Eyokuqala YeziKronike 26:1-32
26 Izigaba zabalindisango + zazimi kanje: kumaKhora, uMeshelemiya + indodana kaKore wamadodana ka-Asafa.
2 UMeshelemiya wayenamadodana: UZakariya izibulo, uJediyayeli eyesibili, uZebadiya eyesithathu, uJatiniyeli eyesine,
3 u-Elamu eyesihlanu, uJehohanani eyesithupha, u-Eliyeho-enayi eyesikhombisa.
4 U-Obede-edomi waba namadodana: UShemaya izibulo, uJehozabhadi eyesibili, uJowa eyesithathu, uSakari eyesine, uNethaneli eyesihlanu,
5 u-Amiyeli eyesithupha, u-Isakare eyesikhombisa noPhewuletayi eka-8; ngoba uNkulunkulu wayembusisile.
6 UShemaya indodana yakhe wazalelwa amadodana ayengababusi bomndeni kayise, ngoba ayengamadoda anamandla nekhono lokwenza izinto.
7 Amadodana kaShemaya: u-Othini, uRefayeli, u-Obede no-Elizabadi; abafowabo u-Elihu noSemakhiya nabo babengamadoda anekhono lokwenza izinto.
8 Bonke laba babeyinzalo ka-Obede-edomi; bona namadodana abo nabafowabo babengamadoda anekhono lokwenza izinto nakufanelekelayo ukwenza inkonzo, babengu-62 bengabaka-Obede-edomi.
9 UMeshelemiya + waba namadodana nabafowabo, amadoda angu-18 anekhono lokwenza izinto.
10 UHosa wamadodana kaMerari waba namadodana. UShimri wayeyinhloko, ngoba nakuba ayengelona izibulo, uyise wammisa njengenhloko,
11 uHilikiya wayengowesibili, uThebaliya engowesithathu, uZakariya engowesine. Wonke amadodana nabafowabo bakaHosa babengu-13.
12 Kulezi zigaba zabalindisango, amadoda ayizinhloko ayenemisebenzi njengabafowabo, ukukhonza endlini kaJehova.
13 Ngakho benza inkatho, + imindeni emincane nemikhulu ngokwemindeni yoyise, yenzelwa amasango ahlukahlukene.
14 Inkatho yasempumalanga yadla uShelemiya. UZakariya indodana yakhe, umeluleki onokuqonda, wenzelwa inkatho, inkatho yakhe yaphumela enyakatho.
15 Eka-Obede-edomi yaba seningizimu, amadodana akhe + abelwa izinqolobane.
16 EkaShuphimi noHosa + yaba sentshonalanga, eduze kweSango iShaleketi ngasemgwaqweni omkhulu onyukayo, iqembu lonogada limaqondana neqembu lonogada;
17 empumalanga kwakukhona amaLevi ayisithupha; enyakatho emane usuku ngalunye, eningizimu emane usuku ngalunye; ezinqolobaneni, + engamabili;
18 kuvulandi osentshonalanga, ayemane emgwaqweni omkhulu, + emabili kuvulandi.
19 Lezi kwakuyizigaba zabalindisango zamadodana amaKhora namaMerari.
20 Ngokuqondene namaLevi, u-Ahiya wayengamele ingcebo yendlu kaNkulunkulu weqiniso nengcebo yezinto ezingcwelisiwe. *+
21 Amadodana kaLadani: amadodana omGereshoni angakaLadani, izinhloko zemindeni yoyise zikaLadani umGereshoni, uJehiyela +
22 namadodana kaJehiyela, uZethamu noJoweli umfowabo. Ayengamele ingcebo yendlu kaJehova. +
23 Kuma-Amramu, ama-Izihari, amaHebroni, ama-Uziyeli, +
24 uShebuweli indodana kaGereshomu indodana kaMose wayengumholi owengamele izinqolobane.
25 Ngokuphathelene nabafowabo, ku-Eliyezeri, + kwakukhona uRehabhiya + indodana yakhe, uJeshaya indodana yakhe, uJoramu indodana yakhe, uZikiri indodana yakhe noShelomoti indodana yakhe.
26 Lo Shelomoti nabafowabo babengamele yonke ingcebo yezinto ezingcwelisiwe, + lezo iNkosi uDavide, + izinhloko zemindeni yoyise, + izinduna zezinkulungwane nezamakhulu nezinduna zebutho, ababezenze zaba ngcwele.
27 Kokuvela ezimpini + nasezintweni eziphangiwe, + babenze izinto zaba ngcwele ukuze indlu kaJehova igcinwe isesimweni esihle;
28 nakho konke lokho uSamuweli umboni wemibono, + uSawule indodana kaKishi, u-Abhineri + indodana kaNeri noJowabe + indodana kaZeruya + ababekwenze kwaba ngcwele. Noma yini umuntu ayeyenze yaba ngcwele yayinakekelwa uShelomiti nabafowabo.
29 Kuma-Izihari, + uKhenaniya namadodana akhe bababelwe umsebenzi ongaphandle kowokuqondisa njengezikhulu nabahluleli + phezu kuka-Israyeli.
30 KumaHebroni, + uHashabiya nabafowabo, amadoda anekhono lokwenza izinto angu-1 700, babengamele ukuqondiswa kuka-Israyeli esifundeni esisentshonalanga yeJordani kuwo wonke umsebenzi kaJehova nasenkonzweni yenkosi.
31 KumaHebroni, uJerija + wayeyinhloko yamaHebroni ngokohlu lozalo lwemindeni yoyise. Ngonyaka ka-40 wobukhosi bukaDavide, + kwafunwa amadoda angamaqhawe nanamandla phakathi kwawo, atholakala eJazeri + eGileyadi.
32 Abafowabo babengamadoda anekhono lokwenza izinto angu-2 700, izinhloko zemindeni yoyise. Ngakho iNkosi uDavide yababela ukuba bengamele abakwaRubeni, abakwaGadi nohhafu wesizwe sakwaManase, kuzo zonke izindaba zikaNkulunkulu weqiniso nezindaba zenkosi.
Imibhalo yaphansi
^ Noma, “ezinikelwe.”
