Hoseya 6:1-11
6 “Wozani, masibuyele kuJehova,+ ngoba yena udwengulile+ kodwa uzosiphulukisa.+ Waqhubeka eshaya, kodwa uzosibopha amanxeba.+
2 Uzosiphilisa ngemva kwezinsuku ezimbili.+ Ngosuku lwesithathu uzosivusa, siphile phambi kwakhe.+
3 Futhi sizokwazi, sizokuphishekela ukumazi uJehova.+ Njengokuntwela kokusa,+ ukuphuma kwakhe kumi kuqinile.+ Uzokuza njengemvula ethululekayo kithi;+ njengemvula yasentwasahlobo ematisa umhlaba.”+
4 “O Efrayimi, ngizokwenzenjani ngawe? O Juda, ngizokwenzenjani ngawe,+ lapho umusa wenu wothando unjengamafu asekuseni nanjengamazolo amukayo ekuseni?
5 Yingakho kuyomelwe ukuba ngibambe ngabaprofethi;+ kuyomelwe ngibabulale ngamazwi omlomo wami.+ Futhi izahlulelo phezu kwenu ziyoba njengokukhanya okuphumayo.+
6 Ngoba ngijabulele umusa wothando,+ hhayi umhlatshelo;+ nolwazi ngoNkulunkulu kuneminikelo yokushiswa ephelele.+
7 Kodwa bona, njengomuntu wasemhlabeni, baseqile isivumelwano.+ Yilapho lapho bengikhohlise khona.+
8 IGileyadi+ liwumzana wabakwenza umkhuba okulimazayo; izinyathelo zezinyawo zabo ziyigazi.+
9 Njengalapho kuqamekelwa umuntu,+ inhlangano yabapristi ingamaviyo aphangayo.+ Bayabulala ngasendleleni eShekemi,+ ngoba baqhube ukuziphatha okubi kuphela.+
10 Ngiboné into enyantisayo endlini yakwa-Israyeli.+ Kukhona lapho ubufebe buka-Efrayimi.+ U-Israyeli uzingcolisile.+
11 Ngaphezu kwalokho Juda, umiselwe ukuvuna, lapho ngibutha abathunjiweyo babantu bami ngibabuyisa.”+
