AmaHubo 58:1-11
-
Ukhona uNkulunkulu owahlulela umhlaba
-
Umthandazo wokucela ukuba kujeziswe ababi (6-8)
-
Kumqondisi; ngenothi elithi “Ungabhubhisi.” ElikaDavide. Imiktamu.*
58 Ningakhuluma kanjani ngokulunga nibe nithule? +
Nina madodana abantu, ningahlulela yini ngobuqotho? +
2 Kunalokho, niceba ukungalungi ezinhliziyweni zenu, +Izandla zenu zigcwalisa ubudlova ezweni. +
3 Ababi bonakala* kusukela bezalwa;*Bayanhlanhlatha, baqamba amanga kwasesibelethweni.
4 Amazwi abo anjengesihlungu senyoka eyingozi; +Bayizithulu njengemfezi evala indlebe yayo.
5 Ngeke ililalele izwi labathwebuli,Noma ngabe banekhono kangakanani lokuthakatha.
6 O Nkulunkulu, wakhumule amazinyo abo!
Jehova, phula amathambo omhlathi ala mabhubesi!*
7 Mabanyamalale njengamanzi omayo.
Kwangathi uNkulunkulu angagobisa umnsalo, abawise ngemicibisholo yakhe.
8 Mababe njengomnenke oncibilikayo njengoba uhamba;Njengengane ezalwa isishonile, engaliboni nhlobo ilanga.
9 Ngaphambi kokuba amabhodwe akho ezwe ukushisa kwamajikijolo,UNkulunkulu uyophephula amagatsha aluhlaza navuthayo, njengoba kwenza isiphepho. +
10 Olungile uyojabula ngoba uyibonile impindiselo; +Izinyawo zakhe ziyomanziswa yigazi lababi. +
11 Abantu bayothi: “Ngokuqinisekile ukhona umvuzo wabalungile. +
Ngempela ukhona uNkulunkulu owahlulelayo emhlabeni.” +
Imibhalo yaphansi
^ Bheka uHlu Lwezincazelo Zamagama.
^ Noma, “baphambuka.”
^ NgesiHebheru, “besesibelethweni.”
^ Noma, “mabhubesi asemancane anomhlwenga.”
