UJeremiya 30:1-24
-
Izithembiso zokubuyiselwa nokwelashwa (1-24)
30 Leli yizwi elafika kuJeremiya livela kuJehova, lithi:
2 “Yilokhu uJehova uNkulunkulu ka-Israyeli akushoyo, ‘Bhala encwadini wonke amazwi engiwakhuluma kuwe.
3 Ngoba “bheka! kuza izinsuku,” kusho uJehova, “lapho ngiyoqoqa khona abantu bami abathunjiwe, u-Israyeli noJuda,” + kusho uJehova, “ngibabuyisele ezweni engalinika okhokho babo, liphinde libe ngelabo.” ’ ” +
4 Yilawa amazwi uJehova awasho ku-Israyeli nakuJuda.
5 Yilokhu uJehova akushoyo:
“Sizwe ukukhala kwabantu abethukile;Kugcwele ukwesaba, akukho ukuthula.
6 Ngicela nibuze ukuthi kuyenzeka yini ukuba indoda ibelethe.
Pho kungani ngibona wonke amadoda anamandla ebeke izandla zawo esiswini*Njengowesifazane obelethayo? +
Kungani bonke ubuso buphaphathekile?
7 Maye! Ngoba lolo suku luyesabeka. *+
Alukho olufana nalo,Luyisikhathi sokucindezeleka kuJakobe.
Kodwa ngiyomsindisa.”
8 “Ngalolo suku,” kusho uJehova wamabutho, “ngiyolephula ijoka ngilisuse entanyeni yakho, nezibopho* zakho ngizigqabule; abantu bakwamanye amazwe ngeke besamenza isigqila sabo.*
9 Abantu bami bayokhonza uJehova uNkulunkulu wabo noDavide inkosi yabo, engiyobamisela yena.” +
10 “Kodwa wena, nceku yami Jakobe ungesabi,” kusho uJehova,“Ungethuki Israyeli. +
Ngoba ngizokusindisa ukudeNenzalo yakho ezweni ethunjelwe kulo. +
UJakobe uyobuya ahlale ngokuthula angaphazanyiswa lutho,Kungekho muntu omenza esabe.” +
11 “Ngoba nginawe,” kusho uJehova, “ukuba ngikusindise.
Kodwa ngiyoziqothula zonke izizwe engikuhlakazele kuzo; +Nokho, wena ngeke ngikuqothule. +
Ngizokujezisa* ngezinga elifanele,Ngeke neze ngingakujezisi.” +
12 Ngoba yilokhu uJehova akushoyo:
“Alikho ikhambi lokulimala kwakho. +
Inxeba lakho alelapheki.
13 Akekho ozokumela ecaleni lakho,Ayikho indlela yokwelapha isilonda sakho.
Alikho ikhambi lokukwelapha.
14 Zonke izithandwa zakho zikukhohliwe. +
Azisakufuni.
Ngoba ngikushaye njengokungathi ushaywe yisitha, +Ngendlela umuntu onesihluku ajezisa ngayo,Ngenxa yecala lakho elikhulu nezono zakho eziningi. +
15 Kungani ukhaliswa ukulimala kwakho?
Ubuhlungu bakho abelapheki!
Ngenxa yecala lakho elikhulu nezono zakho eziningi +Ngenze lokhu kuwe.
16 Ngakho bonke labo abakubhubhisayo ngiyobabhubhisa, +Zonke izitha zakho nazo ziyothunjwa. +
Labo abanithathela izinto zenu ngenkani nabo bayothathelwa izinto zabo ngenkani,Bonke abakuphangayo ngiyobanikela ekuphangweni.” +
17 “Kodwa ngiyokwenza ululame, ngipholise amanxeba akho,” + kusho uJehova,“Nakuba bakubiza ngokuthi ungolahliwe:
‘IZiyoni, elingafunwa muntu.’ ” +
18 Yilokhu uJehova akushoyo:
“Ngiqoqa abathunjiwe bamatende kaJakobe, +Ngizohawukela amatabernakele akhe.
Idolobha liyophinde lakhiwe endundumeni yalo, +Umbhoshongo oqinile uyokuma endaweni yawo efanele.
19 Bayobonga, bamemeze ngenjabulo. +
Ngiyobandisa, ngeke babe mbalwa; +Ngiyobenza babe baningi kakhulu,*Ngeke babe abangelutho. +
20 Amadodana akhe ayochuma njengakuqala,Ngiyobenza babe isizwe esinamandla phambi kwami. +
Ngiyobajezisa bonke abamcindezelayo. +
21 Umholi wakhe uyovela kuye,Phakathi kwakhe kuyophuma umbusi wakhe.
Ngiyomenza ukuba asondele, uyosondela kimi.”
“Ngale kwalokho, ngubani ongalokotha* asondele kimi?” kusho uJehova.
22 “Niyoba ngabantu bami, + mina ngibe nguNkulunkulu wenu.” +
23 Kuyophuma isivunguvungu sivela kuJehova, +Ulaka lwakhe luyoba njengesiphepho esikhwishiza phezu kwamakhanda ababi.
24 UJehova ngeke ayinqande intukuthelo yakhe evuthayoKuze kube yilapho esekufezile akuhlosile. +
Ezinsukwini zokugcina niyokuqonda lokhu. +
Imibhalo yaphansi
^ Noma, “okhalweni.”
^ NgesiHebheru, “usuku olukhulu.”
^ Noma, “nemichilo.”
^ Noma, “besabenza izigqila zabo.”
^ Noma, “Ngizokuqondisa.”
^ Noma kungaba, “bahlonishwe.”
^ NgesiHebheru, “ofunge ngenhliziyo yakhe ukuba.”
