AmaHubo 95:1-11
95 Wozani, masimmemeze ngenjabulo uJehova!
Masimemeze ngokuthokoza, sidumise iDwala lethu lensindiso. +
2 Masizeni phambi kwakhe* simbonge; +Masimemeze ngokuthokoza, simdumise ngamahubo.
3 Ngoba uJehova unguNkulunkulu omkhulu,UyiNkosi enkulu kunabo bonke abanye onkulunkulu. +
4 Ulawula ngisho nasekujuleni komhlaba;Iziqongo zezintaba zingezakhe. +
5 Ulwandle alwenza lungolwakhe, +Izandla zakhe zenza umhlabathi owomile. +
6 Wozani, masikhuleke sikhothame;Masiguqe phambi kukaJehova uMenzi wethu. +
7 Ngoba unguNkulunkulu wethu,Thina singabantu bedlelo lakhe,Siyizimvu ezinakekelwa nguye. *+
Uma nilalela izwi lakhe namuhla, +
8 Ningayenzi lukhuni inhliziyo yenu njengoba kwenza okhokho benu eMeriba, *+Njengasosukwini lwaseMasa* ehlane, +
9 Lapho okhokho benu bengivivinya; +Bangivivinya nakuba babeyibonile imisebenzi yami. +
10 Iminyaka engu-40 ngangisenyanya leso sizukulwane, ngathi:
“Siyisizwe esihlale siphambuka ezinhliziyweni zaso;Asikazazi izindlela zami.”
11 Ngakho ngafunga ngithukuthele ngathi:
“Ngeke singene ekuphumuleni kwami.” +
Imibhalo yaphansi
^ NgesiHebheru, “kobuso bakhe.”
^ NgesiHebheru, “zesandla sakhe.”
^ Incazelo: “Ukuxabana.”
^ Incazelo: “Ukuvivinya; Uvivinyo.”
