U-Isaya 30:1-33
30 “Maye emadodaneni anenkani,” + kusho uJehova,“Afeza amacebo okungewona awami, +Enza izivumelwano* kodwa hhayi ngomoya wami,Ukuze anezele isono kwesinye isono.
2 Ayahamba aye eGibhithe + engakhulumanga nami, *+Ukuze ayokhosela ngaphansi kwesivikelo* sikaFaroNokuba aphephele emthunzini weGibhithe!
3 Kodwa isivikelo sikaFaro siyoba yisizathu sokuhlazeka,Ukuphephela emthunzini weGibhithe kube yimbangela yokululazeka. +
4 Ngoba izikhulu zakhe ziseZowani, +Nezithunywa zakhe zifinyelele eHanesi.
5 Bonke bayoba namahloniNgesizwe esingeke sibazuzise ngalutho,Esingasizi nesingazuzisi ngalutho,Kodwa esibangela amahloni nesihlazanayo.” +
6 Isimemezelo ngokumelene nezilwane zaseningizimu:
Izithunywa zibeka umnotho wazo emhlane wezimbongolo,Nempahla yazo emalundeni amakamela,Zidabule ezweni lokucindezeleka nelobunzima,Lebhubesi, ibhubesi elibhongayo,Lenyoka nenyoka yomlilo endizayo.*
Kodwa lezi zinto ngeke zisizuzise ngalutho lesi sizwe.
7 Usizo lwaseGibhithe luyinto engathi shu. +
Ngakho ngilibize ngokuthi: “URahabi, + ohlalayo nje angenzi lutho.”
8 “Manje hamba, bhala la mazwi etsheni eliyisicaba phambi kwabo,Wabhale encwadini, +Ukuze asebenze osukwini oluzayo,Abe ubufakazi kuze kube phakade. +
9 Ngoba siyisizwe esidlubulundayo, + amadodana akhohlisayo, +Amadodana angathandi ukuzwa umthetho* kaJehova. +
10 Sithi kubaboni, ‘Akumelwe nibone,’
Nakulabo ababona imibono, ‘Ningasitsheli imibono eyiqiniso. +
Sitsheleni izinto ezizosikitaza izindlebe;* bonani imibono ekhohlisayo. +
11 Chezukani endleleni; phambukani endleleni.
Yekani ukubeka phambi kwethu oNgcwele ka-Israyeli.’ ” +
12 Ngakho-ke yilokhu oNgcwele ka-Israyeli akushoyo:
“Ngenxa yokuthi nilenqabile leli zwi, +Nathembela ekukhwabaniseni nasekukhohliseniNancika kukho, +
13 Lesi siphambeko siyoba njengodonga olubhidlikile kini,Njengodonga oluphakeme oluvokomele oseluzowa.
Luyobhidlika ngokuzumayo, ngomzuzwana.
14 Luyophihlizwa njengembiza enkulu yobumba,Ephihlizwe ngokuphelele kwangasala ngisho nezicucuOkungahhalwa ngazo umlilo ezikoNoma okungakhiwa ngazo amanzi exhaphozini.”*
15 Ngoba yilokhu iNkosi EnguMbusi uJehova, oNgcwele ka-Israyeli ekushoyo:
“Niyosindiswa ngokuba nibuyele kimi futhi niphumule.Niyoba namandla uma nizola futhi ningethemba.” +
Kodwa anithandanga. +
16 Kunalokho nathi: “Cha, sizogibela amahhashi sibaleke!”
Ngakho nizobaleka.
“Sizogibela amahhashi anejubane!” +
Ngakho labo abanijahayo bazoba nejubane. +
17 Inkulungwane iyokwesatshiswa umuntu oyedwa; +Niyobaleka ngenxa yokwesatshiswa abantu abahlanuKuze kube yilapho senisele njengensika esiqongweni sentaba,Nanjengesigxobo esiwuphawu egqumeni. +
18 Kodwa uJehova ulinde ngesineke* ukuze anibonise umusa, +Uyothatha isinyathelo ukuze anibonise isihe. +
Ngoba uJehova unguNkulunkulu wobulungisa. +
Bayajabula bonke abahlala bemlindele. *+
19 Lapho abantu behlala eZiyoni, eJerusalema, + ngeke neze ukhale. + Nakanjani uyokubonisa umusa lapho kuzwakala ukukhala kwakho; ngokushesha lapho ekuzwa uyokuphendula. +
20 Nakuba uJehova eyoninika usizi njengesinkwa nokucindezeleka njengamanzi, + uMfundisi wakho Omkhulu ngeke esazifihla, uyombona ngamehlo uMfundisi wakho Omkhulu. +
21 Uma kwenzeka nishiya indlela efanele niya ngakwesokudla noma ngakwesobunxele, izindlebe zenu ziyozwa izwi ngemva kwenu lithi, “Nansi indlela. + Hambani ngayo.” +
22 Niyongcolisa imifanekiso yenu ebaziwe enanyekwe ngesiliva nezithombe zenu zensimbi* ezinanyekwe ngegolide. + Niyozilahla njengengubo esetshenziswa owesifazane osesikhathini, nithi kuzo: “Sukani lapha!” *+
23 Uyoletha imvula yokunisela imbewu yenu eniyihlwanyele emhlabathini, + nesinkwa esikhiqizwa umhlabathi siyoba siningi sibe nomsoco. *+ Ngalolo suku imfuyo yenu iyoklaba emadlelweni avulekile. +
24 Izinkomo nezimbongolo ezilima umhlabathi ziyodla ifolishi elinongwe ngesimuncwane, elihlungwa ngehalavu nangemfoloko.
25 Phezu kwazo zonke izintaba eziphakeme naphezu kwawo wonke amagquma aphakeme kuyoba khona imifudlana nemisele yamanzi, + ngosuku lokuhlaba okukhulu lapho imibhoshongo iwa.
26 Ukukhanya kwenyanga egcwele kuyoba njengokukhanya kwelanga; nokukhanya kwelanga kuyoba namandla ngokuphindwe kasikhombisa, + njengokukhanya kwezinsuku eziyisikhombisa, ngosuku uJehova abopha ngalo ukuphuka kwabantu bakhe, + apholise nenxeba elibi lomvimbo obangelwe nguye. +
27 Bheka! Igama likaJehova liza livela kude,Livutha ngentukuthelo yakhe nangamafu amnyama.
Izindebe zakhe zigcwele ulaka,Nolimi lwakhe lunjengomlilo oqothulayo. +
28 Umoya wakhe unjengesikhukhula esinamandla esifinyelela entanyeni,Ukuze unyakazise izizwe ngesisefo sembubhiso;*Izizwe ziyofakwa amatomu emihlathini yazo + ayozenza ziduke.
29 Kodwa ingoma yakho iyoba njengengoma eculwa ebusukuLapho ulungiselela* umkhosi, +Nenhliziyo yakho iyojabula njengeyomuntuOhamba ephethe umtshingoElibangise entabeni kaJehova, eDwaleni lika-Israyeli. +
30 UJehova uyokwenza ukuba izwi lakhe elinamadla + lizwakaleEnze ingalo yakhe ibonakale + njengoba yehla ngentukuthelo, +Ngelangabi lomlilo oqothulayo, +Imvula enamandla + nokuduma nesichotho. +
31 Ngoba ngenxa yezwi likaJehova i-Asiriya liyofikelwa ukwesaba okukhulu; +Uyolishaya ngenduku. +
32 Ukushwibeka ngakunye kwenduku yakhe yokujezisaUJehova ayoyiletha phezu kwe-AsiriyaKuyohambisana namathamborini namahabhu +Njengoba ebaphakamisela isandla sakhe empini. +
33 Ngoba iThofeti *+ lakhe selilungisiwe;Lilungiselelwe nenkosi. +
Wenze indawo yokubeka izinkuni yajula futhi yaba banzi,Umlilo nezinkuni kuningi.
Ukuphefumula kukaJehova, njengomfula wesibabule,*Kuyolishisa.
Imibhalo yaphansi
^ NgesiHebheru, “athulula umnikelo wokuphuzwayo,” ngokusobala kubhekiselwa ekwenzeni isivumelwano.
^ Noma, “engazange abuze okuphuma emlonyeni wami.”
^ NgesiHebheru, “esiphephelweni.”
^ Noma, “nenyoka enesihlungu esheshayo.”
^ Noma, “isiqondiso.”
^ NgesiHebheru, “ezibushelelezi.”
^ Noma kungaba, “emthonjeni.”
^ Noma, “uhlala elindile.”
^ Noma, “abamlinde ngokulangazela.”
^ Noma, “ezenziwe ngokuncibilikisiwe.”
^ Noma kungaba, “nithi ziwukungcola.”
^ NgesiHebheru, “siyonona sibe namafutha.”
^ NgesiHebheru, “ngesisefo sokungabi nanzuzo.”
^ Noma, “uzingcwelisela.”
^ “IThofeti” lapha lisho indawo yokushisa izinto, limelela ukubhujiswa.
^ Igama elithi “isibabule” lapha lisho uhlobo oluthile lwempuqumpuqu evuthayo.
