AmaHubo 91:1-16
91 Noma ubani ohlala endaweni esithekile yoPhezukonke +Uyohlala ngaphansi komthunzi woMninimandla Onke. +
2 Ngizothi kuJehova: “Wena uyisiphephelo sami nenqaba yami, +UNkulunkulu wami engithembela kuye.” +
3 Ngoba yena uyokukhulula esicuphweni somcuphi wezinyoni,Esifweni esiwumshayabhuqe.
4 Uyokumboza* ngezimpaphe zakhe,Uyophephela ngaphansi kwamaphiko akhe. +
Ukwethembeka kwakhe + kuyoba yihawu elikhulu + nodonga oluyisivikelo.*
5 Ngeke wesabe lutho olwethusayo ebusuku, +Noma umcibisholo ondiza emini, +
6 Noma isifo esiwumshayabhuqe esisabalala ebusuku,Noma imbubhiso ebulala emini bebade.
7 Inkulungwane iyokuwa eceleni kwakhoNezinkulungwane eziyishumi ngasesandleni sakho sokudla,Kodwa ngeke kwenzeke lutho olubi kuwe. +
8 Uyobuka nje kuphela ngamehloUbone ukujeziswa* kwababi.
9 Ngoba uthe: “UJehova uyisiphephelo sami,”
Wenze oPhezukonke waba yindawo yakho yokuhlala; *+
10 Akukho nhlekelele eyokwehlela, +Akukho sifo esiyosondela etendeni lakho.
11 Ngoba uyoyala izingelosi zakhe + ngokuphathelene nawe,Ukuba zikuqaphe kuzo zonke izindlela zakho. +
12 Ziyokuthwala ngezandla zazo, +Ukuze unyawo lwakho lungaqhuzuki etsheni. +
13 Uyonyathela ibhongo lebhubesi nemfezi;Uyonyathela ibhubesi elinomhlwenga nenyoka enkulu. +
14 UNkulunkulu uthe: “Ngoba uyangithanda,* ngizomkhulula. +
Ngizomvikela ngoba uyalazi* igama lami. +
15 Uzongibiza, ngimphendule. +
Ngizoba naye lapho ecindezelekile. +
Ngizomkhulula, ngimkhazimulise.
16 Ngizomanelisa ngokuphila isikhathi eside, +Ngizomenza abone insindiso yami.” *+
Imibhalo yaphansi
^ Noma, “Uyovimba ukuba kungasondelwa kuwe.”
^ Noma, “nesivikelo.”
^ NgesiHebheru, “ukuphindiselwa.”
^ Noma kungaba, “yinqaba yakho; yisiphephelo sakho.”
^ NgesiHebheru, “uzihlanganise nami.”
^ Noma, “uyaliqaphela.”
^ Noma, “izenzo zensindiso evela kimi.”
