AmaHubo 76:1-12
Kumqondisi; kufanele lihambisane nezinsimbi zomculo ezinezintambo. Ihubo lika-Asafa. + Ingoma.
76 UNkulunkulu uyaziwa kwaJuda; +Igama lakhe likhulu kwa-Israyeli. +
2 Itabernakele lakhe liseSalema, +Uhlala eZiyoni. +
3 Wayiphula lapho imicibisholo evuthayo yomnsalo,Ihawu nenkemba nezinye izikhali zempi. + (Sela)
4 O Nkulunkulu, uyakhazimula;*Umkhulu kakhulu kunezintaba ezigcwele izilwane zasendle.
5 Abanesibindi baphangiwe. +
Bazumekile;Amaqhawe awabanga nawo amandla okulwa. +
6 O Nkulunkulu kaJakobe, ngokumemeza kwakho,Umshayeli wenqola nehhashi bafile. *+
7 Wena wedwa uyesabeka. +
Ubani ongamelana nentukuthelo yakho? +
8 Wakhipha isahlulelo usezulwini; +Abahlala emhlabeni besaba bathula +
9 Lapho uNkulunkulu esukuma ukuba ahlulele,Ukuze asindise bonke abamnene abasemhlabeni. + (Sela)
10 Ngoba intukuthelo yomuntu uyoyisebenzisela ukuzitholela udumo; +Uyohloba ngezenzo zokugcina zentukuthelo yabo.
11 Yenzani izifungo kuJehova uNkulunkulu wenu bese nizigcwalisa, +Bonke abamzungezile mabalethe isipho ngokwesaba. +
12 Uyothobisa abaholi abaqhoshayo;*Wenza amakhosi omhlaba esabe.
Imibhalo yaphansi
^ Noma, “Umbozwe ukukhanya.”
^ NgesiHebheru, “balele.”
^ NgesiHebheru, “Uyothobisa umoya wabaholi.”
