U-Isaya 56:1-12
56 Yilokhu uJehova akushoyo:
“Gcinani ubulungisa + nenze okulungile,Ngoba insindiso yami izofika maduzeNokulunga kwami kuyokwambulwa. +
2 Uyajabula umuntu okwenzayo lokhuIndodana yomuntu ekubamba ikuqinise,Ogcina iSabatha angalingcolisi +Onqanda isandla sakhe ukuze angakwenzi nhlobo okubi.
3 Owesinye isizwe okhonza uJehova + makangasho ukuthi,‘Nakanjani uJehova uzongihlukanisa nabantu bakhe.’
Nomthenwa makangasho ukuthi, ‘Bheka! Ngiyisihlahla esomile.’ ”
4 Ngoba yilokhu uJehova akushoyo kubathenwa abagcina amasabatha ami, abakhetha lokho okungijabulisayo futhi ababamba isivumelwano sami basiqinise:
5 “Ngiyobanika endlini yami nangaphakathi kwezindonga zami isikhumbuzo negama,Okuthile okungcono kunamadodana namadodakazi.
Ngiyobanika igama elihlala kuze kube phakade,Igama elingeke lishabalale.
6 Abezinye izizwe abazihlanganise noJehova ukuze bamkhonze,Ukuze bathande igama likaJehova +Ukuze babe yizinceku zakhe,Bonke labo abagcina iSabatha bangalingcolisiAbanamathela esivumelwaneni sami,
7 Nabo ngiyobaletha entabeni yami engcwele +Ngibenze bajabule endlini yami yomthandazo.
Iminikelo yabo eshiswa ngokuphelele nemihlatshelo yabo iyokwamukeleka e-altare lami.
Ngoba indlu yami iyobizwa ngokuthi yindlu yomthandazo yazo zonke izizwe.” +
8 INkosi EnguMbusi uJehova, eqoqela ndawonye abahlakazekile bakwa-Israyeli, + ithi:
“Ngizoqoqela ndawonye kuye nabanye ngaphandle kwalaba asebeqoqiwe.” +
9 Nina nonke zilwane zasendle, wozani nizodla,Nonke nina zilwane zasendle enisehlathini. +
10 Abalindi bakhe bayizimpumputhe, + akekho kubo onakile. +
Bonke bayizinja eziyizimungulu, ezingakwazi ukukhonkotha. +
Ziyahefuzela zilale phansi; zithanda ukulala.
11 Bayizinja ezingamagovu;*Abaneliseki nhlobo.
Bangabelusi abangaqondi. +
Bonke bahambe ngendlela yabo;Yilowo nalowo uzifunela inzuzo ngokukhwabanisa, athi:
12 “Wozani, awuthi ngithathe iwayini,Masiphuze utshwala sizidelise. +
Kusasa kuzoba njenganamuhla, kodwa kuzoba mnandi nakakhulu!”
Imibhalo yaphansi
^ Noma, “ezinomphefumulo onamandla.”
