IzEnzo 21:1-40
21 Manje lapho sesihlukene nabo, sathatha uhambo lwasolwandle ngendlela eqondile safika eKhose, ngosuku olulandelayo saya eRodu, futhi ukusuka lapho saya ePathara.
2 Lapho sesithole isikebhe esasiwelela eFenike, sagibela sahamba.
3 Ngemva kokubona isiqhingi saseKhupro+ sasishiya ngemuva ngakwesobunxele saqhubeka ngesikebhe saya eSiriya,+ sase sifika eThire, ngoba isikebhe kwakumelwe sethule umthwalo+ waso khona.
4 Sabafuna sabathola abafundi futhi sahlala khona izinsuku eziyisikhombisa. Ngomoya+ batshela uPawulu ngokuphindaphindiwe ukuba angalubeki unyawo eJerusalema.
5 Ngakho lapho sesiqede lezo zinsuku, saphuma sangena indlela yethu; kodwa bonke, kanye nabesifazane nabantwana, basiphelezela kwaze kwaba ngaphandle komuzi. Futhi siguqa+ phansi ogwini, sathandaza
6 savalelisana,+ thina sakhuphukela esikebheni kodwa bona babuyela emakhaya.
7 Khona-ke saqedela uhambo olusuka eThire ngesikebhe safika ePhetolemayi, sabingelela abazalwane sahlala usuku olulodwa nabo.
8 Ngosuku olulandelayo sasuka futhi safika eKhesariya,+ saya endlini kaFiliphu umvangeli, owayengomunye wamadoda ayisikhombisa,+ sahlala naye.
9 Lo muntu wayenamadodakazi amane ayizintombi, ayeprofetha.+
10 Kodwa lapho sisahlezi izinsuku eziningana impela, umprofethi othile ogama lakhe lingu-Agabu+ wehla evela eJudiya,
11 wafika kithi wathatha ibhande likaPawulu, wazibopha izinyawo nezandla wathi: “Usho kanje umoya ongcwele, ‘Indoda okungelayo leli bhande, amaJuda azoyibopha+ ngale ndlela eJerusalema, ayinikele+ ezandleni zabantu bezizwe.’”
12 Manje lapho sikuzwa lokhu, thina nabantu bakuleyo ndawo, samncenga ukuba angakhuphukeli+ eJerusalema.
13 Khona-ke uPawulu waphendula: “Nenzani ngokukhala+ ningenza buthaka enhliziyweni na?+ Qinisekani ngalokhu, angilungele ukuboshwa nje kuphela kodwa futhi nokufa+ eJerusalema ngenxa yegama leNkosi uJesu.”
14 Lapho engenakuvinjwa, sathula sathi: “Intando+ kaJehova mayenzeke.”
15 Ngemva kwalezi zinsuku salungiselela uhambo futhi sakhuphukela eJerusalema.+
16 Kodwa abanye kubafundi baseKhesariya+ nabo bahamba nathi, ukuze basiyise kumuntu okwakufanele sibungazwe emzini wakhe, uMnasoni othile waseKhupro, umfundi okwabokuqala.
17 Lapho sifika eJerusalema,+ abafowethu basamukela ngokuthokoza.+
18 Kodwa ngosuku olulandelayo uPawulu wangena nathi kuJakobe;+ wonke amadoda amadala ayekhona.
19 Wawabingelela waqala ukulandisa ngokuningiliziwe+ izinto uNkulunkulu ayezenze kwabezizwe ngenkonzo yakhe.+
20 Ngemva kokuzwa lokhu, akhazimulisa uNkulunkulu, athi kuye: “Uyabona, mfowethu, ukuthi ziningi kangakanani izinkulungwane zamakholwa akhona kumaJuda; futhi wonke ashisekela uMthetho.+
21 Kodwa ezwé amahemuhemu ngawe okuthi ubufundisa wonke amaJuda phakathi kwezizwe ukuhlubuka kuMose,+ uwatshela ukuba angabasoki+ abantwana bawo futhi angahambi ngamasiko.
22 Khona-ke, kuzokwenziwani ngakho? Noma ngabe yikuphi, azozwa ukuthi ufikile.
23 Ngakho-ke yenza lokhu esikutshela kona: Sinamadoda amane enzé isifungo.
24 Wathathe la madoda+ uzihlanze nawo ngokwesiko futhi unakekele izindleko zawo,+ ukuze aphuce amakhanda awo.+ Ngakho bonke abantu bazokwazi ukuthi awekho la mahemuhemu abawatshelwe ngawe, kodwa uhamba ngokuhlelekile, nawe ngokwakho uyawugcina uMthetho.+
25 Ngokuqondene namakholwa avela kwabezizwe, siye sathumela, sakhipha isinqumo sethu sokuthi kufanele azigcine kokuhlatshelwe izithombe+ nasegazini+ nakokuklinyiwe+ nasebufebeni.”+
26 Khona-ke uPawulu wawathatha la madoda ngosuku olulandelayo wazihlanza nawo ngokwesiko,+ wangena ethempelini, ukuze azise ngezinsuku okumelwe zigcwaliseke+ zokuhlanzwa ngokwesiko, kuze kube yilapho ngamunye wabo+ esenikelelwe umnikelo.+
27 Manje lapho izinsuku eziyisikhombisa+ sezizophela, amaJuda ase-Asiya lapho embona ethempelini aqala ukuphithizelisa sonke isixuku,+ futhi ambamba,
28 ememeza ethi: “Madoda akwa-Israyeli, sizani! Nangu lo muntu ofundisa bonke abantu kuyo yonke indawo ngokumelene nesizwe+ noMthetho kanye nale ndawo, futhi ngaphezu kwalokho, ungenise ngisho namaGreki ethempelini wayingcolisa le ndawo engcwele.”+
29 Ngaphambili ayebone uTrofimu+ wase-Efesu enaye emzini, acabanga ukuthi uPawulu wayemngenise ethempelini.
30 Wonke umuzi wayaluza,+ abantu bagijima kanyekanye; babamba uPawulu bamhudulela ngaphandle kwethempeli.+ Masinyane iminyango yavalwa.
31 Lapho befuna ukumbulala, kwafika kumlawuli weviyo ukwaziswa kokuthi lonke iJerusalema liyaphithizela;+
32 ngaso leso sikhathi wathatha amasosha nezikhulu zamabutho wagijima wehlela kubo.+ Lapho bebona umlawuli wamabutho+ namasosha, bayeka ukushaya uPawulu.
33 Khona-ke umlawuli wamabutho wasondela wambamba wanikeza umyalo wokuba aboshwe ngamaketanga amabili;+ wabe esebuza ukuthi ungubani nokuthi wayenzeni.
34 Kodwa abanye esixukwini bamemeza okunye, nabanye okunye.+ Ngakho, engakwazi yena ngokwakhe ukuzwa lutho oluqinisekile ngenxa yokuxokozela, wayala ukuba alethwe ekamu lamasosha.+
35 Kodwa lapho efika ezitebhisini, isimo saba sezingeni lokuba athwalwe amasosha ngenxa yobudlova besixuku;
36 ngoba uquqaba lwabantu lwaqhubeka lulandela, lumemeza luthi: “Msuseni!”+
37 Lapho esezoyiswa ekamu lamasosha, uPawulu wathi kumlawuli wamabutho: “Ingabe ngivumelekile ukusho okuthile kuwe?” Wathi: “Uyakwazi ukukhuluma isiGreki?
38 Awuyena yini empeleni lo mGibhithe okuthe ngaphambi kwalezi zinsuku wabhebhezela ukuvukela umbuso+ futhi waholela ngaphandle ehlane amadoda angababulali ayizinkulungwane ezine?”
39 Khona-ke uPawulu wathi: “Eqinisweni, ngingumJuda+ waseTarsu+ eKhilikhiya, isakhamuzi somuzi owaziwayo. Ngakho ngiyakuncenga, ngivumele ngikhulume nalaba bantu.”
40 Ngemva kokumvumela, uPawulu, emi ezitebhisini, waqhweba+ abantu ngesandla. Lapho kuba nokuthula okukhulu, wakhuluma nabo ngolimi lwesiHebheru,+ wathi:
