AmaHubo 90:1-17
Umthandazo kaMose, umuntu kaNkulunkulu weqiniso. +
90 O Jehova, wena ube yindawo yethu yokuhlala *+ kuzo zonke izizukulwane.
2 Zingakazalwa izintabaUngakawuvezi* umhlaba nezwe, +Kusukela phakade kuze kube phakade, wena unguNkulunkulu. +
3 Wenza umuntu ofayo abuyele othulini;Uthi: “Buyelani othulini, bantwana babantu.” +
4 Ngoba iminyaka eyinkulungwane emehlweni akho injengosuku lwayizolo oseludlulile, +Injengamahora ambalwa.*
5 Uyabakhukhula; + banyamalale njengephupho;Ekuseni banjengotshani obuhlumayo. +
6 Ekuseni buyaqhakaza futhi buvuseleleke,Kodwa kusihlwa buyabuna bome. +
7 Ngoba intukuthelo yakho iyasiqeda +Ulaka lwakho luyasesabisa.
8 Uyazazi iziphambeko zethu; *+Uzibona kahle izinto esizenza ekusithekeni. +
9 Ukuphila kwethu kuyashabalala* ngenxa yolaka lwakho;Neminyaka yethu iphela ngokushesha njengomoya ophuma emakhaleni.
10 Ukuphila kwethu kuyiminyaka engu-70,Noma engu-80 + uma umuntu enamandla.*
Kodwa kugcwele izinkathazo nosizi;Kudlula masinyane, sinyamalale. +
11 Ubani ongawaqonda amandla entukuthelo yakho?
Ulaka lwakho luyesabeka njengoba nje nawe kufanele wesatshwe. +
12 Sifundise ukubala izinsuku zethu +Ukuze sibe nenhliziyo enokuhlakanipha.
13 O Jehova, buya! + Kuyoqhubeka kuze kube nini lokhu? +
Dabukela izinceku zakho. +
14 Sanelise ngothando lwakho oluqotho + ekuseni,Ukuze simemeze ngenjabulo, sithokoze + zonke izinsuku zethu.
15 Senze sithokoze izinsuku ezilingana nalezo osihluphe ngazo, +Neminyaka eminingi elingana naleyo esibhekane ngayo nenhlekelele. +
16 Kwangathi izinceku zakho zingawubona umsebenzi wakho,Nabantwana bazo babone ubukhazikhazi bakho. +
17 Kwangathi umusa kaJehova uNkulunkulu wethu ungaba phezu kwethu;Kwangathi ungawuphumelelisa* umsebenzi wezandla zethu.
Yebo, uphumelelise* umsebenzi wezandla zethu. +
Imibhalo yaphansi
^ Noma kungaba, “ube yisiphephelo sethu.”
^ Noma, “Ungakawuvezi njengokungathi ngemihelo.”
^ Noma, “ambalwa obusuku.”
^ Noma, “Ubeka iziphambeko zethu phambi kwakho.”
^ Noma, “Izinsuku zethu ziyashabalala.”
^ Noma, “ngenxa yamandla akhethekile.”
^ Noma, “ungawumisa uqine.”
^ Noma, “uwumise uqine.”
