Malaki 3:1-18
3 “Bheka! Ngithuma isithunywa sami,+ futhi siyolungisa indlela phambi kwami.+ INkosi yeqiniso+ eniyifunayo iyofika kungazelelwe ethempelini laYo,+ nesithunywa+ sesivumelwano+ enijabula ngaso.+ Bheka! Iyofika ngokuqinisekile,” kusho uJehova wamabutho.+
2 “Kodwa ngubani oyolumela usuku lokufika kwayo,+ futhi ngubani oyokuma lapho ibonakala?+ Ngoba iyoba njengomlilo womcwengi+ nanjengensipho+ yabahlanzi bezingubo.+
3 Iyohlala njengomcwengi nanjengomhlanzi wesiliva+ ihlanze amadodana kaLevi;+ iyowacwenga njengegolide+ nanjengesiliva, futhi kuJehova ayoba ngabantu abaletha umnikelo wesipho+ ngokulunga.
4 Umnikelo wesipho kaJuda neJerusalema uyoba ngowanelisayo impela kuJehova,+ njengasezinsukwini zakudala nanjengaseminyakeni yasendulo.+
5 “Ngiyokuza kini ngenjongo yokwahlulela,+ futhi ngiyoba ngufakazi osheshayo+ ngokumelene nabathakathi,+ neziphingi,+ nabafunga amanga,+ nabenza ngendlela yokuphamba ngokuphathelene nenkokhelo yesisebenzi,+ kumfelokazi+ nasentandaneni,+ nakwabaxosha umfokazi,+ bengazange bangesabe,”+ kusho uJehova wamabutho.
6 “Ngoba nginguJehova; angizange ngishintshe.+ Nina ningamadodana kaJakobe; anizange niphele.+
7 Kusukela ezinsukwini zokhokho benu niphambukile eziqondisweni zami futhi anizange nizigcine.+ Buyelani kimi, nami ngizobuyela kini,”+ kusho uJehova wamabutho.
Nina nithé: “Sizobuya kanjani?”
8 “Ingabe umuntu wasemhlabeni angamphanga uNkulunkulu? Kodwa nina niyangiphanga.”
Nina nithé: “Sikuphangé ngayiphi indlela na?”
“Ngokweshumi nangeminikelo.
9 Niqalekisa+ mina ngesiqalekiso, futhi niyangiphanga—isizwe sisonke.
10 Lethani konke okweshumi+ enqolobaneni, ukuze kube khona ukudla endlini yami;+ ngiyanicela ukuba ningivivinye kulesi sici,”+ kusho uJehova wamabutho, “ukuthi ngeke yini nginivulele amasango ezikhukhula asemazulwini+ empeleni ngithululele phezu kwenu isibusiso kuze kungabikho ukuswela.”+
11 “Ngiyonikhuzela okushwabadelayo,+ futhi ngeke kusichithe isithelo senu somhlabathi, futhi umvini wenu ensimini ngeke ube ongenasithelo,”+ kusho uJehova wamabutho.
12 “Zonke izizwe ziyothi niyajabula,+ ngoba nina niyoba yizwe lenjabulo,”+ kusho uJehova wamabutho.
13 “Amazwi enu abé ngaqinile amelene nami,”+ kusho uJehova.
Nina nithé: “Sikhulumeni okubi ngawe?”+
14 “Nina nithé, ‘Akusizi ngalutho ukukhonza uNkulunkulu.+ Kunanzuzoni ukuthi sigciné isibopho kuye, nokuthi sihambé ngokudangala ngenxa kaJehova wamabutho?+
15 Kumanje sithi bayajabula abantu abagabadelayo.+ Abenzi bobubi bakhiwe.+ Futhi, bamvivinyile uNkulunkulu futhi bayaqhubeka bephunyuka.’”+
16 Ngaleso sikhathi abamesabayo uJehova+ bakhuluma omunye komunye, yilowo nalowo nomngane wakhe, uJehova waqhubeka enakile futhi elalele.+ Kwalotshwa incwadi yenkumbulo phambi kwakhe+ yalabo abamesabayo uJehova nalabo abacabanga ngegama lakhe.+
17 “Ngokuqinisekile bayoba ngabami,”+ kusho uJehova wamabutho, “mhla ngiveza impahla ekhethekile.+ Ngiyobabonisa ububele, njengoba nje umuntu ebonisa indodana yakhe emkhonzayo ububele.+
18 Ngokuqinisekile niyobuye nibone umehluko phakathi kolungileyo nomubi,+ phakathi kokhonza uNkulunkulu nongazange amkhonze.”+
