Malaki 4:1-6
4 “Ngoba, bheka! luyeza usuku oluvutha njengesithando somlilo,+ bonke abagabadelayo nabo bonke abenza ububi bayoba njengezinhlanga.+ Lolu suku oluzayo ngokuqinisekile luyobashwabadela,” kusho uJehova wamabutho, “kangangokuthi ngeke lubashiyele mpande nagatsha.+
2 Kodwa ilanga lokulunga liyophumela kini,+ nina enilesabayo igama lami, linokuphulukisa emaphikweni alo;+ empeleni niyophuma niqebekule inhlabathi njengamathole akhuluphalisiwe.”+
3 “Ngokuqinisekile, nina niyobanyathela ababi, ngoba bayoba njengebhuqu ngaphansi kwamathe ezinyawo zenu ngosuku engithatha ngalo isinyathelo,”+ kusho uJehova wamabutho.
4 “Khumbulani umthetho kaMose inceku yami engamyala ngawo eHorebe ngokuphathelene no-Israyeli wonke, yebo iziqondiso nezinqumo zokwahlulela.+
5 “Bhekani! Ngithumela kini u-Eliya umprofethi+ ngaphambi kokuza kosuku lukaJehova olukhulu nolwesabekayo.+
6 Uyobuyisela izinhliziyo zoyise kubantwana, nezinhliziyo zabantwana koyise; ukuze ngingafiki ngiwushaye impela umhlaba ngokuwunikela ekubhujisweni.”+
