IzAga 31:1-31
31 Amazwi kaLemuweli inkosi, umyalezo onohlonze+ unina amnika wona emqondisa:+
2 O ndodana yami, yini engiyishoyo, yini enye, ndodana yesisu sami,+ yini enye futhi ndodana yezithembiso zami?+
3 Unganiki abesifazane amandla akho,+ nezindlela zakho ungaziniki lokho okuholela ekuqothulweni kwamakhosi.+
4 Akukhona okwamakhosi, Lemuweli, akukhona okwamakhosi ukuphuza iwayini noma okwezikhulu eziphakeme ukuba zithi: “Luphi uphuzo oludakayo?”+
5 ukuze umuntu angaphuzi abese ekhohlwa okunqunyiwe futhi aphendukezele udaba lwanoma ubani kubantwana bokuhlupheka.+
6 Lunikeni osezoshabalala+ uphuzo oludakayo, newayini nilinike labo abamunyu emphefumulweni.+
7 Umuntu makaphuze akhohlwe ngubumpofu bakhe, angabe esayikhumbula inkathazo yakhe.
8 Umlomo wakho wuvulele ongakhulumi,+ odabeni lwabo bonke abadlulayo.+
9 Vula umlomo wakho, yahlulela ngokulunga umele udaba lohluphekile nompofu.+
א [ʼAʹleph]
10 Ngubani ongathola umfazi onekhono?+ Inani lakhe lilidlula kude elamakhorali.
ב [Behth]
11 Inhliziyo yomnikazi wakhe ibeke ithemba kuye, futhi akukho nzuzo entulekayo.+
ג [Giʹmel]
12 Umvuzé ngokuhle, hhayi ngokubi, zonke izinsuku zokuphila kwakhe.+
ד [Daʹleth]
13 Ufuné uboya nelineni, futhi wenza noma yini izandla zakhe eziyijabulelayo.+
ה [Heʼ]
14 Ubé njengemikhumbi yomthengisi.+ Ukulanda kude ukudla kwakhe.
ו [Waw]
15 Futhi uvuka kusesebusuku,+ aphe abendlu yakhe ukudla anike nezintombi+ zakhe izabelo ezimisiwe.
ז [Zaʹyin]
16 Ucabangelé insimu wayithola;+ ngezithelo zezandla zakhe uye watshala isivini.+
ח [Chehth]
17 Ubhince izikhwepha okhalweni lwakhe, futhi uhlumelelisa izingalo zakhe.+
ט [Tehth]
18 Uqaphelile ukuthi ukuhweba kwakhe kuhle; isibani sakhe asicimi ebusuku.+
י [Yohdh]
19 Welulelé izandla zakhe othini lokubamba imicu, izandla zakhe zibamba uthi lokuphotha.+
כ [Kaph]
20 Intende yesandla sakhe uyelulele ohluphekile, futhi izandla zakhe uzelulele ompofu.+
ל [Laʹmedh]
21 Akabesabeli abendlu yakhe ngenxa yeqhwa, ngoba bonke abendlu yakhe bembethe izingubo eziphindwe kabili.+
מ [Mem]
22 Uzenzelé izindwangu zokwemboza.+ Izembatho zakhe zingezelineni noboya obudaywe baba nsomi ngokubomvu.+
נ [Nun]
23 Umnikazi+ wakhe ngumuntu owaziwayo emasangweni,+ lapho ehlala phansi kanye namanye amadoda amadala ezwe.
ס [Saʹmekh]
24 Wenzé ngisho nezingubo zangaphansi+ futhi wazithengisa, wanika namadoda angabahwebi amabhande.
ע [ʽAʹyin]
25 Izikhwepha nobukhazikhazi yizembatho zakhe,+ futhi uyaluhleka usuku oluzayo.+
פ [Peʼ]
26 Umlomo wakhe uwuvule ngokuhlakanipha,+ nomthetho womusa wothando usolimini lwakhe.+
צ [Tsa·dhehʹ]
27 Uqapha okwenzekayo endlini yakhe, futhi akasidli isinkwa sobuvila.+
ק [Qohph]
28 Amadodana akhe asukumile athi uyajabula;+ umnikazi wakhe uyasukuma amdumise.+
ר [Rehsh]
29 Baningi abesifazane+ abanekhono, kodwa wena—wena ubadlula bonke.+
ש [Shin]
30 Ukukhanga kungase kube yinkohliso,+ nobuhle bungase bube yize;+ kodwa owesifazane owesaba uJehova nguye ozitholela udumo.+
ת [Taw]
31 Mnikeni izithelo zezandla zakhe,+ futhi imisebenzi yakhe mayimdumise emasangweni.+
