AmaHubo 69:1-36
Kumqondisi; ngenothi elithi “Iminduze.” ElikaDavide.
69 O Nkulunkulu ngisindise, ngoba amanzi asongela ukuphila kwami. +
2 Ngishone phansi odakeni olubishayo, lapho kungenandawo yokuma. +
Ngingene emanzini ajulile,Umfudlana onesikhukhula ungikhukhulile. +
3 Ngikhathele ukumemeza; +Umphimbo wami ushile.
Amehlo ami akhathele ngilokhu ngilinde uNkulunkulu wami. +
4 Labo abangizonda ngaphandle kwesizathu +Baningi kunezinwele zekhanda lami.
Labo abangangibulala,Izitha zami ezingathembekile* seziziningi.
Ngaphoqwa ukuba ngibuyise engangingakwebanga.
5 O Nkulunkulu, wena uyabazi ubuwula bami,Icala lami alifihlekile kuwe.
6 Kwangathi labo abathemba wena bangehlazeke ngenxa yami,O Nkosi EnguMbusi, Jehova wamabutho.
Kwangathi labo abakufunayo bangephoxeke ngenxa yami,Nkulunkulu ka-Israyeli.
7 Ngiyahlanjalazwa ngenxa yakho; +Ukululazeka kumboze ubuso bami. +
8 Sengifana nesifiki kubafowethu,Emadodaneni kamama ngingowesinye isizwe. +
9 Uthando lwami ngendlu yakho lunjengomlilo ovuthayo ngaphakathi kimi, +Nesihlamba sabakuhlambalazayo sehlele phezu kwami. +
10 Lapho ngizithoba ngokuzila ukudla,*Ngahlanjalazwa.
11 Lapho ngigqoka indwangu yesaka,Ngaba yinhlekisa* kubo.
12 Abahlezi esangweni ledolobha bakhuluma ngami,Nezidakwa zihlabelela ngami.
13 Kodwa kwangathi umthandazo wami ungafika kuwe,O Jehova, ngesikhathi esamukelekayo kuwe. +
Ngokuchichima kothando lwakho oluqotho, O Nkulunkulu,Ngiphendule ngezenzo zakho zensindiso. +
14 Ngikhiphe odakeni;Ungangivumeli ngibishe.
Ngikhulule kulabo abangizondayoNasemanzini ajulile. +
15 Ungazivumeli izikhukhula zingikhukhule, +Ungangivumeli ukuba ngiminze emanzini ajulile,Nokuba umthombo* ungigwinye. +
16 Ngiphendule, Jehova, ngoba uthando lwakho oluqotho lujulile. +
Phendukela kimi ngokuchichima kwesihe sakho, +
17 Ungayifihleli inceku yakho ubuso bakho. +
Ngiphendule ngokushesha ngoba ngicindezelekile. +
18 Sondela eduze kwami, ungikhulule;Ngikhulule ngenxa yezitha zami.
19 Wena uyakwazi ukuthukwa kwami nehlazo lami nokululazeka kwami. +
Uzibona zonke izitha zami.
20 Ukuthukwa kwephule inhliziyo yami, leli nxeba alelapheki.*
Benginethemba lokuboniswa uzwela, kodwa akwenzekanga, +Benginethemba lokuthi kuzoba khona abaduduzi, kodwa angitholanga noyedwa. +
21 Kodwa esikhundleni sokudla banginika ushevu, *+Lapho ngomile bangiphuzisa uviniga. +
22 Itafula labo malibe yisicupho kubo,Nempumelelo yabo ibe ugibe. +
23 Amehlo abo mawabe mnyama ukuze bangaboni,Yenza imilenze yabo* iqhaqhazele njalo.
24 Thululela phezu kwabo intukuthelo yakho,*Kwangathi intukuthelo yakho evuthayo ingabafica. +
25 Ikamu labo* malibe yincithakalo;Makungahlali muntu ematendeni abo. +
26 Ngoba bayamjaha lowo omshayile,Balokhu bekhuluma ngezinhlungu zalabo obagwazile.
27 Mabajeziswe ngenxa yecala labo,Ungababheki njengabalungile.
28 Amagama abo mawasulwe encwadini yabaphilayo, *+Kwangathi amagama abo angebhalwe kanye nawabalungile. +
29 Kodwa mina ngihluphekile futhi ngisezinhlungwini. +
O Nkulunkulu, kwangathi ungangisindisa ungivikele.
30 Ngizodumisa igama likaNkulunkulu,Ngizomphakamisa ngokubonga.
31 Lokhu kuyomjabulisa kakhulu uJehova kunenkunzi,Kunenkunzi esencane enezimpondo nezinselo. +
32 Abamnene bayokubona lokhu bajabule.
Nina enifuna uNkulunkulu, izinhliziyo zenu maziphile.
33 Ngoba uJehova uyabalalela abampofu, +Ngeke ababukele phansi abantu bakhe abathunjiwe. +
34 Izulu nomhlaba makumdumise, +Izilwandle nakho konke okuhamba kuzo.
35 Ngoba uNkulunkulu uyolisindisa iZiyoni +Awakhe kabusha amadolobha akwaJuda,Abantu bakhe bayohlala lapho, balithathe libe ngelabo.*
36 Inzalo yezinceku zakhe iyolithatha libe yifa layo, +Labo abathanda igama lakhe + bayohlala kulo.
Imibhalo yaphansi
^ Noma, “Abayizitha zami ngaphandle kwesizathu.”
^ Noma kungaba, “Lapho ngikhala ngizila ukudla.”
^ NgesiHebheru, “isaga.”
^ Noma, “umgodi.”
^ Noma, “sengize ngacindezeleka.”
^ Noma, “isitshalo esinoshevu.”
^ NgesiHebheru, “izinqulu zabo.”
^ Noma, “ulaka lwakho.”
^ Noma, “Ikamu labo elibiyelwe ngodonga.”
^ Noma, “yokuphila.”
^ Okuwukuthi, izwe.
