AmaHubo 5:1-12
Kumqondisi weNehiloti.*Ihubo likaDavide.
5 O Jehova, lalela amazwi ami; +Naka ukuquma kwami ngenxa yosizi.
2 Ngizwe lapho ngicela usizo kuwe,Nkosi yami noNkulunkulu wami, ngoba ngithandaza kuwe.
3 O Jehova, ekuseni uyolizwa izwi lami; +Ekuseni ngiyokutshela okungikhathazayo + bese ngilindela impendulo.
4 Ngoba awuyena uNkulunkulu ojabula ngobubi; +Akekho noyedwa omubi ongahlala nawe. +
5 Akukho muntu oziqhayisayo ongama phambi kwakho.
Uyabazonda bonke abenza okubi; +
6 Uyobabhubhisa abakhuluma amanga. +
UJehova uyabenyanya abantu abanobudlova nabakhohlisayo. *+
7 Kodwa mina ngizongena endlini yakho + ngenxa yobukhulu bothando lwakho oluqotho; +Ngizokhothama ngibheke ethempelini lakho elingcwele* ngenhlonipho. +
8 O Jehova, ngihole ngokulunga kwakho ngenxa yezitha zami;Ngisize ngihambe endleleni yakho ngaphandle kwezithiyo. +
9 Ngoba akukho ezikushoyo okungathenjwa;Izinhliziyo zazo zigcwele ububi.
Umphimbo wazo uyingcwaba elivulekile;Zilalisa ulimi. +
10 Kodwa uNkulunkulu uyozilahla ngecala;Amacebo azo ayozilethela inhlekelele. +
Kwangathi zingaxoshwa ngenxa yezeqo zazo eziningi,Ngoba zihlubukile kuwe.
11 Kodwa bonke abaphephela kuwe bayojabula; +Bayohlale behalalisa ngenjabulo.
Uyovimba ukuba kungasondelwa kubo,Labo abathanda igama lakho bayothokoza ngawe.
12 Ngoba wena Jehova, uyobusisa noma ubani olungile;Uyombonisa umusa, umvikele njengokungathi ngehawu elikhulu. +
Imibhalo yaphansi
^ Bheka uHlu Lwezincazelo Zamagama.
^ Noma, “uyamenyanya umuntu ochitha igazi nokhohlisayo.”
^ Noma, “endlini yakho engcwele.”
