AmaHubo 7:1-17
-
UJehova unguMahluleli olungile
-
“O Jehova, ngahlulele” (8)
-
Ingoma yokulila kaDavide ayihlabelelela uJehova ngokuphathelene namazwikaKushe umBhenjamini.
7 O Jehova Nkulunkulu wami, ngiphephele kuwe. +
Ngisindise kubo bonke abangishushisayo ungikhulule. +
2 Ngale kwalokho bazongidwengula njengoba kwenza ibhubesi, +Bahambe nami kungekho muntu ozongikhulula.
3 O Jehova Nkulunkulu wami, uma nginephutha kulokhu,Uma ngenze ngokungenabulungisa,
4 Uma ngimonile umuntu ongenzela okuhle, +Noma uma ngiphange isitha sami ngaphandle kwesizathu,*
5 Khona-ke isitha masingijahe singifice;Masikunyathele phansi emhlabathini ukuphila kwami
Sibangele isithunzi sami ukuba sishabalale othulini. (Sela)
6 O Jehova, vuka ngentukuthelo yakho;Melana nolaka lwezitha zami; +Vuka ungisize, yala ukuba kwenziwe ubulungisa. +
7 Izizwe mazikuhaqe;Uyothatha isinyathelo ngokumelene nazo usendaweni ephakeme.
8 UJehova uyozigweba izizwe. +
O Jehova, ngahlulele ngokokulunga kwamiNangokobuqotho bami. +
9 Ngicela ukuqede ukonakala kwababi.
Kodwa ummise aqine olungile, +Ngoba unguNkulunkulu olungile + ohlola izinhliziyo + nemizwa ejulile. *+
10 UNkulunkulu uyihawu lami, + uMsindisi wabaqotho enhliziyweni. +
11 UNkulunkulu unguMahluleli olungile, +UNkulunkulu ukhipha izahlulelo zakhe* nsuku zonke.
12 Uma kukhona ongaphenduki, + uNkulunkulu ulola inkemba yakhe; +Ugobisa umnsalo wakhe awulungiselele. +
13 Ulungisa izikhali zakhe eziyingozi;Ulungisa imicibisholo yakhe evuthayo. +
14 Mbheke lowo okhulelwe ububi;Ukhulelwe izinto ezikhathazayo, uzala amanga. +
15 Ugubha umgodi, uwumba ujule,Kodwa uwela kuwo kanye lowo mgodi awumbile. +
16 Izinkathazo azibangelayo ziyobuyela ekhanda lakhe; +Ubudlova bakhe buyokwehlela okhakhayini lwakhe.
17 Ngizomdumisa uJehova ngenxa yobulungisa bakhe; +Ngizolihlabelelela* igama likaJehova + oPhezukonke. +
Imibhalo yaphansi
^ Noma kungaba, “Kuyilapho ngimsindisile lowo ongiphikisa ngaphandle kwesizathu.”
^ Noma, “ovivinya izinhliziyo nezinso.”
^ Noma, “ukhipha amazwi okulahla.”
^ Noma, “Ngizoliculela ngidlale nezinsimbi.”
