U-Amose 9:1-15
9 Ngabona uJehova + emi ngaphezu kwe-altare, wathi: “Shaya isihloko sezinsika ukuze zizamazame phansi. Zinqume esihlokweni, mina ngiyobulala abasele ngenkemba. Akekho obalekayo oyophunyuka, akekho nozama ukubaleka oyophumelela. +
2 Uma bemba bashone phansi eThuneni,*Isandla sami siyobakhipha lapho;Uma benyukela emazulwini,Ngiyobehlisa lapho.
3 Uma bezifihla esiqongweni seKarmeli,Ngiyobafuna lapho ngibakhiphe. +
Uma bezifihla phambi kwamehlo ami ekujuleni kolwandle,Ngiyoyala inyoka khona lapho ukuba ibalume.
4 Uma beya ekuthunjweni phambi kwezitha zabo,Ngiyoyala inkemba lapho ibabulale; +Ngiyogxilisa amehlo ami kubo ngenjongo yokubalethela okubi, hhayi okuhle. +
5 Ngoba iNkosi EnguMbusi uJehova wamabutho, nguYe othinta izwe*Ukuze lincibilike, + bonke abahlala kulo bayolila; +Lonke liyophakama njengeNayile,Libohle njengeNayile yaseGibhithe. +
6 ‘Lowo owakha izitebhisi zakhe emazulwini,Amise isakhiwo* sakhe emhlabeni;Lowo obiza amanzi olwandleUkuze awathululele emhlabeni +—NguJehova igama lakhe.’ +
7 ‘Anifani yini nabantwana bamaKushe kimi, bantu bakwa-Israyeli?’ kusho uJehova.
‘Angizange yini ngimkhuphule u-Israyeli ngimkhiphe ezweni laseGibhithe, +NamaFilisti ngiwakhiphe eKrethe, + neSiriya eKhiri?’ +
8 ‘Bhekani! Amehlo eNkosi EnguMbusi uJehova aphezu kombuso onesono,Iyowubhuqa ezweni. +
Kodwa ngeke ngiyibhuqe ngokuphelele indlu kaJakobe,’ + kusho uJehova.
9 ‘Ngoba bheka! Ngikhipha umyalo,Ngiyonyakazisa indlu ka-Israyeli phakathi kwazo zonke izizwe, +Njengalapho nje umuntu enyakazisa isisefoKungabi bikho nelilodwa itshe eliwela phansi.
10 Zonke izoni zabantu bami ziyofa ngenkemba,Lezo ezithi: “Inhlekelele ngeke isondele kithi, futhi ngeke isifice.” ’
11 ‘Ngalolo suku ngiyovusa idokodo* likaDavide + eliwile,Ngiyolungisa izindawo* ezibhodlokile,Ngiyovusa amanxiwa alo;Ngiyolakha kabusha njengasezinsukwini zakudala +
12 Ukuze badle ifa lalokho okusele kuka-Edomi +Nelazo zonke izizwe eziye zabizwa ngegama lami,’ kusho uJehova, owenza lokhu.
13 ‘Bhekani! Kuza izinsuku,’ kusho uJehova,‘Lapho umlimi eyofica umvuni,Nomnyatheli wamagilebhisi afice ophethe imbewu; +Izintaba ziyoconsa iwayini elimnandi, +Nawo wonke amagquma ayogeleza iwayini. *+
14 Ngiyoqoqa izithunjwa zabantu bami u-Israyeli ngizibuyise, +Ziyokwakha kabusha amadolobha enziwe incithakalo zihlale kuwo; +Ziyotshala amasimu amagilebhisi ziphuze iwayini lawo, +Zenze izingadi zidle izithelo zazo.’ +
15 ‘Ngiyozitshala ezweni lazo,Ngeke ziphinde zisishulweEzweni engizinike lona,’ + kusho uJehova uNkulunkulu wenu.”
Imibhalo yaphansi
^ Noma, “eShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ Noma, “umhlaba.”
^ Noma, “isakhiwo esinophahla oluyindilinga.”
^ Noma, “itende.”
^ Noma, “izindawo zabo.”
^ NgesiHebheru, “ayoncibilika.”
