AmaHubo 78:1-72

  • Ukunakekela kukaNkulunkulu nokuntula ukholo kuka-Israyeli

    • Xoxela isizukulwane esizayo (2-8)

    • “Awazange abe nokholo kuNkulunkulu” (22)

    • “Ukudla kwasezulwini” (24)

    • “Bamzwisa ubuhlungu oNgcwele ka-Israyeli” (41)

    • Ukuphuma eGibhithe nokungena eZweni Lesithembiso (43-55)

    • “Babelokhu bemvivinya uNkulunkulu” (56)

Imaskili* lika-Asafa. + 78  Lalelani umthetho* wami, bantu bami;Nakani amazwi ami.  2  Ngizokhuluma isaga. Ngizosho iziphicaphicwano zakudala. +  3  Izinto esizizwile nesizaziyo,Obaba bethu abasixoxela zona, +  4  Ngeke sisifihlele isizukulwane sabo;Lezi zinto sizozixoxela isizukulwane esizayo +Izenzo zikaJehova ezifanele ukudunyiswa namandla akhe, +Izinto ezimangalisayo azenzile. +  5  Wamisa isikhumbuzo kwaJakobeWabeka umthetho kwa-Israyeli;Wayala okhokho bethuUkuba batshele izingane zabo ngalezi zinto, +  6  Ukuze isizukulwane esizayo,Izingane ezisazozalwa zizazi. + Nazo zixoxele izingane zazo. +  7  Bese nazo zithembela kuNkulunkulu. Ngeke ziyikhohlwe imisebenzi kaNkulunkulu +Kodwa zizogcina imiyalo yakhe. +  8  Khona-ke ngeke zibe njengokhokho bazo,Isizukulwane esasinenkani nesasidlubulunda, +Isizukulwane esasinenhliziyo engagxilile *+Nesasingathembekile kuNkulunkulu.  9  Abakwa-Efrayimi babehlome ngomnsalo,Kodwa babaleka ngosuku lwempi. 10  Abasigcinanga isivumelwano sikaNkulunkulu +Abawulalelanga umthetho wakhe. + 11  Bakukhohlwa lokho ayekwenzile, +Imisebenzi yakhe emangalisayo ayebabonise yona. + 12  Wayenze izinto ezimangalisayo okhokho babo bebuka, +Ezweni laseGibhithe, esifundeni saseZowani. + 13  Wahlukanisa ulwandle ukuze bawele,Wabangela ukuba amanzi ame njengedamu. *+ 14  Wabahola ngefu eminiNangokukhanya komlilo ubusuku bonke. + 15  Waqhekeza amadwala ehlane,Wabaphuzisa baze baneliseka njengokungathi baphuza echibini elijulile. + 16  Waveza imifudlana edwaleniWabangela amanzi ukuba ageleze njengemifula. + 17  Kodwa baqhubeka bona kuyeNgokuvukela oPhezukonke ogwadule; + 18  Bavivinya uNkulunkulu ezinhliziyweni zabo +Ngokufuna ngenkani ukudla ababekuhalela. 19  Ngakho bakhononda ngoNkulunkulu,Bethi: “Angakwazi yini uNkulunkulu ukusinika ukudla ehlane?” + 20  Ngakho washaya idwalaKwageleza amanzi nemifudlana. + “Angakwazi yini nokusinika isinkwa,Noma anikeze abantu bakhe inyama?” + 21  Lapho uJehova ebezwa wathukuthela; +Waletha umlilo + ukuze ajezise uJakobe,Intukuthelo yakhe yawavuthela ama-Israyeli + 22  Ngoba awazange abe nokholo kuNkulunkulu; +Ayengathembi ukuthi angakwazi ukuwasindisa. 23  Ngakho wayala isibhakabhaka esinamafu phezulu,Wavula iminyango yezulu. 24  Wayelokhu ebanisela imana ukuze badle;Wabanika ukudla kwasezulwini. + 25  Abantu badla ukudla kwezingelosi; *+Wabanika okuningi ukuze baneliseke. + 26  Wavusa umoya wasempumalanga emazulwiniNgamandla akhe, wenza ukuba kuvunguze umoya waseningizimu. + 27  Wehlisela phezu kwabo inyama njengothuli,Izinyoni ezingangesihlabathi esisogwini lolwandle. 28  Wenza ukuba ziwele phakathi kwekamu lakhe,Nxazonke zamatende akhe. 29  Badla baphanga;Wabanika ababekufisa. + 30  Kodwa bengakazanelisi,Nokudla kwabo kusesemilonyeni yabo, 31  Ulaka lukaNkulunkulu lwabavuthela. + Wabulala amadoda ayizidlakela kubo; +Waziwisa izinsizwa zika-Israyeli. 32  Naphezu kwakho konke lokhu, baqhubeka nokona +Ababanga nalo ukholo emisebenzini yakhe emangalisayo. + 33  Ngakho waqeda izinsuku zabo njengokungathi ziwumoya okhishwa ngamakhala, +Neminyaka yabo ngokwesaba. 34  Kodwa njalo lapho uNkulunkulu ebulala abanye babo, babemfuna; +Babebuya bamfune uNkulunkulu, 35  Bekhumbula ukuthi uNkulunkulu wayeyiDwala labo +Nokuthi uNkulunkulu oPhezukonke wayenguMkhululi* wabo. + 36  Kodwa bazama ukumkhohlisa ngemilomo yaboBaqamba amanga ngolimi lwabo. 37  Inhliziyo yabo yayingagxilile kuye; +Babengathembekile esivumelwaneni sakhe. + 38  Kodwa wayenesihe; +Wayebathethelela* izono zabo angababhubhisi. + Kaningi wayeyibamba intukuthelo yakhe, +Kunokuba avuse lonke ulaka lwakhe. 39  Wayekhumbula ukuthi bayinyama, +Umoya ovunguza ungabuyi.* 40  Yeka ukuthi babemvukela kaningi kangakanani ehlane, +Bemzwisa ubuhlungu ogwadule! + 41  Bamvivinya ngokuphindaphindiwe uNkulunkulu, +Bamzwisa ubuhlungu* oNgcwele ka-Israyeli. 42  Abazange bawakhumbule amandla akhe,*Usuku abakhulula ngalo esitheni sabo, + 43  Indlela enza ngayo izibonakaliso zakhe eGibhithe +Nezimangaliso zakhe esifundeni saseZowani, 44  Nendlela aphendula ngayo imisele yeNayile yaba yigazi +Kangangokuba babengenakuphuza emifudlaneni yabo. 45  Wathumela iqulu lezibawu ukuba zibalume +Namaxoxo ukuba acekele phansi izwe labo. + 46  Wanika izintethe eziqothulayo izitshalo zabo,Wanika izintethe izithelo zomsebenzi wabo. + 47  Waqothula amasimu abo amagilebhisi ngesichotho +Nezihlahla zabo zemisikhamori ngamatshe esichotho. 48  Wanikela izilwane zabo esichothweni +Nemfuyo yabo emibanini.* 49  Wehlisela phezu kwabo intukuthelo yakhe evuthayo,Ukufutheka nolaka nokucindezeleka,Ibutho lezingelosi laletha inhlekelele. 50  Wayidedela intukuthelo yakhe. Akazange abasindise ekufeni;Wabanikela* esifweni esiwumshayabhuqe. 51  Ekugcineni wabulala wonke amazibulo aseGibhithe, +Ukuqala kwamandla abo okuzala ematendeni kaHamu. 52  Ngemva kwalokho wakhipha abantu bakhe njengomhlambi wezimvu +Wabahola njengomhlambi ehlane. 53  Wabahola ngokulondeka,Babengesabi; +Ulwandle lwamboza izitha zabo. + 54  Wabaletha endaweni yakhe engcwele, +Kulesi sifunda esinezintaba asinqoba ngamandla akhe. + 55  Waxosha izizwe phambi kwabo; +Wababela ifa ngentambo yokukala; +Wahlalisa izizwe zakwa-Israyeli emizini yazo. + 56  Kodwa babelokhu bemvivinya uNkulunkulu oPhezukonke, bemvukela; +Abazange bazinake izikhumbuzo zakhe. + 57  Bamfulathela benza ngokukhohlisa njengokhokho babo. + Babengathembekile njengomnsalo oxegayo. + 58  Babelokhu bemcasula ngezindawo zabo eziphakeme, +Bembangela ulaka* ngemifanekiso yabo ebaziwe. + 59  UNkulunkulu wezwa wathukuthela, +Ngakho wamlahla ngokuphelele u-Israyeli. 60  Ekugcineni walishiya itabernakele laseShilo, +Itende ayehlala kulo phakathi kwabantu. + 61  Wavumela umphongolo omelela amandla akhe ukuba uthunjwe;Ubuhle bakhe wabunikela esandleni sesitha. + 62  Wanikela abantu bakhe enkembeni +Walithukuthelela ifa lakhe. 63  Umlilo wazishisa izinsizwa zakhe,Nezintombi zakhe azizange ziculelwe izingoma zomshado.* 64  Abapristi bakhe babulawa ngenkemba, +Abafelokazi babo abazange bakhale. + 65  Khona-ke uJehova waphaphama njengokungathi wayelele, +Njengeqhawe elisanguluka ewayinini. + 66  Wazixosha izitha zakhe; +Wazihlaza phakade. 67  Walilahla itende likaJosefa;Akazange asikhethe isizwe sakwa-Efrayimi. 68  Kunalokho wakhetha isizwe sakwaJuda, +INtaba iZiyoni, ayithandayo. + 69  Wenza indlu yakhe engcwele yahlala ikhona njengamazulu, *+Njengomhlaba awumise phakade. + 70  Wakhetha uDavide + inceku yakheWamthatha esibayeni sezimvu, + 71  Wamlanda ekwaluseni izimvu zezinsikazi ezincelisayo;Wamenza umalusi phezu kukaJakobe, isizwe sakhe, +Naphezu kuka-Israyeli, ifa lakhe. + 72  Wabelusa ngenhliziyo eqotho, +Wabahola ngezandla ezinekhono. +

Imibhalo yaphansi

^ Noma, “isiqondiso.”
^ NgesiHebheru, “engalungisiwe.”
^ Noma, “njengodonga.”
^ Noma, “kwabanamandla.”
^ Noma, “wayenguMphindiseleli.”
^ NgesiHebheru, “wayezimboza.”
^ Noma kungaba, “Ukuthi umoya uyaphuma ungabuyi.”
^ Noma, “Bamdabukisa.”
^ NgesiHebheru, “basikhumbule isandla sakhe.”
^ Noma kungaba, “emfiveni enamandla.”
^ NgesiHebheru, “Wanikela ukuphila kwabo.”
^ Noma, “umhawu.”
^ NgesiHebheru, “Nezintombi zakhe azizange zidunyiswe.”
^ NgesiHebheru, “Wakha indlu yakhe engcwele yaba njengendawo ephakeme.”