UJeremiya 6:1-30
6 O madodana kaBhenjamini, funani indawo yokukhosela, nisuke eJerusalema.
Shayani uphondo + eThekhowa; +Basani umlilo ozoba wuphawu phezu kweBheti-hakeremi!
Ngoba kuza inhlekelele ivela enyakatho, isibhicongo esikhulu. +
2 Idolobha laseZiyoni lifana nowesifazane omuhle nototoswayo. +
3 Kuzofika abelusi nemihlambi yabo.
Bazogxumeka amatende abo nxazonke zalo, +Ngamunye aklabise umhlambi wakhe. +
4 “Lungelani* ukulwa nalo!
Sukumani, masilihlasele emini!”
“Maye kithi, ngoba usuku seluyaphela,Ngoba amathunzi okuhlwa alokhu eluleka!”
5 “Sukumani, masilihlasele ebusukuSichithe imibhoshongo yalo evikelekile.” +
6 Ngoba yilokhu uJehova wamabutho akushoyo:
“Gawulani izihlahla nakhe indunduma yokuvimbezela iJerusalema. +
Liyidolobha okumelwe lijeziswe;Phakathi kwalo kukhona ukucindezela kuphela. +
7 Njengoba umthombo ugcina amanzi ebanda,Kanjalo nalo liwumthombo wobubi.
Kuzwakala udlame nokubhubhisa kulo; +Ukugula nesifo kuhlale kuphambi kwami.
8 O Jerusalema, xwaya, uma kungenjalo ngizokufulathela nginengekile; +Ngizokuphendula ihlane, izwe elingahlali muntu.” +
9 Yilokhu uJehova wamabutho akushoyo:
“Bayokhothoza kungasali lutho ensalini ka-Israyeli njengamagilebhisi okugcina ezihlahleni.
Phinda welule isandla sakho njengomuntu ovuna amagilebhisi ezihlahleni.”
10 “Obani okufanele ngikhulume nabo ngibaxwayise?
Ubani ozolalela?
Bheka! Izindlebe zabo zivalekile,* kangangokuba abakwazi ukulalela. +
Bheka! Izwi likaJehova liyinto edelelekile kubo; +Abajabuli ngalo.
11 Ngakho ngigcwele intukuthelo njengoJehova,Ngikhathele ukuzibamba.” +
“Yithululele emntwaneni osemgwaqweni, +Emaqenjini ezinsizwa abuthene.
Bayobanjwa bonke, indoda kanye nomkayo,Amadoda amadala kanye namaxhegu. +
12 Izindlu zabo ziyonikezwa abanye abantu,Kanye namasimu abo nabafazi babo. +
Ngoba ngiyokwelula isandla sami ngokumelene nezakhamuzi zezwe,” kusho uJehova.
13 “Ngoba kusukela komncane kunabo bonke kuya komkhulu kunabo bonke, ngamunye uzitholela inzuzo ngokungathembeki; +Kusukela kumprofethi kuya kumpristi, ngamunye uyakhwabanisa. +
14 Bazama ukwelapha amanxeba* abantu bami ngokunganaki,* bethi,‘Kukhona ukuthula! Kukhona ukuthula!’
Kube kungekho ukuthula. +
15 Ingabe banamahloni ngenxa yezinto ezinyanyekayo abazenzile?
Abanawo nhlobo amahloni!
Abazi ngisho nokuthi kunjani ukuphoxeka. +
Ngakho bayokuwa kanye nabawayo.
Lapho ngibajezisa bayokhubeka,” kusho uJehova.
16 Yilokhu uJehova akushoyo:
“Yimani ezimpambanweni zemigwaqo nibone.
Buzani ngemigwaqo yasendulo,Buzani ukuthi ikuphi indlela enhle; nihambe ngayo, +Nizitholele ukuphumula.”
Kodwa bathi: “Ngeke sihambe ngayo.” +
17 “Ngamisa abalindi + abathi,‘Qaphelani umsindo wophondo!’ ” +
Kodwa abantu bathi: “Ngeke siwunake.” +
18 “Ngakho-ke yizwani nina zizwe!
Yazini nina bantu,Ukuthi yini ezokwenzeka kubantu baseJerusalema.
19 Lalela mhlaba!
Ngiletha inhlekelele kulaba bantu +Ngenxa yemicabango yabo emibi,Ngoba abawanakanga amazwi amiNomthetho* wami bawenqabile.”
20 “Nginandabani mina nokuthi niletha impepho evela eShebaNomhlanga onuka kamnandi ovela ezweni elikude?
Iminikelo yenu eshiswa ngokuphelele ayamukeleki,Nemihlatshelo yenu ayingijabulisi.” +
21 Ngakho-ke yilokhu uJehova akushoyo:
“Ngibekela laba bantu izikhubekiso,Zizobakhuba,Oyise namadodana ndawonye,Umakhelwane nomngane wakhe,Bazoshabalala bonke.” +
22 Yilokhu uJehova akushoyo:
“Bheka! Kuza isizwe sivela ezweni elisenyakatho,Isizwe esikhulu siyovuswa sivela ezindaweni ezikude kakhulu zomhlaba. +
23 Siyobe siphethe umnsalo nomkhonto.
Sinonya, ngeke sibe nasihe.
Izwi laso liyohlokoma njengolwandle,Sigibele amahhashi. +
Sihlelelwe impi njengamadoda empi ngokumelene nawe ndodakazi yaseZiyoni.”
24 Siwuzwile umbiko ngaso.
Izandla zethu ziyethile; +Sifikelwe usizi,Imihelo* enjengeyowesifazane obelethayo. +
25 Ningaphumi niye ensimini,Ningahambi emgwaqweni,Ngoba isitha siphethe inkemba;Kukhona ukwethuka nxazonke.
26 O ndodakazi yabantu bakithi,Gqoka indwangu yesaka + ubhuquze emlotheni.
Lila njengokungathi ulilela indodana okuwukuphela kwayo, ukhale kalusizi, +Ngoba umbhubhisi uzosifikela ngokuzumayo. +
27 “Ngikwenze* umvivinyi wensimbi phakathi kwabantu bami,Ofunisisa yonke indawo;Kumelwe uqaphele uhlole indlela yabo.
28 Bonke bangabantu abanenkani kakhulu, +Bahambahamba njengabanyundeli. +
Banjengethusi nensimbi;Bonke bakhohlakele.
29 Isisebenzi sivuthela umlilo ukuze sicwengisise isiliva;Indawo yokucwenga iyashisa kodwa kuphuma umthofu kuphela.
Isisebenzi senze umlilo washisa kakhulu kodwa yonke imizamo yaso ibe yize, +Ababi abazange bahlungwe. +
30 Ngokuqinisekile abantu bayobabiza ngokuthi bayisiliva elilahliwe,Ngoba uJehova ubalahlile.” +
Imibhalo yaphansi
^ NgesiHebheru, “Zingcweliseleni.”
^ NgesiHebheru, “Izindlebe zabo azisokiwe.”
^ Noma, “kalula.”
^ Noma, “ukwephuka.”
^ Noma, “Neziqondiso.”
^ Noma, “Ubuhlungu.”
^ Okuwukuthi, uJeremiya.
