Eyokuqala KaPetru 5:1-14
5 Ngakho-ke, njengomdala okanye nani, ufakazi wezinhlupheko zikaKristu nomhlanganyeli wenkazimulo eyokwambulwa, + nginxusa* abadala phakathi kwenu, ngithi:
2 Yalusani umhlambi kaNkulunkulu + eniwuphathisiwe, niwuqaphe ngokucophelela,* kungabi ngokucindezelwa kodwa ngokuzithandela phambi kukaNkulunkulu; + kungabi ngenxa yothando lwenzuzo yokungathembeki, + kodwa ngokulangazela;
3 ningabi yizingqongqo phezu kwalabo abayifa likaNkulunkulu, + kodwa nibe yizibonelo emhlanjini. +
4 Lapho umalusi omkhulu + esebonakalisiwe, niyokwamukela umqhele wenkazimulo ongabuni. +
5 Ngendlela efanayo, nina zinsizwa, zithobeni emadodeni amadala. + Kodwa nonke gqokani* ukuthobelana,* ngoba uNkulunkulu uyamelana nabaziphakamisayo, kodwa abathobekile ubapha umusa omkhulu. +
6 Ngakho zithobeni ngaphansi kwesandla sikaNkulunkulu esinamandla, ukuze aniphakamise ngesikhathi esifanele, +
7 niphonse zonke izinkathazo zenu kuye, + ngoba uyanikhathalela. +
8 Hlalani nisangulukile, qaphani! + Isitha senu, uDeveli, sizulazula njengebhubesi elibhongayo, sifuna esingamshwabadela. +
9 Kodwa melanani naye, + niqine okholweni, nazi ukuthi izinhlupheko ezifanayo zehlela yonke inhlangano yabazalwane benu* emhlabeni. +
10 Kodwa ngemva kokuba senihluphekile isikhashana, uNkulunkulu wawo wonke umusa omkhulu, owanibizela enkazimulweni yakhe yaphakade + ngoKristu, yena ngokwakhe uyoqedela ukuqeqeshwa kwenu. Uyonenza niqine, + uyonenza nibe namandla, + uyonisekela.
11 Amandla mawabe kuye kuze kube phakade. Amen.
12 NgoSilvanu, *+ engimbheka njengomzalwane othembekile, nginibhalele amazwi ambalwa ukuze nginikhuthaze nokuba nginiqinisekise ukuthi lo yiwo ngempela umusa omkhulu kaNkulunkulu. Yimani niqine kuwo.
13 Owesifazane oseBhabhiloni, okhethiwe njengani, uyakhonza kini, kanjalo noMarku + indodana yami.
14 Bingelelanani ngokuqabulana ngothando.
Kwangathi nonke nina enimunye noKristu ningaba nokuthula.
Imibhalo yaphansi
^ Noma, “ngiyala.”
^ Noma, “nibe ababonisi.”
^ Noma, “isimo sengqondo sokuthobelana.”
^ Noma, “bhincani.”
^ NgesiGreki, “bonke abafowenu.”
^ Ubizwa nangokuthi uSila.
