AmaHubo 119:1-176
-
Ukwazisa izwi likaNkulunkulu eliyigugu
-
‘Intsha ingayigcina kanjani indlela yayo ihlanzekile?’ (9)
-
“Ngiyazithanda izikhumbuzo zakho” (24)
-
“Yeka indlela engiwuthanda ngayo umthetho wakho!” (97)
-
“Nginokuqonda kunabo bonke abangifundisayo” (99)
-
“Izwi lakho liyisibani esiqondisa izinyathelo zami” (105)
-
“Izwi lakho lilonke liyiqiniso” (160)
-
Ukuthula okuchichimayo kulabo abathanda umthetho kaNkulunkulu (165)
-
א [Aleph]
119 Bayajabula abangasoleki* endleleni yabo,Abahamba ngomthetho kaJehova. +
2 Bayajabula abagcina izikhumbuzo zakhe, +Abamfuna ngayo yonke inhliziyo yabo. +
3 Abakwenzi ukungalungi;Bahamba ngezindlela zakhe. +
4 Wena uyale ukubaImiyalo yakho igcinwe ngokucophelela. +
5 Ukube nje bengiyohlala ngigxilile *+Ukuze ngigcine iziqondiso zakho!
6 Khona-ke bengingeke ngihlazeke +Lapho ngihlola yonke imiyalo yakho.
7 Ngizokudumisa ngenhliziyo eqothoLapho ngifunda izahlulelo zakho ezilungile.
8 Ngizozigcina iziqondiso zakho.
Mawungangishiyi ngokuphelele.
ב [Beth]
9 Insizwa ingayigcina kanjani indlela yayo ihlanzekile?
Ngokuhlala iqaphile ngokuvumelana nezwi lakho. +
10 Ngikufuna ngenhliziyo yami yonke.
Ungangivumeli ngiphambuke emiyalweni yakho. +
11 Ngiyalilonda izwi lakho enhliziyweni yami +Ukuze ngingoni kuwe. +
12 O Jehova, kwangathi ungadunyiswa;Ngifundise iziqondiso zakho.
13 Ngimemezela ngezindebe zamiZonke izahlulelo ozikhiphile.
14 Ngiyajabula ngezikhumbuzo zakho +Ukwedlula zonke ezinye izinto zenani elikhulu. +
15 Ngizozindla* ngemiyalo yakho +Ngigcine amehlo ami esezindleleni zakho. +
16 Ngiyayithanda imithetho yakho.
Ngeke ngilikhohlwe izwi lakho. +
ג [Gimel]
17 Yiphathe ngomusa inceku yakho,Ukuze ngiphile, ngigcine izwi lakho. +
18 Vula amehlo ami ukuze ngizibone kahleIzinto ezimangalisayo ezisemthethweni wakho.
19 Ngiyisifiki nje ezweni. +
Ungangifihleli imiyalo yakho.
20 Ngiyafa ukulangazelela*Izahlulelo zakho ngaso sonke isikhathi.
21 Uyabakhuza abagabadelayoAbaqalekisiwe, labo abaphambukayo emiyalweni yakho. +
22 Susa kimi* ukwedelelwa nokweyiswa,Ngoba ngizigcinile izikhumbuzo zakho.
23 Ngisho nalapho izikhulu zihlala ndawonye zikhulume ngokumelene nami,Inceku yakho izindla* ngeziqondiso zakho.
24 Ngiyazithanda izikhumbuzo zakho; +Ziyangeluleka. +
ד [Daleth]
25 Ngilele* othulini. +
Ngilonde ngokwesithembiso sakho. +
26 Ngikutshelile ngezindlela zami wangiphendula;Ngifundise iziqondiso zakho. +
27 Ngenze ngikuqonde okushiwo yimiyalo* yakho,Ukuze ngizindle* ngemisebenzi yakho emangalisayo. +
28 Bengiqwashile ngenxa yosizi.
Ngiqinise ngokwesithembiso sakho.
29 Susa kimi indlela yokukhohlisa, +Ungibonise umusa ngomthetho wakho.
30 Ngikhethe indlela yokwethembeka. +
Ngiyaqaphela ukuthi izahlulelo zakho zilungile.
31 Ngibambelele ezikhumbuzweni zakho. +
O Jehova, ungangivumeli ngidumazeke. *+
32 Ngizoyifuna ngokulangazela indlela* yemiyalo yakhoNgoba uyenzela indawo enhliziyweni yami.*
ה [He]
33 O Jehova, ngifundise + indlela yeziqondiso zakho,Ngizohamba kuyo kuze kube sekugcineni. +
34 Ngiphe ukuqonda,Ukuze ngigcine umthetho wakhoNgiwugcine ngenhliziyo yami yonke.
35 Ngihole* endleleni yemiyalo yakho, +Ngoba ngiyajabula ngayo.
36 Yenza inhliziyo yami ithande izikhumbuzo zakho,Hhayi ukuhaha. *+
37 Yenza ukuba amehlo ami angakuboni okungenanzuzo; +Ngilonde endleleni yakho.
38 Gcwalisa isithembiso sakho owasenza* encekwini yakho,Ukuze wesatshwe.*
39 Susa ihlazo engilesabayo,Ngoba izahlulelo zakho zinhle. +
40 Bheka ukuthi ngiyilangazelela kanjani imiyalo yakho.
Ngilonde ngokulunga kwakho.
ו [Waw]
41 Kwangathi ngingathola uthando lwakho oluqotho, Jehova, +Insindiso yakho ngokuvumelana nesithembiso sakho; *+
42 Khona-ke ngiyomphendula ongiklolodelayo,Ngoba ngithembele ezwini lakho.
43 Ungalisusi ngokuphelele izwi leqiniso emlonyeni wami,Ngoba ngithembele esahlulelweni* sakho.
44 Ngizowugcina njalo umthetho wakho,Kuze kube phakade naphakade. +
45 Ngizohambahamba endaweni ephephile, *+Ngoba ngifuna imiyalo yakho.
46 Ngizokhuluma ngezikhumbuzo zakho phambi kwamakhosi,Ngeke ngibe namahloni. +
47 Ngiyayithanda imiyalo yakho,Yebo, ngiyayithanda. +
48 Ngizophakamisa izandla zami ngithandaze ngenxa yokuthi ngiyayithanda imiyalo yakho, +Ngizozindla* ngeziqondiso zakho. +
ז [Zayin]
49 Khumbula izwi owalisho* encekwini yakho,Elinginika ithemba.*
50 Lena yinduduzo yami ekuhluphekeni kwami, +Ngoba izwi lakho lingilondile.
51 Abagabadelayo bangihleka usulu ngokuphelele,Kodwa angiphambuki emthethweni wakho. +
52 O Jehova, ngiyazikhumbula izahlulelo zakho zakudala, +Ziyangiduduza. +
53 Ngigcwele intukuthelo evuthayo ngenxa yababi,Abashiya umthetho wakho. +
54 Iziqondiso zakho ziyizingoma kimiNomaphi lapho ngihlala khona.*
55 O Jehova, ebusuku ngiyalikhumbula igama lakho, +Ukuze ngigcine umthetho wakho.
56 Lokhu bengilokhu ngikwenzaNgoba ngiyigcinile imiyalo yakho.
ח [Heth]
57 UJehova uyifa lami; +Ngenze isithembiso sokugcina amazwi akho. +
58 Ngikuncenga* ngayo yonke inhliziyo yami; +Ngibonise umusa + ngokwesithembiso sakho.*
59 Ngizihlolile izindlela zami,Ukuze ngiphinde ngilandele izikhumbuzo zakho. +
60 Ngiyashesha, angilibaliUkugcina imiyalo yakho. +
61 Izintambo zababi zingizungezile,Kodwa angiwukhohlwa umthetho wakho. +
62 Phakathi kwamabili ngiyavuka ukuze ngikubonge +Ngezahlulelo zakho ezilungile.
63 Ngingumngane wabo bonke abakwesabayoNowalabo abagcina imiyalo yakho. +
64 O Jehova, uthando lwakho oluqotho lugcwele umhlaba; +Ngifundise iziqondiso zakho.
ט [Teth]
65 O Jehova, uyiphathe kahle inceku yakho,Ngokwezwi lakho.
66 Ngifundise ukuqonda nolwazi, +Ngoba ngithembele emiyalweni yakho.
67 Ngaphambi kokuba ngihlupheke, ngangivame ukuphambuka,*Kodwa manje ngiyaligcina izwi lakho. +
68 Wena umuhle + nemisebenzi yakho mihle.
Ngifundise iziqondiso zakho. +
69 Abagabadelayo bangibheca ngamanga,Kodwa mina ngigcina imiyalo yakho ngayo yonke inhliziyo yami.
70 Izinhliziyo zabo azisazweli, *+Kodwa mina ngiyawuthanda umthetho wakho. +
71 Kuhle ukuthi ngihlushiwe, +Ukuze ngifunde iziqondiso zakho.
72 Umthetho owubekile muhle kimi, +Wedlula izinkulungwane zezinhlamvu zegolide nezesiliva. +
י [Yod]
73 Izandla zakho zingenzile, zangibumba.
Ngiphe ukuqonda,Ukuze ngifunde imiyalo yakho. +
74 Labo abakwesabayo bayangibona bajabule,Ngoba ngithembele ezwini* lakho. +
75 O Jehova, ngiyazi ukuthi izahlulelo zakho zilungile +Nokuthi ungijezisile ngenxa yokwethembeka kwakho. +
76 Ngiyacela, kwangathi uthando lwakho oluqotho + lungangiduduza,Ngokwesithembiso owasenza* encekwini yakho.
77 Ngibonise isihe, ukuze ngiqhubeke ngiphila, +Ngoba ngiyawuthanda umthetho wakho. +
78 Kwangathi abagabadelayo bangahlazeka,Ngoba bangona ngaphandle kwesizathu.*
Kodwa mina ngizozindla* ngemiyalo yakho. +
79 Labo abakwesabayo mababuyele kimi,Labo abazaziyo izikhumbuzo zakho.
80 Inhliziyo yami mayingabi naphutha ekulandeleni iziqondiso zakho, +Ukuze ngingahlazeki. +
כ [Kaph]
81 Ngilangazelela insindiso yakho, +Ngoba ngithembele ezwini* lakho.
82 Amehlo ami alangazelela izwi lakho +Kuyilapho ngithi: “Uyongiduduza nini?” +
83 Ngoba nginjengesigubhu sesikhumba esilenga entuthwini,Kodwa angizikhohlwa iziqondiso zakho. +
84 Inceku yakho kumelwe ilinde izinsuku ezingaki?
Uyosiletha nini isahlulelo kulabo abangishushisayo? +
85 Abagabadelayo bangimbela imigodi,Labo abaphikisana nomthetho wakho.
86 Yonke imiyalo yakho ithembekile.
Abantu bangishushisa ngaphandle kwesizathu; ngisize! +
87 Bacishe bangiqothula,Kodwa angizange ngiyishiye imiyalo yakho.
88 Ngilonde ngenxa yothando lwakho oluqotho,Ukuze ngigcine izikhumbuzo ozishilo.
ל [Lamed]
89 O Jehova, izwi lakho limi emazulwiniKuze kube phakade. +
90 Ukwethembeka kwakho kukuzo zonke izizukulwane. +
Uwumise waqina umhlaba, ukuze uqhubeke umile. +
91 Ngenxa yezahlulelo zakho kumile* kuze kube namuhla,Ngoba konke kuyizinceku zakho.
92 Ukube bengingawuthandi umthetho wakho,Ngabe ngishabalele ekuhluphekeni kwami. +
93 Angisoze ngayikhohlwa imiyalo yakho,Ngoba ngayo ungilondile. +
94 Ngingowakho; ngisindise, +Ngoba ngiyifunile imiyalo yakho. +
95 Ababi balinde ukungiqothula,Kodwa ngiyazinakisisa izikhumbuzo zakho.
96 Ngiwubonile umkhawulo wakho konke ukuphelela,Kodwa umyalo wakho awunamkhawulo.*
מ [Mem]
97 Yeka indlela engiwuthanda ngayo umthetho wakho! +
Ngizindla* ngawo usuku lonke. +
98 Umyalo wakho ungenza ngihlakaniphe kunezitha zami, +Ngoba ungihola njalo.
99 Nginokuqonda kunabo bonke abangifundisayo, +Ngoba ngizindla* ngezikhumbuzo zakho.
100 Ngenza ngokuqonda kakhudlwana kunamadoda amadala,Ngoba ngigcina imiyalo yakho.
101 Ngeke ngihambe kunoma iyiphi indlela yobubi, +Ukuze ngigcine izwi lakho.
102 Angiphambuki ezahlulelweni zakho,Ngoba wena ungifundisile.
103 Yeka indlela amazwi akho amnandi ngayo olimini lwami,Adlula uju emlonyeni wami! +
104 Ngiziphatha ngokuqonda ngenxa yemiyalo yakho. +
Yingakho ngizizonda zonke izindlela zamanga. +
נ [Nun]
105 Izwi lakho liyisibani esiqondisa izinyathelo zami,Nokukhanya okukhanyisa indlela yami. +
106 Ngenze isifungo futhi ngizosifeza,Ukuze ngigcine izahlulelo zakho ezilungile.
107 Ngihlushwe kakhulu. +
O Jehova, ngilonde ngokwezwi lakho. +
108 O Jehova, ngicela uyijabulele iminikelo yami yokuzithandela yokudumisa, *+Ungifundise izahlulelo zakho. +
109 Ukuphila kwami kuhlale kusengozini,*Kodwa angizange ngiwukhohlwe umthetho wakho. +
110 Ababi bangibekele isicupho,Kodwa angiphambukanga emiyalweni yakho. +
111 Izikhumbuzo zakho ziyohlale zinami,*Ngoba ziyayijabulisa inhliziyo yami. +
112 Nginqume* ukulalela iziqondiso zakhoNgaso sonke isikhathi, kuze kube sekugcineni.
ס [Samekh]
113 Ngiyabazonda abanhliziyombili, *+Kodwa ngiyawuthanda umthetho wakho. +
114 Wena uyindawo yami yokucasha nehawu lami. +
Ngoba ngithembele ezwini* lakho. +
115 Ningasondeli kimi, nina bantu ababi, +Ukuze ngigcine imiyalo kaNkulunkulu wami.
116 Ngisekele njengoba wangithembisa, *+Ukuze ngiqhubeke ngiphila;Ungavumeli ithemba lami liphenduke indumalo. *+
117 Ngisekele ukuze ngisindiswe; +Khona-ke ngiyohlale ngigxile eziqondisweni zakho. +
118 Ubalahlile bonke abaphambukayo eziqondisweni zakho, +Ngoba banamanga futhi bayakhohlisa.
119 Ubalahla njengokungathi udoti* bonke ababi bomhlaba. +
Yingakho ngizithanda izikhumbuzo zakho.
120 Ukukwesaba kwenza umzimba wami uqhaqhazele;Ngiyazesaba izahlulelo zakho.
ע [Ayin]
121 Ngikhiphe izahlulelo ezinobulungisa ngenza okulungile.
Unganginikeli kulabo abangicindezelayo!
122 Thembisa ukuthi uzoyisiza inceku yakho;Kwangathi abagabadelayo bangengicindezele.
123 Amehlo ami akhathele ngilinde insindiso yakho +Nesithembiso sakho esilungile. *+
124 Bonisa inceku yakho uthando lwakho oluqotho, +Ungifundise iziqondiso zakho. +
125 Ngiyinceku yakho; ngiphe ukuqonda, +Ukuze ngazi izikhumbuzo zakho.
126 Sesifikile isikhathi sokuba uJehova athathe isinyathelo, +Ngoba bawuphulile umthetho wakho.
127 Yingakho ngiyithanda imiyalo yakhoNgaphezu kwegolide, yebo igolide elicwengekile. *+
128 Ngakho-ke, yonke imiyalo yakho* ngiyibona ilungile; +Ngiyazizonda zonke izindlela zamanga. +
פ [Pe]
129 Izikhumbuzo zakho ziyamangalisa.
Yingakho ngizigcina.
130 Ukwambulwa kwamazwi akho kuletha ukukhanya, +Kwenza abangenalwazi baqonde. +
131 Ngiyayomela imiyalo yakho,*Ngiyilangazelela kakhulu imiyalo yakho. +
132 Phendukela kimi ungibonise umusa, +Ngokuvumelana nendlela owahlulela ngayo labo abathanda igama lakho. +
133 Qondisa izinyathelo zami* ngezwi lakho;Makungabi nabubi obungibusayo. +
134 Ngikhulule kubantu abangicindezelayo,Ngizoyigcina imiyalo yakho.
135 Yenza ubuso bakho bukhanye* encekwini yakho, +Ungifundise iziqondiso zakho.
136 Amehlo ami ageleza izinyembeziNgenxa yokuthi abantu abawugcini umthetho wakho. +
צ [Tsade]
137 O Jehova, ulungile, +Wahlulela ngobulungisa. +
138 Izikhumbuzo zakho zilungileZithembeke ngokuphelele.
139 Ukuzinikela kwami kuwe kunjengomlilo ovuthayo ngaphakathi kimi, +Ngoba izitha zami ziwakhohliwe amazwi akho.
140 Izwi lakho licwengisisiwe, +Inceku yakho iyalithanda. +
141 Angilutho futhi ngidelelekile; +Noma kunjalo, angizange ngiyikhohlwe imiyalo yakho.
142 Ukulunga kwakho kuwukulunga kwaphakade, +Umthetho wakho uyiqiniso. +
143 Nakuba ukucindezeleka nobunzima kungehlela,Ngilokhu ngiyithanda imiyalo yakho.
144 Ukulunga kwezikhumbuzo zakho kuhlala kuze kube phakade.
Ngiphe ukuqonda, + ukuze ngiqhubeke ngiphila.
ק [Qoph]
145 Ngikubiza ngenhliziyo yami yonke. O Jehova, ngiphendule.
Ngizozigcina iziqondiso zakho.
146 Ngiyakubiza; ngisindise!
Ngizozigcina izikhumbuzo zakho.
147 Ngivuke ekuseni ngovivi,* ngakhalela usizo, +Ngoba ngithembele emazwini* akho.
148 Amehlo ami ayavuleka phakathi nobusuku,*Ukuze ngizindle ngezwi lakho. +
149 Lalela izwi lami ngenxa yothando lwakho oluqotho. +
O Jehova, ngilonde ngokuvumelana nobulungisa bakho.
150 Labo abaziphatha ngokuhlazisayo* basondela kimi;Bakude nomthetho wakho.
151 O Jehova, wena useduze, +Yonke imiyalo yakho iyiqiniso. +
152 Ngazazi kudala izikhumbuzo zakho,Owazimisa ukuze zihlale phakade. +
ר [Resh]
153 Kubone ukuhlupheka kwami, ungikhulule, +Ngoba angizange ngiwukhohlwe umthetho wakho.
154 Ngivikele* ungikhulule; +Ngilonde ngokwesithembiso sakho.*
155 Insindiso ikude nababi,Ngoba abazange bazifune iziqondiso zakho. +
156 O Jehova, sikhulu isihe sakho. +
Ngilonde ngokuvumelana nobulungisa bakho.
157 Ziningi izitha zami kanye nabangishushisayo; +Kodwa angizange ngiphambuke ezikhumbuzweni zakho.
158 Ngibabheka ngokubenyanya abakhohlisayo,Ngoba abaligcini izwi lakho. +
159 Bheka ukuthi ngiyithanda kanjani imiyalo yakho!
O Jehova, ngilonde ngenxa yothando lwakho oluqotho. +
160 Izwi lakho lilonke liyiqiniso, +Nazo zonke izahlulelo zakho ezilungile zihlala kuze kube phakade.
ש [Sin] noma [Shin]
161 Izikhulu zingishushisa + ngaphandle kwesizathu,Kodwa inhliziyo yami iyamangala ngenxa yamazwi akho. +
162 Ngiyathokoza ngezwi lakho +Njengomuntu othola impango eningi.
163 Ngiyawazonda amanga—ngiyawenyanya +—Ngiyawuthanda umthetho wakho. +
164 Ngikudumisa kasikhombisa ngosukuNgenxa yezahlulelo zakho ezilungile.
165 Ukuthula okuchichimayo kungokwalabo abathanda umthetho wakho; +Akukho lutho olungabakhuba.*
166 O Jehova, ngithembele ensindisweni yakho,Ngiyayigcina imiyalo yakho.
167 Ngiyazigcina izikhumbuzo zakho,Ngizithanda kakhulu. +
168 Ngiyayigcina imiyalo yakho nezikhumbuzo zakho,Ngoba uyakwazi konke engikwenzayo. +
ת [Taw]
169 O Jehova, kwangathi ungangizwa lapho ngikhalela usizo. +
Ngenze ngiqonde, ngokwezwi lakho. +
170 Kwangathi ungakulalela ukunxusa kwami.
Ngisindise ngokwesithembiso sakho.*
171 Kwangathi izindebe zami zingachichima amazwi okudumisa, +Ngoba ungifundisa iziqondiso zakho.
172 Kwangathi ulimi lwami lungahuba ngezwi lakho, +Ngoba yonke imiyalo yakho ilungile.
173 Kwangathi isandla sakho singakulungela ukungisiza, +Ngoba ngikhetha ukulalela imiyalo yakho. +
174 O Jehova, ngilangazelela insindiso yakho,Nomthetho wakho ngiyawuthanda. +
175 Kwangathi ngingaphila ukuze ngikudumise; +Kwangathi izahlulelo zakho zingangisiza.
176 Ngidukile njengemvu elahlekile. + Funa inceku yakho,Ngoba angizange ngiyikhohlwe imiyalo yakho. +
Imibhalo yaphansi
^ Noma, “abagcina ubuqotho.”
^ NgesiHebheru, “O ukube izindlela zami bezimi ziqinile.”
^ Noma, “Ngizofunda.”
^ Noma, “Umphefumulo wami ulangazelela.”
^ NgesiHebheru, “Gingqa, ususe kimi.”
^ Noma, “ifunda.”
^ Noma, “Umphefumulo wami ulele.”
^ NgesiHebheru, “ngiqonde indlela yemiyalo.”
^ Noma, “ngifunde.”
^ Noma, “ngihlazeke.”
^ NgesiHebheru, “Ngizogijima endleleni.”
^ Noma kungaba, “wenza inhliziyo yami izethembe.”
^ Noma, “Ngihambise.”
^ Noma, “inzuzo.”
^ Noma, “izwi lakho owalisho.”
^ Noma kungaba, “Esenziwa kulabo abakwesabayo.”
^ Noma, “nezwi lakho.”
^ Noma, “ngilindele isahlulelo.”
^ Noma, “evulekile.”
^ Noma, “Ngizofunda.”
^ Noma, “isithembiso owasenza.”
^ Noma, “Ongenze ngalilindela.”
^ Noma, “Endlini engihlala kuyo njengesihambi.”
^ Noma, “Ngithambisa ubuso bakho (ngifuna ukumomotheka kobuso bakho).”
^ Noma, “ngokwezwi lakho.”
^ Noma, “ngangona ngephutha.”
^ NgesiHebheru, “azizwa lutho njengamafutha.”
^ Noma, “ngiyalilinda izwi.”
^ Noma, “Ngokwezwi lakho owalisho.”
^ Noma kungaba, “ngamanga.”
^ Noma, “ngizofunda.”
^ Noma, “ngilindela izwi.”
^ Okuwukuthi, konke akudalile.
^ NgesiHebheru, “ubanzi kakhulu.”
^ Noma, “Ngifunda.”
^ Noma, “ngifunda.”
^ NgesiHebheru, “yomlomo wami.”
^ Noma, “Umphefumulo wami usesandleni sami njalo.”
^ Noma, “ziyifa lami laphakade.”
^ NgesiHebheru, “Ngenze inhliziyo yami yafuna.”
^ Noma, “abanenhliziyo ehlukene phakathi.”
^ Noma, “ngilindela izwi.”
^ Noma, “ngokwezwi lakho.”
^ Noma, “lihlazeke.”
^ Leli yigama lesiHebheru elisho ukungcola okukhishwa egolideni noma esiliveni uma sekuncibilikisiwe.
^ Noma, “Nezwi lakho elilungile.”
^ Noma, “elihle.”
^ Noma, “zonke iziqondiso zakho.”
^ NgesiHebheru, “Ngivula umlomo wami ngihefuzele.”
^ Noma, “Yenza izinyathelo zami zingaxegezeli.”
^ Noma, “bumamatheke.”
^ Noma, “kusempondozankomo.”
^ Noma, “ngilindele amazwi.”
^ NgesiHebheru, “ngaphambi kwemilindo yasebusuku.”
^ Noma, “ngendlela engamanyala.”
^ Noma, “Singatha icala lami.”
^ Noma, “ngokwezwi lakho.”
^ Noma, “Akunasikhubekiso kubo.”
^ Noma, “ngokwezwi lakho.”
