UJeremiya 13:1-27
13 Yilokhu uJehova angitshele khona: “Hamba uzithengele ibhande lelineni, ulibophe okhalweni lwakho, kodwa ungalifaki emanzini.”
2 Ngakho ngalithenga ibhande njengoba uJehova ayeshilo, ngalibopha okhalweni.
3 UJehova waphinde wathi kimi:
4 “Thatha leli bhande olithengile, elisokhalweni lwakho, usuke uye e-Ewufrathe, ulifihle lapho emfantwini wedwala.”
5 Ngakho ngahamba ngalifihla ngase-Ewufrathe, njengoba nje uJehova ayengiyalile.
6 Kodwa ngemva kwezinsuku eziningi uJehova wathi kimi: “Suka, uye e-Ewufrathe ufike uthathe ibhande engakuyala ukuba ulifihle khona.”
7 Ngakho ngaya e-Ewufrathe ngafike ngalimba ibhande endaweni engangilifihle kuyo ngalithatha, ibhande lase ligugile; lalingasenamsebenzi.
8 Khona-ke izwi likaJehova lafika kimi:
9 “Yilokhu uJehova akushoyo, ‘Ukuziqhenya kukaJuda nokuziqhenya kweJerusalema kuyoba njengaleli bhande. +
10 Laba bantu ababi abenqaba ukulalela amazwi ami, + abalandela izinhliziyo zabo ngenkani, + abaqhubeka belandela abanye onkulunkulu, bebakhulekela bebakhothamela, nabo bayoba njengaleli bhande elingasenamsebenzi.’
11 ‘Njengoba nje ibhande linamathela okhalweni lomuntu, kanjalo ngabangela yonke indlu ka-Israyeli nayo yonke indlu kaJuda ukuba zinamathele kimi,’ kusho uJehova, ‘ukuze zibe abantu bami, + inkazimulo yami, + udumo nokuthile okuhle kimi. Kodwa azizange zilalele.’ +
12 “Kumelwe uzitshele lo myalezo, ‘Yilokhu uJehova uNkulunkulu ka-Israyeli akushoyo: “Zonke izimbiza ezinkulu kufanele zigcwaliswe ngewayini.” ’ Ziyothi kuwe, ‘Asazi yini ukuthi zonke izimbiza ezinkulu kufanele zigcwaliswe ngewayini?’
13 Ngakho-ke uyothi kuzo, ‘Yilokhu uJehova akushoyo: “Ngizigcwalisa ngewayini zonke izakhamuzi zaleli zwe, + amakhosi ahleli esihlalweni sikaDavide sobukhosi, abapristi nabaprofethi nazo zonke izakhamuzi zaseJerusalema baze badakwe.
14 Ngizobaphahlaza omunye komunye, oyise namadodana ngendlela efanayo,” kusho uJehova. + “Ngeke ngibazwele noma ngibadabukele, noma ngibe nomusa kubo; ayikho into eyongivimbela ukuba ngibabhubhise.” ’ +
15 Yizwani, nilalelisise.
Ningaqhoshi, ngoba uJehova ukhulumile.
16 Mdumiseni uJehova uNkulunkulu wenuNgaphambi kokuba alethe ubumnyamaNangaphambi kokuba izinyawo zenu ziqhuzuke ezintabeni ngenxa yokuhwalala.
Niyoba nethemba lokuthi kuzokhanya,Kodwa uyoletha ubumnyama;Ukukhanya uyokuphendula ubumnyama. +
17 Uma ningalaleli,Ngiyokhala ngisekusithekeni ngenxa yokuziqhenya kwenu.
Ngiyokhala kakhulu, namehlo ami ayogeleza izinyembezi, +Ngoba umhlambi kaJehova + uthunjiwe.
18 Tshela inkosi nonina *+ uthi, ‘Hlalani phansi ngokuhlazeka,Ngoba umqhele wenu omuhle uyowa emakhanda enu.’
19 Amadolobha aseningizimu avaliwe* akekho ozowavula.
UJuda wonke udingisiwe, udingiswe ngokuphelele. +
20 Phakamisa amehlo akho ubone labo abaqhamuka enyakatho. +
Uphi umhlambi owanikwa wona, izimvu zakho ezinhle? +
21 Uyothini lapho ujeziswaYilabo owawubabheka njengabangane bakho abaseduze? +
Ngeke yini ufikelwe yimihelo, enjengeyowesifazane obelethayo? +
22 Lapho uthi enhliziyweni yakho, ‘Kungani ngehlelwe yilezi zinto?’ +
Ukhunyulwe iziketi zakho ngenxa yobukhulu besono sakho +
Izithende zakho zizwe ubuhlungu obukhulu.
23 UmKushe* angasishintsha yini isikhumba sakhe, noma ingwe amabala ayo? +
Uma kunjalo, nani ningakwenza okuhle,Nina enifundiswe ukwenza okubi.
24 Ngakho ngiyobahlakaza njengezinhlanga ezipheshulwa umoya wasogwadule. +
25 Yilokhu okuzokwenzeka kuwe. Lena ingxenye engikwabele yona,” kusho uJehova,“Ngoba ungikhohliwe + wabeka ithemba lakho emangeni. +
26 Ngakho ngizophakamisela iziketi zakho ebusweni bakho,Ihlazo lakho liyohlala obala, +
27 Izenzo zakho zokuphinga + nenkanuko yakho,Ubufebe bakho obungamanyala.*
Emagqumeni, endle,Ngikubonile ukuziphatha kwakho okunyanyisayo. +
Maye kuwe Jerusalema!
Kuyoze kube nini ulokhu ungahlanzekile?” +
Imibhalo yaphansi
^ Noma, “nendlovukazi.”
^ Noma, “avinjezelwe.”
^ Noma, “UmTopiya.”
^ Noma, “obushayisa ngamahloni.”
