U-Isaya 43:1-28
43 Manje yilokhu uJehova akushoyo,UMdali wakho Jakobe, Lowo owakubumba Israyeli: +
“Ungesabi ngoba ngikuhlengile. +
Ngikubize ngegama lakho.
Ungowami.
2 Uma udabula emanzini, ngizoba nawe, +Lapho unqamula emifuleni, ngeke ikukhukhule. +
Uma udabula emlilweni, ngeke ushe,Nelangabi alisoze lakuhangula.
3 Ngoba nginguJehova uNkulunkulu wakho,ONgcwele ka-Israyeli, uMsindisi wakho.
Nginikele iGibhithe njengesihlengo sakho,ITopiya neSeba esikhundleni sakho.
4 Ngenxa yokuthi ube yigugu emehlweni ami, +Wadunyiswa futhi ngakuthanda. +
Ngakho ngizonikela abantu esikhundleni sakhoNezizwe esikhundleni sokuphila kwakho.
5 Ungesabi ngoba nginawe. +
Ngizoyiletha inzalo* yakho ivela empumalangaNgikuqoqele ndawonye kusuka entshonalanga. +
6 Ngizothi kuyo inyakatho, ‘Wadedele!’ +
Nakuyo iningizimu, ‘Ungawabambi.
Letha amadodana ami asuka kude, amadodakazi ami asuka emikhawulweni yomhlaba, +
7 Wonke umuntu obizwa ngegama lami +Engimdalele inkazimulo yami,Engimbumbile ngamenza.’ +
8 Lethani isizwe esiyizimpumputhe nakuba sinamehlo,Esiyizithulu nakuba sinezindlebe. +
9 Izizwe zonke maziqoqane ndawonye,Izizwe mazibuthane ndawonye. +
Ngubani phakathi kwazo ongakusho lokhu?
Noma zingasenza yini sizwe izinto zokuqala? *+
Maziveze ofakazi bazo, ukuze zibonise ukuthi ziqinisile,Noma mazizwe bese zithi, ‘Kuyiqiniso!’ ” +
10 “Ningofakazi bami,” + kusho uJehova,“Yebo, inceku yami engiyikhethile, +Ukuze nazi futhi nibe nokholo kimi*Niqonde ukuthi ngisenguYe. +
Ngaphambi kwami akukho Nkulunkulu owabunjwa,Nangemva kwami akekho oyoba khona. +
11 Mina—mina nginguJehova, + ngaphandle kwami akekho umsindisi.” +
12 “Yimi omemezelile, wasindisa futhi wenza ukuba kwaziweNgesikhathi kungekho nkulunkulu wezinye izizwe phakathi kwenu. +
Ngakho ningofakazi bami,” kusho uJehova, “Mina nginguNkulunkulu. +
13 Ngihlale ngingofanayo; +Akekho ongahlwitha noma yini esesandleni sami. +
Lapho ngithatha isinyathelo, akekho ongangivimba.” +
14 Yilokhu uJehova akushoyo, uMhlengi wenu, + oNgcwele ka-Israyeli: +
“Ngenxa yenu ngizothumela ibutho eBhabhiloni ngibangele ukuba kuwe yonke imigoqo yamasango, +AmaKhaledi, esemikhunjini yawo, ayokhala ecindezelekile. +
15 NginguJehova oNgcwele wenu, + uMdali ka-Israyeli, + iNkosi yenu.” +
16 Yilokhu uJehova akushoyo,Lowo owenza indlela edabula olwandleNomgwaqo odabula emanzini anamandla, +
17 Lowo okhipha inqola yempi nehhashi, +Ibutho lempi namaqhawe anamandla ngasikhathi sinye, uthi:
“Bazolala phansi bangavuki. +
Bazocinywa, bacinywe njengentambo yelambu evuthayo.”
18 “Ningazikhumbuli izinto zakudala,Ningalokhu nicabanga ngezinto zesikhathi esidlule.
19 Bhekani! Ngenza into entsha; +Ngisho namanje isiyavela.
Aniyiboni yini?
Ngizokwenza indlela enqamula ehlane +Nemifula enqamula ogwadule. +
20 Isilwane sasendle sizongidumisa,Izimpungushe nezintshe,Ngoba ngiveza amanzi ehlane,Imifula ogwadule, +Ukuze ngiphuzise isizwe sami, okhethiwe wami, +
21 Isizwe engizibumbele sona,Ukuze simemezele ngodumo lwami. +
22 Kodwa awungibizanga Jakobe, +Ngoba udiniwe yimi Israyeli. +
23 Awuzange ungilethele izimvu zeminikelo yakho eshiswayo epheleleNoma ungikhazimulise ngemihlatshelo yakho.
Angikuphoqanga ukuba ungilethele isipho,Angizange ngikukhathaze ngokufuna impepho. +
24 Awungithengelanga umhlanga onephunga elimnandi ngemali yakho,Awuzange unganelise ngamafutha emihlatshelo yakho. +
Kunalokho, ungithwese umthwalo ngezono zakhoWangikhathaza ngeziphambeko zakho. +
25 Mina, mina nginguYe osula izeqo zenu *+ ngenxa yami, +Izono zenu ngeke ngizikhumbule. +
26 Ngikhumbuze; masiqulisane icala;Veza olwakho uhlangothi ukuze ubonise ukuthi awunaphutha.
27 Ukhokho wakho wokuqala wona,Nabakhulumeli* bakho bangivukele. +
28 Ngakho ngizongcolisa izikhulu zendawo engcwele,Ngizonikela uJakobe ekubhujisweniNo-Israyeli ekuthukweni ngenhlamba. +
Imibhalo yaphansi
^ NgesiHebheru, “imbewu.”
^ Cishe kubhekiselwa ezintweni eziyokwenzeka kuqala esikhathini esizayo.
^ Noma, “ningethembe.”
^ Noma, “izenzo zenu zokuvukela.”
^ Cishe kushiwo abafundisi boMthetho.
