U-Isaya 32:1-20
32 Bheka! Inkosi + iyobusa ngenjongo yokulunga, +Nezikhulu ziyobusa ngenjongo yobulungisa.
2 Ngamunye kubo uyoba njengendawo* yokucashela umoya,Indawo yokucashela* isiphepho esinemvula,Njengemifudlana yamanzi ezweni elingenamanzi,Njengomthunzi wedwala elikhulu ezweni elomile. +
3 Amehlo alabo ababonayo ngeke esavaleka,Nezindlebe zalabo abezwayo ziyolalela.
4 Inhliziyo yabanamawala iyozindla ngolwazi,Nolimi olungingizayo luyokhuluma kahle nangokucacile. +
5 Ongenangqondo ngeke kusathiwa uyaphana,Nomuntu okhohlakele ngeke abizwe ngesicukuthwane;
6 Ngoba umuntu ongenangqondo uyokhuluma izinto ezingenangqondo,Nenhliziyo yakhe iyoceba izinto ezilimazayo, +Ukuze ikhuthaze ukuhlubuka* nokuba ikhulume amanga ngoJehova,Ukuze ibangele olambile ukuba angakutholi ukudla,Nokuba incishe owomile okuphuzwayo.
7 Amacebo omuntu okhohlakele mabi; +Ukhuthaza ukuziphatha okubangela amahloniUkuze adicilele phansi ohluphekile ngamanga, +Ngisho nalapho ompofu ekhuluma okulungile.
8 Kodwa umuntu ophanayo uhlale efuna ukupha,Uyaphikelela ezenzweni zokupha.
9 “Nina besifazane abakhululekile, sukumani nilalele izwi lami!
Nina madodakazi angenandaba, + lalelani lokho engikushoyo!
10 Esikhathini esingaphezu nje konyaka, nina eningenandaba niyothuthumela,Ngoba kuyobe kungekho zithelo ezivuniwe lapho kuphela inkathi yokuvunwa kwamagilebhisi. +
11 Thuthumelani nina besifazane abakhululekile!
Qhaqhazelani, nina eningenandaba!
Khumulani nibe nqunu,Nibhince indwangu yesaka ezinkalweni zenu. +
12 Zishayeni amabele nilileNgenxa yamasimu afiselekayo namasimu amagilebhisi athelayo.
13 Ngoba umhlabathi wabantu bami uyogcwala ameva nezihlahla zameva;Ayomila kuzo zonke izindlu zenjabulo,Yebo, edolobheni lentokozo. +
14 Ngoba umbhoshongo onezivikelo eziqinile ushiyiwe;Idolobha elinomsindo lishiywe dengwane. +
I-Ofeli + nenqaba yokuqapha sekuyincithakalo unomphela,Izimbongolo zasendle ziyajabula ngakho,Sekuyidlelo lemihlambi, +
15 Kuze kube yilapho sekuthululelwe phezu kwethu umoya ovela phezulu, +Nehlane liba yingadi yezithelo,Nengadi yezithelo isibhekwa njengehlathi. +
16 Khona-ke ubulungisa buyohlala ehlane,Nokulunga kuhlale engadini yezithelo. +
17 Umphumela wokulunga kweqiniso uyoba ukuthula, +Nesithelo sokulunga kweqiniso siyoba ukuthula nokulondeka kuze kube phakade. +
18 Abantu bami bayohlala endaweni enokuthula,Nasezindaweni zokuhlala ezilondekile nasezindaweni zokuphumula ezinokuthula. +
19 Isichotho siyowisa ihlathi,Idolobha liyocekelwa phansi ngokuphelele.
20 Niyajabula nina enihlwanyela imbewu noma kuphi lapho kunamanzi khona,Enithuma* inkunzi nembongolo.” +
Imibhalo yaphansi
^ Noma, “njengompheme.”
^ Noma, “Isiphephelo sokucashela.”
^ Noma, “ukudelela.”
^ Noma, “Enidedela.”
