AmaHubo 102:1-28
Umthandazo wocindezelekile lapho ephelelwe yithemba* futhi ethululela kuJehova okumkhathazayo. +
102 O Jehova, yizwa umthandazo wami; +Kwangathi ukukhalela kwami usizo kungafika kuwe. +
2 Ungangifihleli ubuso bakho ngesikhathi sokucindezeleka. +
Ngilalele;*Ngiphendule ngokushesha lapho ngikubiza. +
3 Ngoba izinsuku zami ziphela njengentuthu,Amathambo ami amnyama njengeziko. +
4 Inhliziyo yami ishiswe yilanga njengotshani yabuna, +Ngoba ngiyakhohlwa ukudla ukudla kwami.
5 Ngenxa yokuhlupheka kwami ngiyabubula, +Amathambo ami anamathele enyameni yami. +
6 Ngifana nevuba* lasehlane;Nginjengesikhova ezindaweni ezibhuqiwe.
7 Ngiqwashile,*Nginjengenyoni engayodwa phezu kophahla. +
8 Izitha zami zingiklolodela usuku lonke. +
Labo abangidelelayo* basebenzisa igama lami njengesiqalekiso.
9 Ukudla kwami wumlotha, +Isiphuzo sami sixubene nezinyembezi, +
10 Ngenxa yentukuthelo yakho nolaka lwakho,Ngoba ungiphakamisile ukuze nje ungilahle.
11 Izinsuku zami zinjengethunzi elishabalalayo lapho ilanga lishona, *+Ngiyabuna njengotshani. +
12 Kodwa wena Jehova, uyohlala kuze kube phakade, +Nodumo* lwakho luyohlala zonke izizukulwane. +
13 Nakanjani uyovuka ubonise iZiyoni isihe, +Ngoba yisikhathi sokuba ulibonise umusa wakho; +Isikhathi esibekiwe sesifikile. +
14 Izinceku zakho zithola injabulo ematsheni alo +Zithanda ngisho nothuli lwalo. +
15 Izizwe ziyolesaba igama likaJehova,Nawo wonke amakhosi omhlaba ayoyiqonda inkazimulo yakho. +
16 Ngoba uJehova uyolakha kabusha iZiyoni; +Uyozibonakalisa ekhazimula. +
17 Uyowunaka umthandazo wabangenalutho; +Ngeke ayidelele imithandazo yabo. +
18 Lokhu kulotshelwe isizukulwane esizayo, +Ukuze isizwe esizayo* simdumise uJah.
19 Ngoba ubheka phansi esendaweni yakhe ephakeme engcwele, +Esemazulwini uJehova ubuka emhlabeni,
20 Ukuze ezwe ukukhalaza kwesiboshwa, +Ukuze akhulule abagwetshelwe ukufa, +
21 Ukuze igama likaJehova limenyezelwe eZiyoni +Nodumo lwakhe eJerusalema,
22 Lapho izizwe nemibusoKubuthene ndawonye ukuba kukhonze uJehova. +
23 Washeshe wangiphuca amandla ami;Wazifinyeza izinsuku zami.
24 Ngathi: “O Nkulunkulu wami,Ungangibulali ngoba angikagugi;Wena ophila kuzo zonke izizukulwane. +
25 Kudala wabeka izisekelo zomhlaba,Amazulu awumsebenzi wezandla zakho. +
26 Kuyoshabalala, kodwa wena uyohlale ukhona;Konke kuyoguga njengengubo nje.
Njengengubo uyobeka okunye esikhundleni sako, kuyophelelwa isikhathi.
27 Kodwa wena awushintshi, awunasiphetho. +
28 Amadodana ezinceku zakho ayohlala evikelekile,Inzalo yawo iyomiswa iqine phambi kwakho.” +
Imibhalo yaphansi
^ Noma, “eba buthaka.”
^ Noma, “Goba ulalele.”
^ Uhlobo oluthile lwenyoni.
^ Noma kungaba, “Ngizacile.”
^ Noma, “abangenza isilima.”
^ Noma, “zinjengethunzi elilulekayo.”
^ Noma, “Negama.” NgesiHebheru, “Nesikhumbuzo.”
^ NgesiHebheru, “esisazodalwa.”
