AmaHubo 22:1-31
Kumqondisi; ngenothi“Lenyamazane Yokuntwela Kokusa.”* Ihubo likaDavide.
22 Nkulunkulu wami, Nkulunkulu wami, ungishiyeleni? +
Kungani ungangisindisi,Ungakuzwa ukukhala kwami ngenxa yosizi? +
2 Nkulunkulu wami, ngilokhu ngikubiza emini, kodwa awuphenduli; +Nasebusuku angithuli.
3 Kodwa wena ungcwele, +U-Israyeli uyakudumisa.*
4 Obaba bathembela kuwe; +Bakwethemba, wena waqhubeka ubasindisa. +
5 Bakhala kuwe, basindiswa;Bathembela kuwe, bangajabha. *+
6 Kodwa mina ngiyisibungu, angiyena umuntu,Abantu bayangidelela,* bangibukela phansi. +
7 Bonke abangibonayo, bangenza inhlekisa; +Balokhu behleka usulu, benikina namakhanda abo: +
8 “Uthembele kuJehova. Makamkhulule!
Makamsindise, ngoba Yena umthanda kakhulu!” +
9 Nguwe owangikhipha esibelethweni, +Owangenza ngazizwa ngilondekile emabeleni kamama.
10 Selokhu ngazalwa ubulokhu unginakekela;*UbunguNkulunkulu wami kwasesibelethweni sikamama.
11 Ungabi kude nami, ngoba usizi luseduze, +Anginaye omunye umsizi. +
12 Izinkunzi eziningi zingihaqile; +Izinkunzi ezinamandla zaseBhashani zingizungezile. +
13 Zingivulela umlomo wazo, +Njengebhubesi elibhongayo elidwengula isisulu salo. +
14 Ngithululiwe njengamanzi;Wonke amathambo ami ahlukene.
Inhliziyo yami ibe njengengcina; *+Iyancibilika ngaphakathi kimi. +
15 Amandla ami aphelile, senginjengesitsha sobumba; +Ulimi lwami lunamathele olwangeni lwami; +Ungiletha emgodini ukuze ngife. +
16 Ngoba izinja zingizungezile; +Zingizungeze njengeviyo labenzi bokubi, +Njengebhubesi, zisezandleni nasezinyaweni zami. +
17 Ngingawabala wonke amathambo ami. +
Izitha ziyangibheka, zingigqolozele.
18 Zihlukaniselana ngezingubo zami,Zenza inkatho ngezingubo zami. +
19 Kodwa wena, Jehova, ungabi kude. +
Ungamandla ami; shesha ungisize. +
20 Ngisindise* enkembeni,Ukuphila kwami okuyigugu* ezidladleni zezinja; +
21 Ngisindise emlonyeni webhubesi + nasezimpondweni zezinkunzi zasendle;Ngiphendule ungisindise.
22 Ngizomemezela igama lakho kubafowethu; +Ngizokudumisa phakathi kwebandla. +
23 Nina enesaba uJehova, mdumiseni!
Nonke nina nzalo* kaJakobe, mkhazimuliseni! +
Nimesabe nonke nina nzalo* ka-Israyeli.
24 Ngoba akazange akudelele noma akushalazele ukuhlupheka komuntu ocindezelwe; +Akazange amfihlele ubuso bakhe, +Wezwa lapho ekhalela usizo kuye. +
25 Ngizokudumisa ebandleni elikhulu; +Ngizozigcwalisa izifungo zami phambi kwabamesabayo.
26 Abamnene bayodla basuthe; +Labo abafuna uJehova bayomdumisa. +
Kwangathi bangaphila* kuze kube phakade.
27 Umhlaba wonke uyokhumbula ubuyele kuJehova.
Zonke izizwe ziyokhothama phambi kwakho. +
28 Ngoba ubukhosi bungobukaJehova; +Ubusa izizwe.
29 Bonke abacebile* bomhlaba bazodla bakhothame phansi;Bonke abehlela phansi othulini bazoguqa phambi kwakhe;Akekho kubo ongalonda ukuphila kwakhe.
30 Inzalo* yabo iyomkhonza;Isizukulwane esizayo siyotshelwa ngoJehova.
31 Bayofika balandise ngokulunga kwakhe.
Bayotshela isizwe esisazozalwa lokho akwenzile.
Imibhalo yaphansi
^ Kungaba yinothi noma indlela yokucula.
^ Noma, “Uhlezi phezu kwezindumiso zika-Israyeli.”
^ Noma, “abazange badumazeke.”
^ Noma, “Ngiyisihlamba kubantu.”
^ Noma, “bengiphonswe kuwe.”
^ Ngokusobala lokhu kubhekisela entweni esetshenziswa izinyosi lapho zakha amakhekheba oju.
^ Noma, “Sindisa umphefumulo wami.”
^ NgesiHebheru, “Okuwukuphela kwawo,” esho umphefumulo noma ukuphila kwakhe.
^ NgesiHebheru, “mbewu.”
^ NgesiHebheru, “mbewu.”
^ NgesiHebheru, “Kwangathi izinhliziyo zenu zingaphila.”
^ NgesiHebheru, “abakhuluphele.”
^ NgesiHebheru, “Imbewu.”
