U-Isaya 28:1-29
28 Maye kuwo umqhele* ovelele* wezidakwa zakwa-Efrayimi, +Nembali ebunayo yobuhle bazo obukhazimulayo,Ephezu kwekhanda lesigodi esivundile salabo abadakwe yiwayini!
2 Bheka! UJehova unomuntu onamandla futhi oyiqhawe.
Njengesichotho esihambisana nokuduma, isiphepho esicekela phansi,Njengokuduma okunezikhukhula ezinamandla,Uyokuphonsa phansi emhlabeni ngamandla.
3 Imiqhele evelele* yezidakwa zakwa-EfrayimiIyonyathelwa ngezinyawo. +
4 Imbali ebunayo yobuhle bazo obukhazimulayo,Esekhanda lesigodi esivundile,Iyoba njengekhiwane elivuthwe kuqala kungakabi yihlobo,
Lapho umuntu elibona, uyalikha alidle ngokushesha.
5 Ngalolo suku uJehova wamabutho uyoba njengomqhele omuhle okhazimulayo nanjengomhlobiso omuhle kubantu bakhe abasele. +
6 Uyoba njengomoya wobulungisa kohlezi ekwahluleleni nanjengomthombo wamandla kwabaxosha izitha ezihlaselayo esangweni. +
7 Umpristi nomprofethi bayaduka ngenxa yewayini;Utshwala babo bubenza badiyazele.
Bayaduka ngenxa yotshwala;Iwayini liyabaphithanisa,Badiyazeliswa utshwala babo;Umbono wabo uyabadukisa,Bahlulela ngendlela engafanele. +
8 Wonke amatafula agcwele umhlanzo onyanyisayo—Ugcwele yonke indawo.
9 Umuntu uyoludlulisela kubani ulwazi,Uyowuchazela bani umyalezo?
Labo abayekiswe ukuncela,Labo abasuswe ebeleni?
10 Ngoba “ngumyalo phezu komyalo, umyalo phezu komyalo,Umthetho* phezu komthetho, umthetho phezu komthetho, *+Kancane lapha, kancane laphaya.”*
11 Uyokhuluma nalesi sizwe esebenzisa labo abanamalimi* nabakhuluma ulimi oluhlukile. +
12 Wake wathi kubo: “Lena yindawo yokuphumula. Okhathele makaphumule; lena yindawo yokunethezeka,” kodwa abalalelanga. +
13 Kubo izwi likaJehova liyoba:
“Ngumyalo phezu komyalo, umyalo phezu komyalo,Umthetho phezu komthetho, umthetho phezu komthetho, *+Kancane lapha, kancane laphaya,”
Ukuze kuthi lapho behamba,Bakhubeke, bawe babheke phezuluBaphuke babambeke babanjwe. +
14 Ngakho yizwani izwi likaJehova, nina eniqhoshayo,Nina babusi balesi sizwe eniseJerusalema,
15 Ngoba nina madoda nithi:
“Senze isivumelwano noKufa, +Senze isivumelwano* neThuna.*
Lapho isikhukhula esinamandla sidlula,Ngeke sifinyelele kithi,Ngoba senze amanga aba yisiphephelo sethuSizifihle emangeni.” +
16 Ngakho-ke yilokhu iNkosi EnguMbusi uJehova ekushoyo:
“Bheka ngibeka itshe njengesisekelo eZiyoni, itshe elivivinyiwe, +Itshe eliyigugu eliyinhloko + lesisekelo esiqinile. +
Akekho obonisa ukholo kulo oyokwethuka. +
17 Ubulungisa ngizobenza bube yintambo yokukala +Ukulunga kube yithuluzi lokuqondisa. +
Isichotho siyosikhukhula isiphephelo samanga,Namanzi akhukhule indawo yokucasha.
18 Isivumelwano senu noKufa siyoqedwa,Nesivumelwano senu neThuna* ngeke sime. +
Lapho isikhukhula esinamandla sidlula,Siyonikhukhula.
19 Njalo lapho sidlula,Siyomuka nani; +Ngoba siyodlula njalo ekuseni,Emini nasebusuku.
Ukwesaba kuphela okuyobenza baqonde umyalezo.”*
20 Ngoba umbhede mfushane kakhulu ukuba umuntu angenaba kuwo,Nengubo incane kakhulu ukuba umuntu angazisonga ngayo.
21 Ngoba uJehova uyovuka njengaseNtabeni iPherazimi;Uyovuka njengasesigodini esiseduze* kweGibheyoni, +Ukuze enze isenzo sakhe—isenzo sakhe esiyinqaba—Ukuze enze umsebenzi wakhe—umsebenzi wakhe ongajwayelekile. +
22 Manje ningaklolodi, +Ukuze izibopho zenu zingaqiniswa kakhulu,Ngoba ngizwile ngeNkosi EnguMbusi uJehova wamabutho,Ukuthi kunqunyiwe ukuba lonke izwe* liqothulwe. +
23 Bekani indlebe, nilalele izwi lami;Nakani nilalele engikushoyo.
24 Ingabe umlimi ulima usuku lonke ngaphambi kokuba ahlwanyele imbewu?
Ingabe ulokhu evukuza futhi ehlelemba inhlabathi? +
25 Lapho eseyihlelembile,Akasakazi yini ikhumini elimnyama ahlwanyele ikhumini,Akahlwanyeli yini ukolweni, unyaluthi nebhali endaweni yako,Nesipelite + emingceleni?
26 UNkulunkulu ufundisa umuntu indlela* elungile;UNkulunkulu wakhe uyamyala. +
27 Ngoba ikhumini elimnyama alibhulwa ngesibhulo, +Isondo lenqola alihambi phezu kwekhumini.
Kunalokho, ikhumini elimnyama libhulwa ngenduku,Nekhumini ngodondolo.
28 Lapho kubhulwa, umuntu uyakugaya yini ukudla okusanhlamvu kuze kucoliseke ukuze enze isinkwa?
Cha, akalokhu ekubhula kuze kucoliseke; +Lapho ehambisa isondo lenqola yakhe phezu kwako ngamahhashi akhe,Akakugayi. +
29 Lokhu nakho kuvela kuJehova wamabutho,Okhipha iseluleko* esimangalisayoOfeza izinto ezinkulu. *+
Imibhalo yaphansi
^ Noma, “oqhoshayo; oziqhenyayo.”
^ Ngokusobala kushiwo inhloko-dolobha, iSamariya.
^ Noma, “eqhoshayo; eziqhenyayo.”
^ NgesiHebheru, “Umucu wokukala.”
^ Noma, “Intambo yokukala phezu kwentambo yokukala, intambo yokukala phezu kwentambo yokukala.”
^ Umyalezo ka-Isaya wawuzwakala uphindaphinda futhi unobuntwana kubaholi benkolo.
^ NgesiHebheru, “abanezindebe ezingingizayo.”
^ Noma, “Intambo yokukala phezu kwentambo yokukala, intambo yokukala phezu kwentambo yokukala.”
^ Noma kungaba, “Sibangele ukuba kube khona umbono.”
^ Noma, “neShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ Noma, “neShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ Noma kungaba, “Lapho beqonda, bayokwesaba kakhulu.”
^ Noma, “njengasethafeni eliphansi eliseduze.”
^ Noma, “wonke umhlaba.”
^ Noma, “uqondisa umuntu ngendlela; ujezisa umuntu ngendlela.”
^ Noma, “injongo.”
^ Noma, “Onokuhlakanipha okukhulu.”
